ብዳይረክተር ሲኣይኤ ዚምራሕ፣ ላዕለዋይ ወኪል ስለያ ኣመሪካ ናብ ሶማል በጺሑ

RADIO ERENA – Monday, 04 November 2024

ብዳይረክተር ሲኣይኤ፣ ዊልያም በርንስ ዝምራሕ፣ ላዕለዋይ ወኪል ስለያ ኣመሪካ፣ ናብ ሶማል ወግዓዊ ናይ ስራሕ ምብጻሕ ኣካይዱ።

እቲ ላዕለዋይ ሓላፊ ወኪል ስለያ ኣመሪካ፣ ዝሓለፈ ሰሙን ናብ ሞቛድሹ ኣብ ዝበጽሓሉ፣ ምስ ፕረዚደንት ሶማል፣ ሓሰን ሸኽ ማሕሙድ ተራኺቡ ኣብ ህሉው ጸጥታዊ ኩነታት ሶማልን እቲ ዞባን ተመያይጡ።

ክልቲኦም ወገን፣ ኣብቲ ኢትዮጵያን ርእሰ ምምሕዳር ሶማሊላንድን፣ ንዋንነት ኣፍደገ ባሕሪ ዝምልከት ዝኸተምኦ ሰነድን ፈጢርዎ ዘሎ ዞባዊ ወጥሪን ብዝምልከት ከምዘተዩ‘ዩ ተሓቢሩ።

=======================