ኤርትራ፡ ኣብዚ ዝቕጽል ክልተ ኣዋርሕ ተርእዮ ኣንበጣን ኩብኩብታን ክህሉ ምዃኑ FAO ኣጠንቂቑ

Radio Erena: Tuesday, 09 January 2024

ኤርትራ ኣብ እትርከቦ ዞባ ገማግም ቀይሕ ባሕሪ፣ ኣብ ወርሓት ጥሪን ለካቲትን ኩብኩብታን ዕስለ ኣንበጣን ክርአ ምዃኑ ውድብ መግብን ሕርሻን – FAO ኣጠንቂቑ።

ኣብ ዝሓለፈ ወርሒ ታሕሳስ፣ ኣብ ኤርትራ፣ ሱዳን፣ ሶማል፣ ግብጺ፣ ስዑዲ ዓረብን የመንን ተርእዮ ኩብኩብታን ኣንበጣን ምንባሩ ዘዘኻኸረ እቲ ውድብ፣ ነዚ ዝመጽእ ክልተ ወርሒ‘ውን ክቕጽል ምዃኑ ‘ዩ ኣስሚርሉ።

ምስፍሕፋሕ ወራር ዕስለ ኣንበጣ ንምግታእ፣ እተን ብቀጥታ ዝጽለዋ ሃገራት፣ ምክትታልን ምቁጽጻርን ከሓይላ ለበዋ FAO ኣሕሊፉ።

===================