ርጉእ መንግስቲ ክትምስርት ኣብ ዘይክኣለት ኢትዮጵያ፣ ኣብ ክልተ ዓመታት ሓሙሽተ ሚኒስተራት ምክልኻል ተቐይሮም

Radio Erena: 18 August 2020

ርጉእ መንግስቲ ክትምስርት ኣብ ዘይክኣለት ኢትዮጵያ፣ ዝሓለፈ ዓመት ሚኒስተር ምክልኻል ዝተሸመ ኣቶ ለማ መገርሳ ካብ ስልጣኑ ተኣልዩ።

ፕረዚደንት ክልል ኦሮሞ ነበር፣ ኣቶ ለማ መገርሳ፣ ኣብ ሚያዝያ 2019’ዩ ንወ/ሮ ዓሻ መሓመድ ሙሳ ብምትካእ ሚኒስተር ምክልኻል ኮይኑ።

እንተኾነ ብኣካይዳ ቀዳማይ ሚኒስተር ኣብይ ኣሕመድ ዕጉብ ብዘይምዃኑን ንፖሊስትታት ሰልፊ ብልጽግናን ብምቅዋሙን፣ ኣቶ ለማ መገርሳ ካብ ኩሉ ንጥፍታት ኢዱ ስሒቡ ከምዝወረሐ ክዝረብ ጸኒሑ።

ኣብዚ ተኸታታሊ ሰሙን ድማ ኣቶ ለማ መገርሳ ካብ ኣባልነት ሰልፊ ብልጽግናን ካብ ጽፍሒ ሚኒስተር ምክልኻልን ከምዝተኣልየ ተሓቢሩ።

ጸጥታ ህዝቢ ከውሕስን ርጉእ መንግስቲ ክምስርትን ዘይክኣለ ቀዳማይ ሚኒስተር ኣብይ ኣሕመድ፣ ኣብ ስልጣን ካብ ዝመጸሉ ኣብዚ ክልተ ዓመታት፣ ልዕሊ 20 ዝኾኑ ላዕለዎት ሰበ ስልጣንን ኮሚሽነራትን፣ ብወለንትኦም ክእለዩ ካልኦት ድማ ብመንግስቲ ብተደጋጋሚ ክቀያየሩ ተራእቶም’ዮም።

ኣብ ሚኒስትሪ ምክልኻል ጥራይ ንኣብነት፣ ብጠቕላላ ሓሙሽተ ሚኒስተራት፣ ኣቶ ሲራጅ ፌጌሳ፣ ኣቶ ሞቱማ መቃሳ፣ ወ/ሮ ዓሻ መሓመድ ሙሳ፣ ኣቶ ለመ መገርሳ ሕጂ ድማ ኣቶ ቀንዓ ያዴታ ተተኻኺኦም ኣለዉ።

እዚ ድማ እቲ መንግስቲ ርግኣት ከምዘይብሉን እቶም ብወለንቶም ዝእለዩ ዘለዉ ከኣ ኣብቲ መንግስቲ እምነት ከምዘይብሎምን ዘነጽርን ምዃኑ ዝተፈላለዩ ወገናት እታ ሃገር የረድኡ።

================

ርእይቶ

WORDPRESS: 1
  • comment-avatar

    ርጉእ መንግስቲ ክትምስርት ኣብ ዘይክኣለት ኢትዮጵያ፣ ኣብ ክልተ ዓመታት ሓሙሽተ ሚኒስተራት ምክልኻል ተቐይሮም.
    Who told you that a house is starting from good foundation. If the foundation is good the house will be good if not it will destroy the people that live in that house. So to get the perfect one you must check one by one it is not easy. When you give news give good information. Ethiopia is going to be the best peaceful country.