ኤርትራ፡ ምስ ኢትዮጵያ ተሰሪዑላ ካብ ዝነበረ ዞባዊ መጻረዩ ግጥም ንዋንጫ ኣፍሪቃ ስሒባ

RADIO ERENA – Sunday, 27 October 2024

ኤርትራ፡ ን31 ጥቅምቲ ከምኡ ድማ 03 ሕዳር፡ ምስ ኢትዮጵያ ተሰሪዑላ ካብ ዝነበረ ዞባዊ ግጥም ንዋንጫ ኣፍሪቃ ከምዝሰሓበት ካፍ ኣፍሊጡ።

ንሓያሎ ዓመታት ካብ ዞባዊ ይኹን ኣህጉራዊ ግጥማት ደስኪላ ዝጸንሐት ሃገራዊት ጋንታ ኩዕሶ እግሪ ኤርትራ፣ ኣንጻር ኢትዮጵያ ናይ ቀዳማይን ካልኣይን እግሪ ግጥም መጻረዩ ዋንጫ ሃገራት ኣፍሪቃ፣ ኣብ ደቡብ ሱዳን፡ ከተማ ጁባ ከተካይድ ምዃና ሴካፋ ኣቐዲሙ ገሊጹ ኔሩ‘ዩ።

ብተደጋጋሚ ህድማ ተጻወቲ ኩዕሶ እግሪ እትልለ ኤርትራ፡ ካብዚ ናይዚ ዓመት መጻረዩ ሴካፋ ንዋንጫ ኣፍሪቃ 2025 ዝሰሓበትሉ ምኽንያት፡ ከም ወትሩ ዋሕዲ ባጀት ምዃኑ ይጥቀስ ኣሎ።

===============