ኤርትራ ኣብ እትርከበን 27 ሃገራት፣ ክሽቦ ደቂንስትዮ ብዝልዓለ ቁጽሪ ይቕጽል ኣሎ

Radio Erena: 06 February 2020

ኤርትራ ኣብ እትርከበን 27 ሃገራት፣ ክሽቦ ደቂንስትዮ ብዝልዓለ ቁጽሪ ይቕጽሎ ከምዘሎ ውድብ ጥዕና ዓለም ገሊጹ።

ብደረጃ ዓለም፣ ብሰንኪ ክሽቦ ደቂንስትዮ ንዝስዕብ ዘሎ ጥዕናዊ ጸገማት ንምፍዋስ 1.4 ቢልዮን ዶላር ወጻኢ ይካየድ ከምዘሎ ዘመልከተ እቲ ውድብ፣ ኣብ ገሊኤን ሃገራት 30% ናይቲ ንሕክምና ዝምድብኦ ባጀት ከምዝሽፍን ኣተሓሳሲቡ።

ብፍላይ ኤርትራ ኣብ እትርከበን ኣብ ድኽነት ዝርከባ 27 ሃገራት ኣፍሪቃን፣ ሓደ ካብቲ ዝዓበየ ጥዕናዊ ጸገማት ደቂንስትዮን ንምፍዋሱ ዝግበር ወጻኢታትን ምስ ክሽቦ ደቂንስትዮ ዝተተሓሓዘ’ዩ።

መብዛሕተን ደቂንስትዮ ካብ ህጻንነተን ክሳብ 15 ዓመት ዕድሚኤን ኣብ ዘሎ ግዜ’የን ዝኽንሸባ።

ምስዚ ተተሓሒዙ ድማ ሚልዮናት ደቂንስትዮ ግዳያት ከም ረኽሲ፣ ፊስቱላ ኣብ ግዜ ወሊድን ካልእን ዝኣመሰለ ከቢድ ኣካላዊ ቃንዛን ስነ ኣምእሮኣዊ በሰላታትን ይኾና።

ብመሰረት ጸብጻብ እቲ ውድብ፣ ኣብዚ እዋን’ዚ ኣስታት 30 ሃገራት ዝርከባ ልዕሊ 200 ሚልዮን ደቂንስትዮ ግዳያት ክሽቦ ዝኾና’የን።

ነዚ ብስም ባህልን ሃይማኖትን ተሳቢቡ ኣብ ልዕሊ ደቂስትዮ ዝፍጸም ከቢድ ገበናት ደው ንምባሉ፣ “ዜሮ ተጻዋርነት ንኽሽቦ ደቂንስትዮ” ብዝብል ቴማ ዓመታዊ ኣብ 6 ለካቲት ይካየድ።

 

ስእሊ፣- ካብ ኣርካይቭስ ኢንተርነት

=====================

ርእይቶ

WORDPRESS: 1
  • comment-avatar

    wixuu hasot xihifka . Eritra kabzi nexxa iya . UNNDP bailom gelixomo allowu. Slezi izi xeleme iyu . Bixeleme zikiseb negher yellen . Slemntay gin hehimaqu kitxihtrn , kitxihfn iza merbebb izia tewafira!!!!!! DEhan ni kullu memialtu allowu. Adi guana konka hagerin , hizbin kitgodii miftan zewaxii aykonen. AWET NI HAFASH