ኣብ መዓስከር ስደተኛታት ኢትዮጵያ ብፖሊስ ዝተቐትለ ኤርትራዊ ሓመድ ኣዳም ለቢሱ

ኣብ ኢትዮጵያ መዓስከር ስደተኛታት ዓዲ ሓሩሽ ብፖሊስ ዝተቐትለ ኤርትራዊ ስደተኛ ስነ ስርዓት ቀብሩ፣ ኣብ እንዳገብርኤል መቓብር ስደተኛታት ዓዲ ሓሩሽ ሓመድ ኣዳም ከምዝለበሰ፣ ምንጭታት ሬድዮ ኤረና ብስእሊ ኣሰንዮም ኣብ ዝሰደዱልና ሓበሬታ ኣረጋጊጾም።

ድሕሪ እቲ ኣብ ማእከላይ ባሕሪ ገማግም ላምፔዱሳ ዘጋጠመ ሞት ልዕሊ 250 ኤርትራውያን፣ ኣብ ኢትዮጵያ መዓስከራት ማይ ዓይኒን ዓዲ ሓሩሽን ዝርከቡ ኤርትራውያን ንብጾቶም ንምዝካር ኣብ ዝተኣከብሉ፣ ኣብ ልዕሊ ትካል ስደተኛታት ኢትዮጵያን- ኣራን UNHCRን ዘለዎም ተቓውሞ ኣብ ዝገልጽሉ ዝነበሩ እዋን ፖሊስን ምልሻን ኢትዮጵያ ብዝኸፈትዎ ተዅሲ ብብብብውሕዱ ሽዱሽተ ሰባት ተቐቲሎም’ዮም።

ኣብቲ መዓስከራት፣ ተቓውሞን ናዕብን ሃዲኡ እኳ እንተሎ፣ እቲ ወጥሪ ግና ኣይዘሓለን።

================================