ኣብ ውሽጢ ሃገርን ወጻእን ዝነብር ህዝቢ ኤርትራ፣ መበል 26 ዓመት ናጽነት ይጽምብል

Radio Erena: 24 May 2017

 ኣብ ውሽጢ ሃገርን ወጻእን ዝነብር ህዝቢ ኤርትራ፣ ንመበል 26 ዓመት ናጽነት ኤርትራ ብዝተፈላለየ መደባት ይጽምብል ኣሎ።

እቲ ኣብ ውሽጢ ሃገር ዝነብር ህዝቢ ከም ናይ ወትሩ ንመዓልቲ ናጽነት በብኸባቢኡ ዝተፈላለየ መደባት ሰሪዑ ክጽንብላ እንከሎ፣ ኣብ ስደት ዝርከቡ ኤርትራውያን ግና ኣብ ክልተ ደምበታት ተገማሚዕም’ዮም ንናጽነት ኤርትራ ዘኽብሩ ዘለዉ።

እቶም ሓደ ወገን ደገፍቲ መንግስቲ ኮይኖም፣ ብኤምባሲታት ኣብ ዝተወደበ መደባት ክሳተፉ እንከለዉ፣ ደምበ ተቓውሞ ከኣ ጠንቒ ስደትን ብርሰት መንእሰያትን ኮይኑ ዘሎ ምልካዊ ስርዓት ብምእላይ፣ ምሉእ ናጽነትን ሓርነትን ንምስትምቓር ክንሰርሕ ኣሎና ክብሉ ይስምዑ።

እቶም ደለይቲ ደሞክራስያዊ ለውጢ ዝኾኑ ኤርትራውያን፣ ቃልሲ ህዝቢ ኤርትራ ናጻ፣ ሉኣላዊትን መሰልን ክብርን ዜጋታት ድማ ብማዕረ ዝሕለወላን ሃገር ንምርግጋጽ እኳ እንተነበረ፣ ድሕሪ ናጽነት ኣብ ዝተራእየ ክውንነት ግና በንጻሩ ምዃኑ ብምዝኽኻር፣ ተሪፉ ዘሎ ዕማማት ንምምላእ’ውን ቃልሶም ክቕጽሉ ምዃኖም የቃልሑ።

=======================================