ኩባንያ ዕደና ቢሻ፣ 9 ተወሰኽቲ ዓበይቲ ናይ ህንጻ መካይን ካብ ቻይና ሸሚቱ

Radio Erena: 07 September 2020

ኣብ ምዕራባዊ ኤርትራ፣ ኣብ ዝተፈላለየ ዕደና ተዋፊሩ ዝርከብ ኩባንያ ቢሻ፣ ትሽዓተ ተወሰኽቲ ዓበይቲ ናይ ህንጻ መካይን ካብ ቻይና ሸሚቱ።

እቲ ንተን ሳኒ ዝተባህላ፣ ኣብ ግዙፍ ዕደናን ህንጻን ዝዋፈራ መካይን ዘፍሪ ኩባንያ ብዝዘርግሖ ሓበሬታ መሰረት፣ መካይን ኣብ መጀመርያ ወርሒ ናይዚ ዓመት እዚ እኳ እንተተኣዘዛ፣ ብሰንኪ ለበዳ ኮረና ቫይረስ ኣብ ዝተመደበለን ግዜ ናብ ኤርትራ ክበጽሓ ከምዘይክኣለ ጠቒሱ።

እንተኾነ፣ ኣብ ዝሓለፈ ወርሒ ብመንገዲ ወደብ ባጽዕ ከእትወን ድሕሪ ምኽኣሉ፣ ኣብዚ እዋን’ዚ ምስ ቻይናውያን ክኢላታት ኣብ ቢሻ ከምዘለዋ ኣረጋጊጹ።

ኩባንያ ሳኒ፣ ብዘይካ ንኤርትራ፣ ንኢንዶነዥያውን ተመሳሰልቲ ናይ ዕደናን ህንጻን መካይን ከምዝሸጠላ ጠቒሱ ኣሎ።

ኩባንያ ዕደና ቢሻ፣ ዋንነቱ 60% ካናዳ ናይ ዝመደበሩ ኩባንያ ዕደና ኔቭሰን ክኸውን እንከሎ፣ 40% ድማ ናይ መንግስቲ ኤርትራ’ዩ።

ኣብ ቢሻ፣ ወርቂ ጥራይ ዘይኮነ፣ ከም ኮፐርን ዚንጎን ዝኣመሰለ ማዕድናት ይፈሪ ከምዘሎ ይፍለጥ።

ኣቐዲሙ’ውን ኣብ ዳንካልያ ፖታሽ ንምዕዳን ዘድሊ ህንጻታት ንምቛም ኣብ ስምምዕ ተበጺሑ ከምዘሎ እቲ ነቲ ፕሮጀክት ሒዙ ዘሎ ትካል ኣቃሊሑ’ዩ።

ኣብ ኤርትራ፣ ሓያሎ ኩባንያታት ግዙፍ ዕደና ኣብ ምክያድ እኳ እንተለዋ፣ ንኣታዊታቱ ይኹን ዘንቀሳቕሶ ባጀት፣ መንግስቲ ካብ ህዝቢ ሓቢኡ ብምስጢር ከምዝሰርሓሉ ይፍለጥ።

===============

 

ርእይቶ

WORDPRESS: 1
  • comment-avatar

    So what for bisha is owned and operated by the Chinese and no benefits for the masses of Eritrea except for those few Eritrean working as track drivers and such….tell us how much Eritrea has gained from the gold mine and how much it’s gaining today from the sales of salt, cobalt and other resources like fish and so on..who gives a sheet about 7 trucks I mean for God sake Eritrea is a country not a company that belongs to the dictatorship of Eritrea…give us the news with meat not just the bony crap..tired of this dictatorship anyway..