24 ተጣበቕቲ መሰላት ሰብኣዊ መሰላት፣ ሕቡራት ሃገራት ኣብ ጉዳይ ኤርትራ ጸብጻብ ከቕርብ ንዝመዘዞ ኣካል ዕማሙ ክናዋሕ ጸዊዐን

Radio Erena: 07 May 2020

ባይቶ ሰብኣዊ መሰላት ሕቡራት ሃገራት፣ ንጉዳይ ሰብኣዊ መሰላት ኤርትራ እናተኸታተለ ጸብጻብ ከቕርብ ዝመዘዞ ፍሉይ ኣካል ዕማሙ ክናዋሕ፣ 24 ትካላት ተጣበቕቲ መሰላት ደቂሰብ ሓቲተን።

እተን መሰል ጋዜጠኛታት፣ መሰል እምነታትን ካልእ መሰረታዊ መሰላት ደቂ ሰብን ዝጣበቓ ኣህጉራውያንን ሃገራውያንን ትካላት ብ5 ግንቦት ኣብ ዝልኣኽኦ ደብዳቤ፣ ኩነታት ሰብኣዊ መሰላት ኤርትራ ዝኾነ ምምሕያሽ ስለዘየርኣየ፣ ዝመጽእ ወርሒ ዝጋባእ ባይቶ ሰብኣዊ መሰላት ሕቡራት ሃገራት፣ ንዕማም እቲ ኣካል ወይ special rapporteur ክናዋሕ’ዮን ኣመልኪተን።

እቲ ደብዳቤ ብተወሳኺ፣ መንግስቲ ኤርትራ፣ ሰብኣዊ መሰላት ኣብ ርእሲ ዘይምምሕያሹ፣ ምስቲ ብሕቡራት ሃገራት ዝተመዘዘ ኣካል ምትሕብባር ከምዝሓንገደ ኣዘኻኺሩ።

ኣብ ዝሓለፈ ወርሒ’ውን፣ 81 ተጣበቕቲ መሰላት ደቂ ሰብ፣ ኣቶ ኢሳይያስ ዝርከቦም 10 መራሕቲ ሃገራት ኣፍሪቃ እሱራት ጋዜጠኛታት ክፈትሑ ዝጽውዕ ደብዳቤታት ከምዝልኣኹ ዝዝከር’ዩ።

መንግስቲ ኤርትራ፣ ብፖለቲካ፣ ሃይማኖትን እምነትን ኣሳቢቡ ኣሽሓት ዜጋታት ከምዝኣሰረ ዝፍለጥ ኮይኑ ኣማኢት ካብኣቶም ንነዊሕ ዓመታት ደሃይ ዘይብሎም’ዮም።

ናብ ባይቶ ሰብኣዊ መሰላት ሕቡራት ሃገራት ደብዳቤ ዝልኣኻ 24 ትካላት ተጠበቕቲ ሰብኣዊ መሰላት እዘን ዝስዕባ’የን፣-

1. African Centre for Democracy and Human Rights Studies
2. AfricanDefenders (the Pan-African Human Rights Defenders Network)
3. Amnesty International
4. Cairo Institute for Human Rights Studies
5. Center for Civil Liberties (Ukraine)
6. CIVICUS
7. Civil Rights Defenders
8. Committee to Protect Journalists
9. CSW (Christian Solidarity Worldwide)
10. DefendDefenders (East and Horn of Africa Human Rights Defenders Project)
11. Eritrean Law Society (ELS)
12. Eritrean Movement for Democracy and Human Rights (EMDHR)
13. Geneva for Human Rights / Genève pour les Droits de l’Homme
14. Global Centre for the Responsibility to Protect
15. Human Rights Concern – Eritrea (HRCE)
16. Human Rights Watch
17. International Service for Human Rights
18. Network of Eritrean Women (NEW)
19. Network of Human Rights Defenders in Central Africa / Réseau des Défenseurs des Droits
Humains en Afrique Centrale (REDHAC)
20. One Day Seyoum
21. Robert F. Kennedy Human Rights
22. Southern Africa Human Rights Defenders Network (SAHRDN)
23. West African Human Rights Defenders Network / Réseau Ouest Africain des Défenseurs des
Droits Humains (ROADDH/WAHRDN)
24. World Organisation Against Torture (OMCT)

============

ርእይቶ

WORDPRESS: 1
  • comment-avatar

    Tetabekti sebeawi mesel hburat hagerat n mesel hzbi Eritrea bflayn bhtsusn Kolahta ktgebrelu ytswi meknyatu guday hzbi Eritrea melisu kab amet nab amet nab zkefe ab zkedelu zelo kunetat slezrkeb bflay kea abzi gzye izi ab Eityopya zrkeb sdetena nay ikuba mhtat meselu inda tegahse ykeyd slezelo irki Eritrean Etiopian nhzbi Eritrea zemxealu lewti wela hanti yelen enay wlkom rebha tray mkanu khbr yfetu imo dea Kemzi kab kone guday hzbi Eritrea slemntay eyu nay hxuts Kolahta kgberelu zeykil mesel izbi Eritra kem hzbi alem meten