ኣህጉራዊ ዜና

Radio Erena: 30 January 2019

መንግስቲ የመንን ሑቲን፣ ኣብ ጉዳይ ወደብ ሖደይዳ ዝበጽሕዎ ስምምዕ ከይፈርስ ስግኣት ከምዘሎ ተገሊጹ።

እቲ ዝሓለፈ ወርሒ ኣብ ሽወደን ዝተበጽሐ ስምምዕ፣ ወደብ ሖደይዳ፣ ኣብ ትሕቲ ተቖጻጻሪ ኣካል ሕቡራት ሃገራት ክትጸንሕ ዝፈቅድ'ዩ ኔሩ።

Radio Erena: 30 January 2019

ብዝቕባበን ቁጠባዊ ቅልውላውን እትሕመስ ዘላ ዚምባብዌ፣ ካብ 1 ለካቲት ጀሚሩ፣ ዕዳጋታት ብዶላር ኣመሪካ ክካየድ ፈቒዳ።

እታ ሃገር፣ ብሰንኪ ዝቕባበ ካብ 2009 ኣትሒዙ ካብ ዕዳጋ ተኣልዩ ንዝጸንሐ ባጤራኣ ንምብርባሩ ካብ 2017 ሓዲሽ ባጤራ ኣሕቲማ እኳ እንተዘርግሐት፣ ካልኣይ ዓመቱ ከይመልኣ'ዩ ዕዳጋ ምጽዋር ስኢኑ።

Radio Erena: 29 January 2019

ኣብ ምብራቕ ሱዳን፣ ዞባ ቀይሕ ባሕሪ፣ ከተማ ፖርት ሱዳን፣ ሰራዊት ምስ ኣባላት ጸጥታን ሃገራዊ ድሕነትን ድሕሪ ዘካየድዎ ግጭት፣ ሓደ ሰብ ከምዝተቐትለ ተገሊጹ።

እቲ ዝተቐትለ ሰብ፣ ኣባል ሃገራዊ ድሕነትን ጸጥታን ሱዳን ምዃኑ ኣገልግሎት ዜና ቻይና – ሺንሁዋ ሓቢሩ።

Radio Erena: 29 January 2019

ፈረንሳ፣ ኣብ ምህናጽ ናይቲ ከም ሓድሽ ዝቐውም ዘሎ ሓይሊ ባሕሪ ኢትዮጵያ ክትዋሳእ ከምእትኽእል ተሓቢሩ።

እዚ ዝሕበር ዘሎ፣ ኣብ ዝሓለፈ ቅንያት፣ ላዕለዎት ወትሃደራውያን መኮንናት ኢትዮጵያ፣ ኣብ ፈረንሳ ምብጻሕ ድሕሪ ምክያዶም'ዮም።

Radio Erena: 29 January 2019

ካብ 2009 ክሳብ 2011 ፕረዚደንት ሶማል ኮይኑ ዘገልገለ፣ ሸኽ ሸሪፍ ሸኽ ኣሕመድ፣ ኣብ ዝመጽእ ዓመት ኣብ ዝካየድ ፕረዚደንታዊ ምርጫ ክሳተፍ ምዃኑ ኣፍሊጡ።

ኣቦ መንበር እስላማዊ መጋብኣያታት ሶማል ነበር ሸኽ ሸሪፍ ሸኽ ኣሕመድ፣ ኣብ 2006፣ ሓይልታት ብሰራዊት ኢትዮጵያ ድሕሪ ዝገጠሞም ስዕረት፣ ናብ ኤርትራ ግዒዙ ምንባሩ ይዝከር።