Welcome to Radio Erena!
ማልታ፣ ልዕሊ 10 ሽሕ ዶላር ሒዙ ክወጽእ ዝነቐለ ኤርትራዊ ተቐጺዑ
Radio Erena: 20 February 2019
ካብ ማልታ ልዕሊ 10 ሽሕ ዶላር ሒዙ ክወጽእ ዝነቐለ ኤርትራዉ ልዕሊ 3 ሽሕ ዶላር ከምዝተቀጽዐ ማዕከን ዜና ማልታ ቱደይ ኣፍሊጡ።
ሓጂ ሙሳ መሓመድኑር ዝተባህለ ወዲ 42 ዓመት ኤርትራዊ፣ ናብ ሱዳን ኣብ ዝተበገሰሉ፣ ሕጋዊ ፍቓድ ክፍሊ ኣታዊ ውሽጢ ማልታ ዘይብሉ 10 502 ዶላር ሒዙ ብመዓርፎ ነፈርቲ ክወጻጽእ ኣብ ዝፈተነሉ እዋን'ዩ ከምዝተታሕዘ'ዩ እቲ ማዐናት ዜና ኣብ ናይ ዝሓለአ ሰሙን ጸብጻቡ ገሊጹ።
ጉዳዩ ብቤት ፍርዲ ተጻርዩ ድማ፣ እቲ ኤርትራዊ ምዃኑ ዝተገልጸ ሰብ 3 127 ዶላር መቕጻዕቲ ክኸፍል ተበይንዎ።
ብመሰረት ሕጊ ሃገራት ኤውሮጳ፣ ልዕሊ 10 ሽሕ ዶላር ሒዞም ዝንቀሳቐሱ ገያሹ፣ ንምእታው ይኹን ንምውጻእ ሕጋዊ ፍቓድ ክፍሊ ውሽጣዊ ሃገር የድልዮም።
ኬንያን ሶማልያን፣ ብሰንኪ ዋንነት ክሊ ማይ ተፈጢሩ ዘሎ ምስሕሓብ ብዘተ ክፍታሕ ጻውዒት ይቐርብ
Radio Erena: 20 February 2019
ኣብ መንጎ ኬንያን ሶማልያን ብሰንኪ ዋንነት ክሊ ማይ ተፈጢሩ ዘሎ ምስሕሓብ ብዘተ ክፍታሕ ከምዝኽእል፣ ፖለቲከኛታት ክልቲኤን ሃገራት ይገልጹ።
ምትፍናን ክልቲኤን ሃገራት ኣብዚ ሳልስቲ'ዚ ብኢሱ ዘሎ፣ መንግስቲ ሶማል፣ ዋንነት ኬንያ ኣብ ዝኾነ ክሊ ማይ፣ ኣህጉራውያን ትካላት ዕደና ጋዝን ነዳዲን ዳህሳስ ከካይዳ ፈቒዱ ክብል ዝኸስስ ዘሎ መንግስቲ ኬንያ፣ ንኣምባሳደር ሶማል ካብ ሃገሩ ብምስጓግ ኣብ ሞቛድሾ ዝነበረ ኣምባሳደሩ ድሕሪ ምስሓቡ'ዩ።
እቲ ካብ 2014 ኣትሒዙ ዘሰሓሕብ ዘሎ ክሊ ማይ፣ ብኣህጉራዊ ቤት ፍርዲ ውሳኔ ክወሃቦ ከምዝኽእል ይግለጽ ኣሎ።
ይኹን'ምበር፣ መንግስቲ ኬንያ፣ ኣብ ገማግም ህንዳዊ ውቅያኖስ ዝርከብ ኣስታት 100 ሽሕ ትርብዒት ኪሎሜተር ዝሽፍን ቦታ፣ ሉኣላዊ ክፋል ሃገሩ ምዃኑ ብምጥቃስ መንግስቲ ሶማል ኣብቲ ከባቢ ዘካይዶ ዘሎ ምትእትታው ብትሪ ኮኒኑ።
ኢትዮጵያ ተሰናኺሉ ዝጸንሐ ምህናጽ ዲጋ ሚለንዮም ንምቅልጣፍ፣ ምስ ቻይና ሓድሽ ውዕላት ተኸቲሙ
Radio Erena: 20 February 2019
መንግስቲ ኢትዮጵያ፣ ናህሩ ተሰናኺሉ ዝጸንሐ ምህናጽ ዲጋ ሚለንዮም ንምቅልጣፍ ምስ ቻይና ሓድሽ ውዕላት ከምዝኸተመ ተገሊጹ።
ነቲ ዲጋ ናይ ምህናጽ ፕሮጀክት ዝውንን በዓል መዚ ኤሌክትሪክ ኢትዮጵያ ገዙባ ምስ ዝተባህለ መንግስታዊ ትካላ ቻይና ናይ 40 ሚልዪን ዶላር ውዕል ከምዝገበረ'ዩ ተሓቢሩ።
ኣብ 2020 ኣገልግሎት ክጅምር ትጽቢት ዝግበረሉ ዲጋ ሚለንዮም፣ ብሰንኪ 'ቲ ኣብ ኢትዮጵያ ዝረአ ዘሎ ናይ ለውጢ መድረኽ ተሰናኺሉ'ዩ ጸኒሑ።
ነቲ ፕሮጀክት ናይውቲ ኣብ ምቕራብ ዝዋሳእ ዝነበረ ክፍሊ ምህንድስና እታ ሃገር ሜተክ፣ ሓለፍቱ ብብልሽውና ተኸሲሶም ኣብ ማእሰርቲ ከምዘለዉ ይፍለጥ።
ኣብ ኤርትራ ንብረቶም ዝተሃገረ ኢትዮጵያውያን ክምለሰሎም ይሓቱ
Radio Erena: 19 February 2019
ኣብ እዋን ኵናት ኤርትራን ኢትዮጵያን፣ ንብረቶም ዝተሃገረ ኢትዮጵያውያን ክምለሰሎም ይሓቱ ኣለዉ።
ብፍላይ ወነንቲ ገዛን ትካላትን ዝነበሩ ኢትዮጵያን ምስ ምውላዕ እቲ ናይ 1998፣ ካብ ኣስመራን ካልኦት ከተማታትን ናብ ዓዶም ድሕሪ ምፍናዎም፣ ንብረቶም ከምዝተሃገረ ኣይርሳዕን።
ይኹን'ምበር ምስዚ ኣብ መንጎ ኤርትራን ኢትዮጵያን ተጀሚሩ ዘሎ ሓድሽ ርክብ፣ ሓያሎ ኢትዮጵያን ዝተሃገረ ገዛውቶምን ንብረቶምን ክምለሰሎም፣ ኣብ ሓዲ ሓሎ ናብ ዝርከብ ግዝያዊ ቤት ጽሕፈት ፕረዚደንት ጥርዓናት ኣብ ምቕራብ ይርከቡ።
ኣብ ከባቢ ማይጭሆት ዝነበረ ገዛውቲ ናይቶም ኢትዮጵያን'ውን ክምለሰሎም ከምዝጽኽእል ዝገልጽ ሓበሬታ ካብ ቤት ጽሕፈት እቲ ፕረዚደንት ከምዝረኸቡ ምንጭታት ሬድዮ ኤረና ኣገንዚቦም።
ሶማልን ኬንያን፣ ብዋንነት ኣብ ገማግም ውቅያኖስ ዝርከብ ሰፊሕ ከባቢታት ይሰሓሓባ
Radio Erena: 19 February 2019
ሶማልን ኬንያን፣ ብዋንነት ኣብ ገማግም ህንዳዊ ውቅያኖ ዝርከብ ሰፊሕ ከባቢታት ይሰሓሓባ ተሰሓሒበን።
መንግስቲ ኬንያ፣ ኣብ ሞቛድሾ ዝርከብ ኣምባሳደሩ ናብ ናይሮቢ ብምስሓብ፣ ንኣምባሳደር ሶማል ከኣ ብህጹጽ ናብ ሞቛድሾ ክኸይድ ከምዘገደዶ ማዕከናት ዜና እታ ሃገር ሓቢረን።
ዕላማኡ፣ ብዛዕባ'ቲ ብመንግስቲ ሶማል ዝተፈጸመ፣ "ሃንደበታውን ዘጣዕስን" ዝበሎ ስጉምታት ንምዝርራብ ምዃኑ'ዩ ዝገልጽ መንግስቲ ኬንያ።
መንግስቲ ኬንያ፣ ብወገኑ ብዘይዝኾነ ምድላው፣ ንኣምባሳደር ሶማል ኣብ ኬንያ ናብ ሞቛድሾ ክብገስ ምግዳዱ፣ "ዘጣዕስ ስጉምቲ፣" ክብል መሊስሉ።