መንግስቲ ኤርትራ ትካላት ጥዕና ብምህጋሩ፣ ናይ ሞት ሳዕቤን ኣኸቲሉ

Radio Erena: 22 June 2019

መንግስቲ ኤርትራ ብካቶሊካዊት ቤተክርስቲያን ክመሓደራ ዝጸንሓ ማእከላት ጥዕና ክህግረን ምውሳኑ፣ ኣብ ተገልገልቲ ከቢድ ሳዕቤን የምጽእ ከምዘሎ ምንጭታት ሬድዮ ኤረና ሓቢሮም።

ዛጊት ተረኺቡ ብዘሎ ሓበሬታ መሰረት፣ ኣብ ቢንቢና ሓንቲ ኣደ ክትመውት እንከላ ኣብ ካልኦት ገጠራት ከኣ ሕሙማት ኣብ ገገዝኦም ኮይኖም ይሳቐዩ ከምዘለዉ ተገሊጹ።

ኣብ ገለ ካብዘን ክህገራ ዝተወሰነለን ማእከላት ጥዕና መፍትሕ ከረክቡ ፍቓደኛታት ኣይኮኑን ዘለዉ። ኣባላት ጸጥታ መንግስቲ ኤርትራ ንገለ ብሓይሊ ክምንዝዕዎም እንከለዉ፣ ንካልኦት ድማ ምስ ኩሉ ንብረቱ ከምዝዕሸግ ጌሮሞ ኣለዉ። ኣብቲ ሕክምናታት ተዓቚቦም ዝነበሩ እውን ብሓይሊ ከምዝወጹ ተገይሩ ኣሎ።

መንግስቲ ኤርትራ ነዘን ብካቶሊካዊት ቤተክርስቲያን ክእለያ ዝጸንሓ ኣብ መላእ ሃገር ዝርከባ ማእከላት ጥዕና፣ ንኩለን ብወተሃደራት ከምዝሕለዋ እዩ ገይሩወን ዘሎ።

ካብ 18 ክሳብ 20 ሰነ ኣብ ዝነበረ ግዜ ኣብ ቢንቢና እትቕመጥ ነፍሰጾር፣ እቲ ኣብ ከባቢኣ ዝነበረ ሕክምና ካቶሊካዊት ቤተክርስቲያን ስለዝተዓጽወ፣ ንክትሓርስ ሕክምናዊ ረዲኤት ክትረክብ ኣይከኣለትን። ናብ ካልእ ሕክምና ክትከይድ ኣምቡላንስ ኣብ ዝተሓተተሉ ከኣ፣ እታ ኣምቡላንስ ምስቲ ሕክምና ስለዝተዓሸገት ክግልገሉላ ኣይተፈቕደሎምን።

በዚ ምኽንያት’ዚ ዝተደናጎየ ሕማም ሕርሲ እታ ኣደ ድሕሪ ነዊሕ ስቓይ፣ ውላድ ህጻን ገዲፋ ዓሪፋ።

ብሰላምን ምሉእ ጥዕናን ክትገላገል ትኽእል ዝነበረት ኣደ፣ ብሰንኪ መንግስቲ ኤርትራ ንትካላት ጥዕና ምዕጻዉ ህይወታ ምሕላፉ፣ ኣብ ነበርቲ እቲ ከባቢ ከቢድ ቁጠዐ ፈጢሩ ከምዘሎ ምንጭታትና ብተወሳኺ ሓቢሮም።

ኣቐድም ኣቢሎም ነዚ ብመንግስቲ ኤርትራ ዝተወስደ ስጉምቲ ብምቅዋም መራሕቲ ሃይማኖት ካቶሊካዊት ቤተክርስቲያን ኤርትራ፣ ቅሉዕ ደብዳቤ ምጽሓፎም ተገሊጹ’ዩ።

ርእይቶ

WORDPRESS: 5
  • comment-avatar
    Berhane Haile 6 months ago

    እዚ ግፍዐኛ መንግስቲዚ ብመሰል ህዝቢ ኤርትራ ይጻወት ኣሎ። ክወድቕ ዝቐረበ ስርዓት ርኡይ ጸረ ህዝቢ ዝኾነ ተግባራት ክፍጽምዩ ዝጅምር። ኢሰያስ ድማ ውድቀቱ ስለ ዝኣከለ ናይ ባህ ኣይበሎ ነገራት ብህወት ህዝቢ ኤርትራ ይጻወት ኣሎ።

  • comment-avatar
    Samson 6 months ago

    Kidu hasewti entay ekum siq elkum zeykone zereba memekneyta seb bikemzi geru zitalel yelon haqi tilikum bayta weridkum ab hara eritrea zimenchewe zena keteqribu mitigebea 10 amet kontu habereta zenaqut ember zesimir aqribkum aytifeltun ekum chibti zigodolo eu zenakum

  • comment-avatar

    ኣብ ኩልቱፍ ኪከፍተን ኣለዋ ብሰባዊ መሰላት ኪሕተት ኣለዊ ተዘይ ኮይኑ ሃገርና ይግደፈልና

  • comment-avatar
    Samuel 6 months ago

    Loms gerimuna Ahwat hade Jigna N eseyas zketl tesaeinu

  • comment-avatar
    Asmeret Haile 6 months ago

    Wedi kelbi dahan hanti maalti kitrekba ika nay Eritreawiyan bikyat