ዜና ኤርትራ

Radio Erena: 16 January 2019

ኣብ ዶባት ኤርትራን ኢትዮጵያን ሕጋዊ ንግዳዊ ምልልስ ዝካየደሉ ኣርባዕተ ነቑጣታት ክኽፈት ምዃኑ ኮርፐረሽን ፈወነ ኢትዮጵያ ንኮሚሽን ግምሩኽ ብምጥቃስ ሓቢሩ።

ብመሰረት ሓበሬታ፣ ኣብ መንጎ ክልትኤን ሃገራት ክካየድ ዝጸንሐ ፍኑው ንግዳዊ ልውውጥን ምንቅስቓስ ሰባትን ሕጋዊ መልክዕ ከትሕዝ ትጽቢት ኣሎ።

Radio Erena: 15 January 2019

ኣብ ኣስመራ ድሕሪ ዝተኻየደ ስምምዕ፣ ናብ ኢትዮጵያ ከምዝኣተወ ዝተሓበረ ግንባር ሓርነት ኦሮሞ፣ ብናጻ ኣካል ዝተማእከለ ሓድሽ ስምምዕ ከምዘድሊ ኣብ ዘውጽኦ መግለጺ ኣፍሊጡ።

እቲ ብኦነግ- ሸኔ ዝፍለጥ ግንባር፣ ድሕሪ'ቲ ናይ ኣስመራ ስምምዕ፣ ኣብ ኤርትራ ዝጸንሑ ኣባላት ሰራዊቱ ናብ ኢትዮጵያ እኳ እንተስገሮም፣ ኣብ ውሽጢ ኢትዮጵያ፣ ኬንያን ካልእ ከባቢታትን ዝርከቡ ኣባላቱ ግና ዕጥቆም ከምዘይፈትሑ'ዩ ዝግለጽ።

Radio Erena: 13 January 2019

ፓስፖርት ናይ ኤርትራ ሓደ ካብ’ቶም ናብ ዝወሓደ ሃገራት ዓለም ዘንቀሳቕስ ተባሂሉ ኣብ ታሕተዋይ ደረጃ ተሰሪዑ።

ሀንሊ ፓስፖርት ኢንደክስ ኣብ ናይ 2019 ዘውጸኦ ሓድሽ ሕታሙ፣ ብደረጃ ዓለም ክረአ እንከሎ፣ ናይ ኤርትራ ፓስፖርት ናብ 38 ሃገራት ጥራይ ብዘይ መእተዊ ቪዛ ከንቀሳቕስ ይኽእል። ብድሕሪ ናይ ኤርትራ ተሰሪዑ ዘሎ ፓስፖርታት ናይ ሶማል፣ ኣፍጋኒስታን፣ ዒራቕ፣ ፓኪስታንን የመንን እዩ።

Radio Erena: 14 January 2019

ካብ የመን ዝተበግሱ፣ ቁጽሮም ብልዕሊ ዘይተነጸረ እሱራት ዝጸዓነት መርከብ፣ ናብ ወደብ ዓሰብ ከምዝኣተወት ምንጭታት ሬድዮ ኤረና ሓቢሮም።

እቶም እሱራት፣ የመናውያን ይኹን ኣብ የመን ተኣስሮም ካብ ዝጸንሑ ኤርትራውያን ስደተኛታት ክረጋገጽ ኣይከኣለን።

Radio Erena: 13 January 2019

ቀዳማይ ሚኒስተር ኣየርላንድ ኣብ ሰሜናዊ ክፋል ኢትዮጵያ ኣብ ዝርከብ መዓስከር ስደተኛታት ኤርትራ በጺሑ።

ሊዮ ቫራድካር ኣብ ኢትዮጵያ ናይ ሳልስቲ ወግዓዊ ናይ ስራሕ ምብጻሕ ኣብ ዘካየደሉ ኣብ ትግራይ ዝርከብ መዓስከር ስደተኛታት ማይ ዓይኒ ኣብ ዝበጽሓሉ፣ ንኩነታት ኤርትራውያን ስደተኛታት ብቐረባ ተዓዚቡ።