ኣህጉራዊ ዜና

Radio Erena: 21 January 2019

ላዕለዋይ ኮሚሽን ስደተኛታት ሕቡራት ሃገራት፣ ኢትዮጵያ፣ ኣብ መሰል ስደተኛታት ንዘጽደቐቶ ሓድሽ ኣዋጅ ንኢዱ።

እቲ ኣህጉራዊ ትካል ኣብ ዘውጽኦ መግለጺ፣ እዚ ኢትዮጵያ ወሲዳቶ ዘላ ተበግሶ፣ ኣብ ኣፍሪቃ ካብ ዘሎ ፖሊሲታት ስደተኛታት ብዝዓለ ካብ ዝድነቕ እወታዊ ውሳኤ ምዃኑ ኣስሚርሉ።

Radio Erena: 20 January 2019

ሰራዊት መንግስቲ ሱዳን ኣንጻር ናዕቢ ዘካይድ ዘሎ ህዝቢ ዝወስዱዎ ዘለዉ ጨካ ስጉምቲ ገና ይቕጽል ከምዘሎ፣ ካብታ ሃገር ዝተፈነወ ዜና ኣመልኪቱ።

ብዓርቢ 18 ጥሪ ሰላማዊ ሰልፊ ኣብ ልዕሊ ዘካዪዱ ዝነበሩ ብተኸፍተ ተኹሲ ናይ ዝተቐትሉ ሰባት ስነስርዓት ቀብሪ ኣብ ዝካየደሉ ዝነበረ እዋን፣ ቀባሮ ነቲ ምትእኽኻብ ተጠቒሞም፣ ፕረዚደንት ኣልበሽር ካብ ስልጣኑ ክወርድ ጭሮሖ ድሕሪ ምጅማሮም፣ ሰራዊት መንግስቲ ናይ ሓቂ ጠያይት ክትኩስሎም ከምዝጀመሩ፣ ናይ ዓይኒ መሰኻኽር ንማዕከናት ዜና ዓለም ሓቢሮም።

Radio Erena: 18 January 2019

ኣብ ምብራቕ ሱዳን፣ ከባቢ ከሰላ፣ ኣንጻር ፕረዚደንት በሺር ዝቐንዐ ሰፊሕ ሰለማዊ ሰልፊ ተኻይዱ።

ፖሊስ ሱዳን፣ ነቲ ብ17 ጥሪ ዝተኻየደ ሰፊሕ ሰለማዊ ሰልፊ፣ ንምብታን ዘንብዕ ጋዝን ጠያይትን ከምዝተኮሱ ናይ ዓይኒ መሰካኽር ንማዕከናት ዜና ኣብ ዝሃብዎ ሓበሬታ የረጋግጹ።

Radio Erena: 18 January 2019

ንግስነት ቀጠር፣ ንመንግስቲ ሶማል 68 ወትሃድራውያን መካይን ብሓገዝ ከምዝሃበ ሚኒስትሪ ምክልኻል እታ ሃገር ካብ ኣዶሓ ኣፍሊጡ።

እተን ድሩዓት መካይን፣ ኣብ ምሕያል ሰራዊት መንግስቲ ሶማልን ምውሓስ ጸጥታን ኣበርክቶ ክህልወን ምዃኑ እቲ ሚኒስተሪ ብ17 ጥሪ ኣብ ዝዘርግሖ መግለጺ ኣፍሊጡ።

Radio Erena: 17 January 2019

 ኣብ ኢትዮጵያ፣ ኣብ ዝሓለፈ ክልተ መዓልታት፣ ካብ ጅቡቲን ሱዳንን ነዳዲ ዘመላልሳ ቦጣት ብምዕጋተን፣ ኣብ ኣዲስ ኣበባ ከባቢኡን  ከቢድ ስእነት ነዳዲ ኣኸቲሉ። 

 

      ዘ ሪፖርተር ብዘቕረቦ ሓበሬታ መሰረት፣ ኣብ ክልል ዓፈር ድሕሪ ዝተኸስተ ተቓውሞ፣ መስመር ጅቡቲ- ኢትዮጵያ ንክልተ መዓልታት ምዕጻው፣ ነዳዲ ዘመላልሳ ኣስታት 1 ሽሕ መካይን'የን ተዓጊተን።

 

      እዚ ድማ ኣብ ቀረብ ነዳዲ እታ ሃገር ኣሉታዊ ጽልዋ ፈጢሩ ይርከብ።