c


Erena on Facebook

SFbBox by web design dubai

ዜና ኤርትራ

ኢትዮጵያን ኡጋንዳን፣ ብመንገዲ ኢጋድ ጸጥታ ደቡብ ሱዳን ንምርግጋእ ብሓባር ክሰርሓ ይሰማምዓ

Radio Erena: 06 March 2017

Uganda Ethiop

ኢትዮጵያን ኡጋንዳን፣ ብመንገዲ ኢጋድ ጸጥታ ደቡብ ሱዳን ንምርግጋእ ብሓባር ክሰርሓ ከምዝተሰማምዓ ጋዜጣ ኒው ቪዥን ናይ ኡጋንዳ ገሊጻ።

እዚ ዝተገልጸ፣ ኣብ ኡጋንዳ ናይ ሰለስተ መዓልታት ናይ ስራሕ ምብጻሕ ዝፈጸመ ቀዳማይ ሚኒስተር ኢትይጵያ ኣቶ ሃይለማርያም ደሳለኝ ምስ ፕረዚደንት ኡጋንዳ ዩዌሩ ሙሴቬኒ ድሕሪ ዘካየዶ ጽዑቕ ዘተ'ዩ።

ኢጋድ፣ ንፕረዚደንት ደቡብ ሱዳንን ተቓዋሚኡን ናብ መኣዲ ዘተ ንምምላሶም ዘካየድዎ ጻዕርታት ክዕወት እኳ እንተዘይክኣለ፣ ጸጥታን እታ ሃገር ንምውሓስ ጻዕርታት ኢጋድ ገና ክቕጽል ምዃኑ መራሕቲ ኢትዮጵያን ኡጋንዳን ኣብ ርክቦም የመልክቱ።

Read more...

ሶማልያ፣ ኣብ ክልተ መዓልታት 110 ሰባት ብሰንኪ ደርቂ ሞይቶም

Radio Erena: 06 March 2017

Somalia

ኣብ ሶማልያ ተኸስቲቱ ብዘሎ ደርቂ ኣብዘን ዝሓለፋ ሒደት መዓልታት ብውሕዱ 110 ሰባት ከምዝሞቱ ቀዳማይ ሚኒስተር እታ ሃገር ሓሰን ዓሊ ኻይረ ኣፍሊጡ።

እቲ ቀዳማይ ሚኒስተር ብቀዳም 4 ለካቲት ኣብ ዝሃቦ መግለጺ፣ ኣብዘን 48 ሰዓታት፣ ብሰንኪ ዓጸቦን ደርቂ ዘስዓቦ ሕማምን መብዛሕቶም ቆልዑን ደቂንስትዮን ዝርከብዎም 110 ሰባት ከምዝሞቱ ኣረጋጊጹ።

ድሕሪ ፕረዚደንታዊ ምርጫ ሶማል፣ ሓድሽ ዝተመዘዘ ቀዳማይ ሚኒስተር ሓሰን ኻይረ ምስ ኮሚተ ምምካት ሓደጋ ደርቂ እታ ሃገር ኣብ ዘካየዶ ኣኼባ'ዩ፣ ሞት ናይ ልዕሊ 100 ዜጋታት እታ ሃገር ዘርድአ።

Read more...

ፕረዚደንት ሱዳን ሓድሽ ቀዳማይ ሚኒስተር መዚዙ

Radio Erena: 03 March 2017

Bekri Hasen

ፕረዚደንት ሱዳን ዑመር ሓሰን ኣልበሽር፣ ምክትሉ ንዝነበረ ባክሪ ሓሰን ሳልሕ ቀዳማይ ሚኒስተር እታ ሃገር ክኸውን ከምዝመዘዞ ማዕከናት ዜና ካብ ካርቱም ሓቢረን።

እቲ ፕረዚደንት ኣብ 1989 ብወትሃደራዊ ዕልዋ ናብ ስልጣን ካብ ዝመጽእ ድሕሪ 28 ዓመታት ንመጀመርያ እዋኑ'ዩ ቀዳማይ ሚኒስተር ዝመዝዝ ዘሎ።

ምምዛዝ ሓድሽ ቀዳማይ ሚኒስተር ሱዳን፣ ምስቲ ኣብ መወዳእታ ኣዋርሕ ናይ ዝሓለፈ ዓመት ዝተኻየደ ዋዕላ ንሃገራዊ ዘተ ዝተበጽሐ ስምምዕ ዝተተሓሓዘ ምዃኑ'ዩ ተገሊጹ።

ብዙሓት ተቓወምቲ ሰልፍታት ዝተሳተፍኦ፣ ኣብ ጥቅምቲ 2016 ዝተኻየደ ሃገራዊ ዘተ ሱዳን፣ በቶም ጸለውቲ ተቓወምቲ ተቐባልነት ከምዘይረኸበ ይዝከር።

Read more...

ኢትዮጵያ፣ ኣብ ከባቢ ናይል እትሃንጾ ንዘላ ዲጋ ንምጥቃዕ ዝተወጠነ ስርሒት ኣፍሺለ ትብል

Radio Erena: 03 March 2017

Dam Eth

ኢትዮጵያ፣ ኣብ ልዕሊ እቲ ኣብ ከባቢ ናይል እትሃንጾ ዘላ ዲጋ ዝተወጠነ መጥቃዕቲ ከምዘፍሸለት ምክትል ኣፈኛ መንግስቲ እታ ሃገር ገሊጹ።

እቲ ጻድቕ ሓጎስ ዝተባህለ ምክትል ኣፈኛ መንግስቲ፣ ብ1 መጋቢት ንሬድዮ ሃገሩ ኣብ ዝሃቦ መግለጺ፣ እቲ ዝሓለፈ ሰሙን ዝፈሸለ መጥቃዕቲ፣ ብኤርትራ ይድገፉ'ዮም ዝበለቶም ዕጡቓት ህዝባዊ ግንባር ሓርነት ቤንሻንጉል ዝተወጠነ ምንባሩ ኣመልኪቱ።

እቲ መጥቃዕቲ ንምፍሻሉ ኣብ ዝተኻየደ ስርሒት፣ ብውሕዱ 13 ዕጡቓት ከምዝተቐትሉ'ውን ጠቒሱ።

Read more...

ስዑዲ ዓረብ ኣማኢት ወትሃደራት የመን ኣሰልጢና

Radio Erena: 03 March 2017

Yemen Army

ስዑዲ ዓረብ ከተሰልጥኖም ዝጸንሐት ኣማኢት የመናውያን ወትሃደራት ኣመሪቓ።

እቶም ብሮቡዕ 1 መጋቢት ኣብ ከተማ ዓደን ስነ ስርዓት ምረቓ ዝተኻየደሎም፣ ወትሃደራት፣ ምስ ሰራዊት መንግስቲ የመን ተጸንቢሮም ኣብ ምቁጽጻር እታ ሃገርን ምውሓስ ጸጥታን እጃሞም ከበርክቱ ምዃኖም ንኣዘዝቲ ሰራዊት ልፍንቲ ብምጥቃስ ጋልፍ ኒውስ ሓቢራ።

ብስዑዲ ዓረብ ዝተመርሐ ሰራዊት ልፍንቲ ሃገራት ዓረብ ኣብ 2015 ኣብ የመን ወትሃደራዊ መጥቃዕታት ካብ ዝጅምር፣ ኣብ የመንን ኤርትራን ኣሽሓት ወትሃደራት መንግስቲ የመን ከምዝሰልጠኑ'ዩ ዝግለጽ።

Read more...




Powered by Joomla!®. Designed by: free hosting no ads resell dot me domains Valid XHTML and CSS.