ኣብ ስዑዲ ዓረብ፣ ካብ ስራሕ ዝተባረሩ ኣስታት 50 ሽሕ ሰራሕተኛታት ኣብ ዘካየድዎ ተቓውሞ ሓይሎ ኣውቶቡሳት ኣቓጺሎም

ኣብ ስዑዲ ዓረብ፣ ካብ ስራሕ ዝተባረሩ ኣስታት 50 ሽሕ ሰራሕተኛታት ኣብ ዘካየድዎ ተቓውሞ ሓይሎ ኣውቶቡሳት ኣቓጺሎም

Radio Erena: 02 May 2016

bus

ኣብ ስዑዲ ዓረብ ብዘይ መሰል ካብ ስራሕ ዝተባረሩን ንሽዱሽተ ወርሒ ደሞዞም ዘይተኸፍሉ ኣሳትት 50 ሽሕ ሰራሕተኛታት ኣብ ዘካየድዎ ተቓውሞ፣ ሓያሎ ኣውቶቡሳት ከምዘቓጸሉ ማዕከናት ዜና ካብታ ሃገር ሓቢረን።

እቶም መብዛሕቶም ሰራሕተኛታት ናይቲ ብ ትካል ቢንላደን ዝፍለጥ ኩባንያ፣ ብዘይዝኾነ መሰል ካብ ስራሕ ድሕሪ ምብራሮም ነናብ ዓዶም ክፋነዉ ምዃኖም ድሕሪ ምግላጹ’ዮም ነቲ ተቓውሞ ኣብ ድሮ ኣህጉራዊ መዓልቲ ሰራሕተኛታት ዘካየድዎ።

በቲ ኣብ ከተማ ሜካ ዝተኻየደ ጎነጽ ዝተሓወሶ ተቓውሞ፣ ሰራሕተኛታት 10ታት ኣውቶቡሳት ከምዘቓጸሉ’ውን ክፍለጥ ተኻኢሉ ኣሎ።

 

መሰል ሰራሕተኛታት ብፍላይ ከኣ መሰል ናይ ወጻኢ ሰራሕተኛታት ብምግሃስ ሓብቲ ካብተን ኣብ ቅድሚት ካብ ዝስራዕ ሃገራት ዓለም ኣብ ዝኾነት ስዑዲ ዓረብ፣ ሰራሕተኛታት ከምዚ ዓይነት ተቓውሞ ክውድቡ እዚ ናይ መጀመርያ’ዩ።

ኣብ ተመሳሳሊ ዜና’ውን ኣብ ፈረንሳ፣ ምስ መሰል ሰራሕተኛታትን ብዝተሓሓዝ ኣብ ዝተኻየደ ናይ ተቓውሞ ሰልፍታት፣ ሰለፈኛታትን ምስ ፖሊስ ብዘካየድዎ ግጭት ሓያሎ ሰባት ቆሲሎም።

እቶም ሰልፈኛታት፣ ኣብ ጉዳይ ጥሮታ፣ ተወሳኺ ናይ ስራሕ ሰዓታትን ካልእ ስራሕ መሰላትን ምትዕርራይ ክግበር ብምጥላብ’ዮም ነቲ ተቓውሞ ወዲቦሞ።

=============================

 

ርእይቶ

WORDPRESS: 0