ኣብ ሱዳን፣ ሰሜን ኮርዶፋን፣ ፈጣን ሓይልታት 23 ሰለማውያን ሰባት ከምዝቐተሉ ተገሊጹ

RADIO ERENA – Tuesday, 16 July 2024

ኣብ ሱዳን፣ ሰሜን ኮርዶፋን፣ ዕጡቓት ፈጣን ሓይልታት፣ ነጋዶን ሰለማውያን ሰለማውያን ሰባት ኣብ ልዕሊ ዘመላልሳ ዝነበራ ቃፍላይ ብዝኸፈትዎ፣ ብውሕዱ 23 ሰባት ከምዝተቐትሉን ሓያሎ ከምዝቖሰሉን፣ ንማሕበር ሓካይም ብምጥቓስ መርበብ ዜና ሱዳን ትሪቡን ሓቢሩ።

ብመሰረት እቲ ሓበሬታ፣ ነበርቲ ፋንጎጋ ናይ ዝተባህለት ቁሸት፣ ብቀዳም 13 ሓምለ ናብ ዕዳጋ ኣብ ዝውሕዝሉ ዝነበሩ‘ዩ፣ እቶም ዕጡቓት ሃንደበታዊ መጥቃዕቲ ከፊቶሙሎም።

ኣብ ዞባ ሰሜን ኮርዶፋን እትርከብ ከተማ ኣል ኡበይድ፣ ኣብ ትሕቲ ጽኑዕ ከበባ ፈጣን ሓይልታት ‘ያ ትርከብ።

እዚ ከምዚ‘ሉ እንከሎ፣ ነፈርቲ ውግእ መንግስቲ ሱዳን፣ ኣብ ዝተፈላለየ ከተማታት ዳርፉር ኣብ ዘካይድኦ ዘለዋ ጽዑቕ ደብዳብ‘ውን ዛጊት ቁጽሮም ብልክዕ ዘይተነጸረ ሰባት ከምዝተቕትሉን ከምዝቖሰሉን‘ዩ ተመልኪቱ።

ስእሊ፦ ካብ ኣርካይቭስ ኢንተርነት

========================