c


Erena on Facebook

SFbBox by web design dubai

ዜና ኤርትራ

ኣህጉራዊ ቅድድም ብሽክለታ ዙር ኤርትራ 2017፡ ብዓብላልነት ኤርትራውያን ተቐዳደምቲ ተዛዚሙ

Radio Erena: 25 April 2017

Tour Eri

ካብ 18 ክሳብ 22 ሚያዝያ ክካየድ ዝቐነየ ብማሕበር ቅድድም ብሽክለታ ዓለም ናይ 2.2 መለክዒ ዝተዋህቦ፡ ኣህጉራዊ ቅድድም ብሽክለታ ዙር ኤርትራ 2017፡ ብዓብላልነት ኤርትራውያን ተቐዳደምቲ ተዛዚሙ።

እዚ ሃገራውያን ጋንታታት ኤርትራ፡ ሱዳን፡ ኬንያ፡ ርዋንዳን ደቡብ ኣፍሪቃን፡ ከምኡ’ውን ኤርትራውያን ክለባት ኤሪቴል፡ ኣስቤኮን ሰምበልን፡ ጀርመናዊት ክለብ ባይክ-አይድ፡ ኢጣልያዊት ክለብ ኣሞረ-ቪታን ኔዘርላንዳዊት ክለብ ግሎባል ሳይክሊንግን ዝተሳተፍኦ ውድድር፡ ልዕሊ 600 ኪሎ ሜትር እዩ ሸፊኑ።

Read more...

ፕረዚደንት ግብጺ ዓብደልፈታሕ ኣል ሲሲ ኣብ ስዑዲ ዓረብ ወግዓዊ ምብጻሕ የካይድ

Radio Erena: 25 April 2017

Egypt Saudi 24

ፕረዚደንት ግብጺ ዓብደልፈታሕ ኣል ሲ ሲ ኣብ ስዑዲ ዓረብ ወግዓዊ ናይ ስራሕ ምብጻሕ ከምዝፈጸመ መንግስታዊ ማዕከን ዜና እታ ሃገር ሓቢሩ።

ፕረዚደንት ኣል ሲሲ ናብ ስዑዲ ወግዓዊ ምብጻሕ ዝፍጽም ዘሎ፣ ኣብ መንጎ ክልቲኤን ሃገራት ንሓያሎ ኣዋርሕ ዝቐጸል ዲፕሎማስያዊ ወጥሪ ኣብ ዝሃድኣሉ ዘሎ እዋን'ዩ።

እቲ ፕረዚደንት ብሰንበት 23 ሚያዝያ ናብ ሪያድ ድሕሪ ምእታዉ፣ ኣብ ህሉው ዝምድና ክልትኤን ሃገራትን ዞባ ማእከላይ ምብራቕን ብዝምልከት ምስ ንጉስ ሳልማን ተዘራሪቡ።

Read more...

ኢትዮጵያ፣ "ኣብ ኤርትራ ዝሰልጠኑ ዕጡቓት'ዮም" ዝበለቶም 15 ሰባት ቀይዳ

Radio Erena: 24 April 2017

Ethio Gnbo

መንግስቲ ኢትዮጵያ፣ ኣብ ኤርትራ ሰልጢኖም ዝበሎም 15 ኣባላት ዕጡቓት ተቓወምቲ ዶብ ድሕሪ ምስጋሮም ከምዝሓዘ ገሊጹ።

እቲ መንግስቲ ብመንገዲ ማዕከናት ዜንኡ ኣብ ዝሃቦ ሓበሬታ፣ እቶም ብዓርቢ 21 ሚያዝያ ኣብ ምዕራብ ትግራይ ዝተታሕዙ ሰባት፣ ኣብ ኤርትራ ወትሃደራዊ ታዕሊም ወሲዶም ኣብ ኢትዮጵያ መጥቃዕቲ ንምፍጻም ዝሰገሩ ኣባላትግንቦት ሸውዓትን ግንባር ሓርነት ኦሮሞን ምዃኖም'ዩ ጠቒሱ።

ኣብዘን ዝሓለፋ ክልተ ኣዋርሕ ብጠቕላላ 98 ሰባት ብተመሳሳሊ ክሲ ከምዝተታሕዙ እቲ መንግስቲ ብተወሳኺ ኣመልኪቱ።

Read more...

ኤርትራ፣ ኣብ ልዕሊኣ ዝተነብረ እገዳ ክልዓል ሓገዝ ቻይና ትሓትት

Radio Erena: 24 April 2017

Chi Er

ኣብ ቻይና ወግዓዊ ናይ ስራሕ ምብጻሕ ዝፈጸመ ልኡኽ መንግስቲ ኤርትራ ፣ ኣብ ልዕሊ ኤርትራ ዝተነብረ እገዳ ባይቶ ጸጥታ ንኽልዓለ መንግስቲ ቻይና ክጣበቐሉ ሓቲቱ።

እቲ ብሚኒስተር ጉዳያት ወጻኢ ኤርትራ ኣቶ ዑስማን ሳልሕን ሓላፊ ፖለቲካዊ ጉዳያት ህግደፍ ኣቶ የማነ ገብርኣብን ዝተወከለ ልኡኽ መንግስቲ ኤርትራ፣ ኣብቲ ካብ 18 ክሳብ 22 ሚያዝያ ዘካየዶ ዑደት ምስ ሚኒስተር ጉዳያት ወጽኢ እታ ሃገር ዋንግ ዪ ኣብ ዝተራኸበሉ፣ እቲ "ብምዕራባውያን ሃገራት ዝተነብረ'ዩ" ዝበሎ እገዳ ባይቶ ጸጥታ ሕቡራት ሃገራት ክልዓለ፣ ቻይና ግዴኣ ክትጻወት ተማሕጺኑ።

ሚኒስተር ጉዳያት ወጻኢ ቻይና ዋንግ ዪ ብወገኑ፣ ሃገሩ ነቲ ኣብ ልዕሊ ኤርትራ ዝተነብረ እገዳ ኣብ ኣኼባ ባይቶ ጸጥታ ናብ ዘተ ክወርድ ክትሓትት ምዃና እኳ እንተጠቐሰ፣ እቲ እገዳ ንኽልዓል ክትማጎት ብዛዕባ ምዃና ግና ኣየረጋገጸን።

Read more...

ነዘርላንድስ፣ ብዛዕባ ንጥፈታት ህግደፍ ብዝምልከት ንኣምባሳደር ኤርትራ ኣዘራሪባ

Radio Erena: 21 April 2017

Yemane Mon

መንግስቲ ነዘርላንድስ፣ ብዛዕባ'ቲ ህግደፍ ኣብታ ሃገር ዘካየዶ ንጥፈታት ብዝምልከት ንኣምባሳደር ኤርትራ ጸዊዑ ከምዘዘራረቦ መርበብ ሓበሬታ እታ ሃገር ገሊጹ።

እቲ ኣብ ነዘርላንድስ፣ ፈልድሆቨን ዝሓለፈ ሰሙን ክካየድ ተመዲቡ ዝነበረ ዋዕላ መንእሰያት ህግደፍ፣ ብዘጋጠሞ ተሪር ተቓውሞ ብደለይቲ ለውጢ ኣብ ሓደ መዓልቲ ከምዝተቛረጸ ኣይርሳዕን።

ኤርትራውያን ደለይቲ ለውጢ ነበርቲ ነዘርላንድስ ድሕሪ ዘርኣዩዎ ተሪር ናይ ተቓውሞ ሰልፊ፣ ምምሕዳር’ታ ከተማ ነቲ ዋዕላ ደው ከብሎ'ዩ ተገዲዱ። 

Read more...




Powered by Joomla!®. Designed by: free hosting no ads resell dot me domains Valid XHTML and CSS.