c


Erena on Facebook

SFbBox by web design dubai

ዜና ኤርትራ

ኢጣልያ፣ ዋሕዚ ስደተኛታት ንምግታእ ኣብ ሊብያ ኤምባሲ ትኸፍት

Radio Erena: 12 January 2017

Italian Embassy

ኢጣልያ፣ ከም ኣካል ናይቲ ምስ ሊብያ እተካይዶ ዘላ ዋሕዚ ስደተኛታት ንምግታእ ዝዓለመ ስምምዓት፣ ካብ 9 ጥሪ ኣትሒዛ ኣብ ትሪፖሊ ኤምባሲ ትኸፍት ምህላዋ ተሓቢሩ።

ነዚ ዘረጋገጸ ሚኒስተር ጉዳያት ወጻኢ ኢጣልያ፣ ኣንጀሊኖ ኣልፋኖ፣ ሃገሩ፣ ነቲ ሊብያ ዋሕዚ ስደተኛታት ናብ ማእከላይ ባሕሪ ንምቁጽጻር እትገብሮ ዘላ ጻዕሪ፣ ብሓባር ክምክትኦ ምዃነን ኣስሚርሉ።

ኢጣልያ፣ ኣብ ሊብያ ኤምባሲ ዝኸፈተት እንኮ ምዕራባዊት ሃገር ኮይና ኣላ።

ሚኒስተር ውሽጣዊ ጉዳያት ኢጣልያ፣ ማርኮ ሚኒቲ'ውን ንተመሳሳሊ ዕላማ ኣብ ሊብያ ዑደት ብምክያድ ምስ ዝተፈላለዩ ሰበ ስልጣን ናይቲ ብፕረዚደንታዊ ባይቶ ዝምራሕ መንግስቲ ሊብያ ተዘራሪቡ።

Read more...

ሚኒስተራት ምክልኻል ሱዳን፣ ቀጠርን ቱርኪን ኣብ ካርቱም ይዝትዩ

Radio Erena: 12 January 2017

Qatar Sud Tur

ሚኒስተራት ምክልኻል ሱዳን፣ ቀጠርን ቱርኪን ኣብ ካርቱም ሓባራዊ ዘተ ከምዘካየዱ ኣገልግሎት ዜና ቱርኪ፣ ኣናዶሉ ሓቢሩ።

እቶም ሚኒስተራት ካብ 8 ክሳብ 10 ጥሪ ኣብ ካርቱም፣ ኣብ ዝጸንሕሉ፣ ጎኒ ጎኒ'ቲ ዞባዊ ኣህጉራዊን ወትሃደራዊን ኩነታት ብምግምጋም ዘካየድዎ ምይይጥ፣ ኣብ መንጎ ሰለስተ ሃገራት ብዛዕባ ዝህሉ ወትሃደራዊ ምትሕግጋዝ'ውን ዘትዮም።

ንሳቶም ኣብ ካርቱም ኣብ ዝጸንሕሉ፣ ኣብ ከተማ ካርቱም ዝተመረቐ ወትሃደራዊ ልብሲ ዘፍሪ ሓድሽ ፋብሪካ ተዓዚቦም።

Read more...

"ኤርትራ፣ 1.2 ሚልዮን ቆልዑ ብዋሕዲ መኣዛዊ መግቢ ይሳቐዩ፣” UNICEF

Radio Erena: 11 January 2016

Unicef

ኣብ ኤርትራ 1.2 ሚልዮን ቆልዑ፣ ብዋሕዲ መኣዛዊ መግቢ ከምዝሳቐዩ ማዕከን ቆልዑ ሕቡራት ሃገራት -UNICEF ኣፍሊጡ።

እቲ ኣህጉራዊ ትካል ኣብ ዝዘርግሖ ጸብጻብ፣ ካብ 2015 ኣኣትሒዙ ኣብ ኤርትራ ዝተኸስተ ዞባዊ ደርቂ ኤል-ኒኖ፣ ን80 ሚእታዊት ካብ ህዝቢ ኤርትራ ከምዝጸለወ ብምጥቃስ፣ ኣብ ሰለስተ ዞባታት ዝተራእየ ሸሮኽ'ውን ነቲ ኩነታት ከምዘጋደዶ ኣረዲኡ።

ብዋሕዲ መሰረታዊ መግብን መኣዛዊ መግቢ ቆልዑን ብዝያዳ ዝተጠቕዐ ዞባታት ኤርትራ፣ ሰሜናዊ ቀይሕ ባሕሪ፣ ዓንሰባን ጋሽ ባርካን ምዃኑ ዘተሓሳሰበ UNICEF፣ ካብ ጠቕላላ ብዝሒ ናይቲ በቲ ኩነታት ዝተጸልወ ኣስታት 2 ሚልዮን ህዝቢ ፣ እቶም 60 ሚእታዊት ትሕቲ 18 ዓመት ዝዕድሚኦም ምዃኖም ኣስሚርሉ።

Read more...

ንኢትዮጵያን ጅቡትን ዘራኽብ መንገዲ ባቡር ተዛዚሙ

Radio Erena: 12 January 2017

Ethio Dj

ንኢትዮጵያን ጅቡትን ዘራኽብ መንገዲ ባቡር ምሉእ ብምሉእ ተዛዚሙ።

እዚ ብቻይናዊ ኩባንያ ክህነጽ ዝጸንሐ ንከተማ ኣዲስ ኣበባን ወደብ ጅቡትን ዘራኽብ 752 ኪሎሜተር ዝንውሓቱ መንገዲ ባቡር፣ ካብ መወዳእታ ዕለታት ናይዚ ወርሒ'ዚ ናይ ህዝቢ መጓዓዝያን ጽዕነት ካርጎን ኣገልግሎት ክጅምር ትጽቢት ይግበረሉ።

እቲ 4.2 ቢልዮን ዶላር ከምዝወደአ ዝንገረሉ ዘሎ፣ ዘመናዊ ናይ ኤልክትሪክ መንገዲ ባቡር፣ ብ10 ጥሪ ኣብ ጅቡቲ መዓርፎ ባቡር- ነገድ ብወግዒ ኣብ ዝተመረቐሉ፣ ቀዳማይ ሚኒስተር ኢትዮጵያን ፕረዚደንት ጅቡቲን ዝርከብዎም ሓያሎ ሰበ ስልጣናት ክልትኤን ሃገራት ተረኺቦም።

Read more...

ንኣደ-መንበር ኮሚሽን ሕ/ ኣፍሪቃ እትወዳደር ዘላ ሚ/ ጉ/ ወጻኢ ኬንያ፣ ኤርትራ ናይ እትርከበን ሃገራት ደገፍ ትሓትት

Radio Erena: 11 January 2016

Amina

ሕጽይቲ ተወዳዳሪት ንኣደ-መንበር ኮሚሽን ሕብረት ኣፍሪቃን ሚኒስተር ጉዳያት ወጻኢ ኬንያን ዶክተር ኣሚና መሓመድ፣ ኤርትራ ካብ እትርከበን ሃገራት ሕብረት ኣፍሪቃ ደገፍ ንምምርካብ ትሓትት።

እታ ሕጽይቲ ተወዳዳሪትን ንኣደ-መንበር ኮሚሽን ሕብረት ኣፍሪቃን ሚኒስተር ጉዳያት ወጻኢ ኬንያን፣ ዛጊት ናይ ኩለን ሃገራት ምብራቕ ኣፍሪቃ ደገፍ ከምዝረኸበት ካብ ኬንያ ዝተፈወነ ሓበሬታ ከረጋግጽ እንከሎ፣ ካብቲ ካብ ዞባዊ ጉዳያት ተነጺሉ ዝርከብ መንግቲ ኤርትራ ደገፍ ንምርካብ'ውን ናብ ኤርትራ ከምዝበጽሐት ኣመልኪቶም።

Read more...




Powered by Joomla!®. Designed by: free hosting no ads resell dot me domains Valid XHTML and CSS.