c


Erena on Facebook

SFbBox by web design dubai

ዜና ኤርትራ

ኮርፐረሽን መንገዲ ባቡር ኢትዮጵያ ከቢድ ክሳራ የንጸላልዎ

Radio Erena: 27 January 2017

Ethio Rail Co

ኮርፐረሽን መንገዲ ባቡር ኢትዮጵያ፣ ኣብ ከቢድ ክሳራ ምውዳቑ ኣፍሊጡ።

ብመሰረት ሓበሬታ ጋዜጣ ዘ ሪፖርተር፣ እቲ ኮርፐረሽን ናይ ሽዱሽተ ኣዋርሕ ጸብጻቡ ኣብ ዘቕረበሉ፣ ካብ ዝጠለቦ 60.2 ቢልዮን ብር ዓመታዊ ባጀት፣ እቲ 10.5 ቢልዮን ብር ጥራይ ከምዝረኸበ ጠቒሱ።

ካብ ወጻኢ ሃገራት ብልቃሕ ክመጽእ ዝተባህለ 43 ሚእታዊይ ናይቲ ባጀት ዛጊት ከምዘይተረኽበ ዝሓበረ ኮርፐረሽን መንገዲ ባቡር ኢትዮጵያ፣ እቲ ካብ ውሽጢ ሃገር ክሽፈን ዝተባህለ ተረፍ'ውን ፍርቁ ጥራይ ከምዝተረኽበ'ዩ ኣገንዚቡ።

Read more...

ኣመሪካ ኣብ ልዕሊ ሱዳን ዘንበረቶ እገዳ፣ ንኽልዓል ኢትዮጵያን ቀጠርን ኣበርክቶ ከምዝገበራ ሱዳን ትገልጽ

Radio Erena: 27 January 2017

Al Bashir

ኣመሪካ ኣብ ልዕሊ ሱዳን ዘንበረቶ እገዳ፣ ንኸተልዕሎ፣ ኢትዮጵያን ቀጠርን ኣበርክቶ ከምዝገበራ መንግስቲ ሱዳን ገሊጹ።

ስቴት ሚኒስተር ከማል እስማዒል ኣብ ካርቱም ኣብ ዘካየዶ ጋዜጣዊ ዋዕላ፣ እገዳ ሱዳን ንኽልዓል ብዘይካ'ቲ መንግስቲ ሱዳን ዘካየዶ ፖለቲካዊን ዲፕሎማስያውን ጻዕርታት፣ ማሕበር ሃገራት ዓረብ፣ ሕብረት ኣፍሪቃ፣ ማሕበር ምትሕግጋዝ እስላም፣ ሓያሎ ሃገራት ዓረብን ኣህጉራውያን ትካላትን ነናቶም ኣበርክቶ ከምዝገበሩ ብምጥቃስ፣ ብፍላይ ንኢትዮጵያን ቀጠርን ኣመስጊኑ።

Read more...

ሕ/ ኢማራት ዓረብ፣ ኣብ ሶማሊላንድ፣ ወትሃደራዊ መዓስከር ንምኽፋት ትሓትት

Radio Erena: 26 January 2017

Somali

ሕቡራት ኢማራት ዓረብ፣ ኣብ ርእሰ ምምሕዳር ሶማሊላንድ፣ ወትሃደራዊ መዓስከር ንምኽፋት ብወግዒ ከምዝሓተተ ተገሊጹ።

ማዕከናት ዜና ካብ ሶማሊላንድ ኣብ ዝህብኦ ዘለዋ ሓበሬታ፣ ሕቡራት ኢማራት ዓረብ ብዘይካ'ቲ ኣብ ወደብ ሃርጌሳ እተሰላስሎ ዘላ ንግዳዊ ናይ ወደብ ኣገልግሎታት፣ ወትሃደራዊ መዓስከር ንምኽፋት'ውን ንመንግስቲ'ቲ ርእሰ ምምሕዳር ብወግዒ ሕቶ ኣቕሪባ ኣላ።

እንተኾነ፣ ርእሰ ምምሕዳር ሶማሊላንድ ጠለብ ሕቡራት ኢማራት ዓረብ ከተማልእ ድልውቲ ብዛዕባ ምዃናን ዘይምዃናን ዝተነጸረ ነገር የለን።

Read more...

ዕጡቓት ሱዳን፣ ናብ ሊብያ ዝሰግሩ ዝነበሩ ኤርትራውያን ዝርከብዎም 64 ስደተኛታት ከምዝሓዙ ገሊጾም

Radio Erena: 26 January 2017

Lib Su Bo

ምስ ኣዕራብ ሚሊሻ 'ጃንጃዊድ' ምትእስሳር ከምዘለዎም ዝንገረሎም፣ ዕጡቓት ሱዳን ፣ ናብ ሊብያ ንምስጋር ዝወጠኑ 64 ስደተኛታት ከምዝሓዙ ተገሊጹ።

እቲ ጉጅለ ሚሊሻ ብሰሉስ 24 ጥሪ ካብ ሰሜናዊ ዳርፉር ኣብ ዝሃቦ መግለጺ፣ እቶም ዜጋታት ኤርትራ፣ ኢትዮጵያ፣ ሶማልን የመንን ምዃኖም ዝጠቐሶም ስደተኛታት 6 ቆልዑን 10 ደቀንስትዮን ከምዝርከብዎም ኣፍሊጡ።

እቲ ጉጅለ ኣብ 8 ጥሪ'ውን ናብ ሊብያ ዝሰግሩ ዝነበሩ 115 ስደተኛታት ከምዝሓዘ ዝዝከር'ዩ።

Read more...

ሶማልያ፣ ብዝተወሃሃደ ሽበራዊ መጥቃዕቲ 15 ሰባት ተቐቲሎም

Radio Erena: 26 January 2017

Moga att

ኣብ ሶማልያ፣ ከተማ ሞቛድሾ ብኣልሸባብ ዝተኻየደ ዝተወሃሃደ ሽበራዊ መጥቃዕቲ ሸውዓተ ጋዜጠኛታት ዝርከብዎም ብውሕዱ 15 ሰባት ከምዝተቐትሉ ማዕከናት ዜና ሓቢረን።

እቲ ብሮቡዕ 25 ጥሪ ዝተኻየደ ሽበራዊ መጥቃዕቲ፣ ኣብ ጎኒ መንበረ ፓርላማ ንእትርከብ ሆቴል ዒላማ ዝገበረ ኮይኑ፣ ፈለማ ኣብ መኪና ነታጕ ብምጽዋድ'ዩ ተፈጺሙ።

ዕጡቓት ኣልሸባብ፣ ድሕሪ'ቲ መጥቃዕቲ ብኡ ንብኡ ናብቲ ሆቴል ብምእታው ኣብቲ ቦታ ኣብ ልዕሊ ዝጸንሕዎም ሰባት ኣድራጋ ቶዅሲ ከምዝኸፈቱ'ውን ናይ ዓይኒ መሰካኽር ገሊጾም።

Read more...




Powered by Joomla!®. Designed by: free hosting no ads resell dot me domains Valid XHTML and CSS.