ሶማልን ስዑዲ ዓረብን፣ ኣብ ዞባዊ ወትሃደራዊ ጉዳያት ተመያይጠን

Radio Erena: Wednesday, 14 June 2023

ሶማልን ስዑዲ ዓረብን፣ ኣብ ዞባዊ ወትሃደራዊ ጉዳያት ብምትኳር ከምዝተመያየጣ ኣገልግሎት ዜና ኣራብ ኒውስ ሓቢሩ።

ብሚኒስተር ምክልካል ሶማል፣ ዓብደልቃድር መሓምድኑር ዝምራሕ ላዕለዋይ ልኡኽ መንግስቲ ሶማል፣ ምስ ስዑዳዊ መዘንኡ፣ ወራስ ዓራት ካልድ ቢን ሳልማን፣ ዝሓለፈ ሰሙን ኣብ ሪያድ ተራኺቦም ኣብ ዝተመያየጥሉ እዋን፣ ኣብ መንጎ ክልቴን ሃገራት ክዓዝዝ ብዛዕባ ዝኽእል ወትሃደራዊ ምትሕግጋዝ ኣተኵሮም።

ክልቲኦም ሚኒስተራት ብተወሳኺ፣ ኣብ ሶማልን እቲ ዞባን ዘሎ ወትሃደራዊ ኩነታት ገምጊሞም።

ኣንጻር ኣልሸባብ ጽዑቕ መጥቃዕታት ዘካይድ ዘሎ መንግስቲ ሶማል፣ ካብ ጎረባብቲ ሃገራት፣ መሻርኽቲን ለገስቲን ሓገዝ ኣብ ምሕታት ይርከብ።

=======================