ዜና ኤርትራ

ኣብቲ ካብ 1 ጥቕምቲ ኣትሒዙ ዝካየድ ዘሎ ስሩዕ ኣኼባ ካቢነ ሚኒስተራት፣ እቲ ካቢነ ኣስታት ሓደ ርብዒ ካብ ኣባላቱ ኣብ ዘይተረኽብሉ’ዩ ብዛዕባ መጻኢ መደባት 2014 ዝዝቲ ዘሎ።

         ኣብ ገማግም ባሕሪ ኢጣልያ መብዛሕትኦም ኤርትራውያን ዝርከብዎም 500 ስደተኛታት ዝጸዓነት ካልኣይቲ ጃልባ ድሕሪ ምጥሓላ ብውሕዱ 130 ሰባት ሞይቶም።

መብዛሕቶም ኤርትራውያን ዝርከብዎም ልዕሊ 200 ስደተኛታት ዝጸዓነት ጃልባ ኣብ ገማግም ባሕሪ ኢጣልያ ብምጥሓላ 13 ሰባት ሞይቶም።

እቶም ብንእሽቶ ጃልባ ዝመጹ ስደተኛታት ክሳብ ገማግም ባህሪ እናሓምበሱ ናብ ገምገም መሬት ክጽግዑ እኳ እንተፈተኑ 13 ካብኣቶም ግና ኣብ ከባቢ ሲሲልያ ጥሒሎም ከምዝሞቱ ማዕከናት ዜና ኤውሮጳ ብኣሳእል እናሰነያ ኣቕሪበንኦ።

ካብ ኢንዶነዥያ ደቡባዊ ጃቫ ብንእስጦ ጃልባ ተበግሲሶም ናብ ኣውስትራልያ ንምእታዊ ካብ ዝፈተኑ ሸሞንተ ኤርትራውያን ዝርከብዎም 81 ስደተኛታት ዝተፈላለየ ሃገራት፣ እታ ጃልባ ድሕሪ ዘጋጠማ ናይ ምትሓል ሓደጋ ዛጊት ሓሙሽተ ኤርትራውያን ዝርከብዎም 24 ሰባት ከምዝሞተ ተረጋጊጹ።

ኣብ ሊብያ ከባቢ ቤንቓዚ ተታሒዞም ዝነበሩ ኤርትራውያን ዝርከብዎም ኣማኢት ስደተኛታት ብ14 መስከረም ከምዝሃደሙ ተገሊጹ።

እቶም ዝሃደሙ ስደተኛታት ናብተን ኣብቲ ከባቢ ዝርከባ ከተማታት ፋሕ ኢሎም ከምዘለዉ’ውን ሊብያ ሄራልድ ሓቢራ።