ፍኑው ኮይኑ ዝጸንሐ ዶባት ኤርትርን ኢትዮጵያን ዳግም ተዓጽዩ

Radio Erena: 26 December 2018

ካብ ወርሒ መስከረም ኣትሒዙ ፍኑው ኮይኑ ዝጸንሐ ዶባት ኤርትራን ኢትዮጵያን ዳግም ከምዝተዓጽወ ምንጭታት ሬድዮ ኤረና ሓቢሮም።

ብፍላይ መስመረ ዛላምበሳ፣ ፍሉይ ናይ ይሕለፍ ፍቓድ ዘይብሎም ሰባት ከይነሳቐሱ ካብ 25 ታሕሳስ ኣትሒዙ ብወገን ኤርትራ መምርሒ ተዋሂቡ።

ብወገን ኢትዮጵያ’ውን ካብ ፈደራላዊ መንግስቲ ናይ ይሕለፍ ፍቓድ ዘይብሎም ሰባት ክንቀሳቐሱ ከምዘይክእሉ’ዩ ዝጥቀስ ዘሎ።

ጠንቂ ምዕጻው እዚ ንሰለስተ ኣዋርሕ ጥራይ ንኹሉ ክፉት ኮይይ ዝጸንሐ ዶባት ኤርትራን ኢትዮጵያን ብንጹር እኳ እንተዘይተገልጸ፣ ምስቲ ዝካየድ ዘሎ ፍኑው ናይ ኮንትሮባንዳ ንግድን ዝፈጠሮ ጸጥታዊ ስክፍታን ዝተተሓሓዘ ምዃኑ ይግመት።

==========================