c


Erena on Facebook

SFbBox by web design dubai

ዜና ኤርትራ

ኢትዮጵያ፣ ብመንገዲ ሱዳን ዝኣቱ ነዳዲ ንምትዕንቓፍ ሰሪሖም ዝበለቶም 12 ኤርትራውያን

Radio Erena: 08 March 2017

Federal

መንግስቲ ኢትዮጵያ፣ ናይ ህጹጽ እዋን ኣዋጅ ጥሒሶምን፣ ብመንገዲ ሱዳብን ነዳዲ ናብ ኢትዮጵያ ከይኣቱ ንምዕንቃጹ ክሰርሑ ጸኒሖምን ዝበሎም 12 ኤርትራውያን ዝርከብዎም 77 ሰባት ከምዝኸሰሰ ጋዜጣ ዘ ሪፖረትር ካብ ኣዲስ ኣበባ ሓቢራ።

እታ ጋዜጣ ኣብ ናይዚ ሰሙን እዚ ትሕዝቶኣ ኣብ ዘስፈረቶ ዜና፣ እቶም ምስ ኣርበኞች ግንቦት ሸውዓተ ምስ ዝተባህለ ተቓወምቲ ኢትዮጵያ ተጸንቢሮም ኣብ ኤርትራ ወትሃደራዊ ታዕሊም ድሕሪ ምውሳድ በብጉጅለ ተኸፋፊሎም ናብ ኢትዮጵያ ከምዝኣተወ ዝኸሰሶም 77 ሰባት፣ ካብ ሱዳን ናብ ኢትዮጵያ ንዝኣቱ ነዳዲ ንምትዕንቓፍ፣ ኣብ ኣብያተ ማእሰርቲ መጥቃዕታት ንምፍጻም፣ ናይ ተቓውሞም ወረቓቕቲ ምብታንን ካልእን ዘጠቓለለ ዕላማታት ከምዝነበሮም ጠቒሳ።

Read more...

ኣብ ግብጺ፣ ኣንጸባራቒ ዓወታት ዝተጎናጸፉ ኤርትራውያን ተቐዳደምቲ ብሽክለታ፣ ኣብ ጋቦን'ውን ደጊሞሞ

Radio Erena: 08 March 2017

Gabon

ካብ ሰኑይ 27 ለካቲት ክሳብ ሰንበት 5 መጋቢት 2017 ኣብ ጋቦን ክካየድ ኣብ ዝቐነየ ቅድድም ብሽክለታ ዙር ላ ትሮፒካል ኣሚሳ ቦንጎ ክሳተፉ ዝቐነዩ ኤርትራውያን ተቐዳደምቲ ብሽክለታ ዝተፈላለየ ዓወታት ተጎናጺፎም።

137. 5 ኪሎሜተር ኣብ ዝሸፈነ ናይ መዛዘሚ ቅድድም እዚ ዙር፣ ኣባል ሃገራዊት ጋንታ ኤርትራ ሜሮን ኣብርሃም ቀዳማይ ኮይኑ ውድድሩ ክፍጽም እንከሎ፣ ካልኦት ኤርትራውያን ተቐዳደምቲ'ውን ዝተፈላለየ ማልያታት ክውንኑ ክኢሎም።

Read more...

ዕጡቓት ተቓወምቲ ኮርዶፋን፣ 109 ምሩዃት ኵናት መንግስቲ ሱዳን ናጻ ለቒቖም

Radio Erena: 07 March 2017

SPLM N

ዕጡቓት ተቓወምቲ ሰሜን ሱዳን፣ 109 ምሩኻት ኵናት ሰራዊት መንግስቲ ሱዳን ብሰንበት 5 መጋቢት ናጻ ከምዝለቐቑ ተሓቢሩ።

ነዚ ዘረጋገጸ ኣፈኛ ሰራዊት መንግስቲ ሱዳን ብርጋደር ኣሕመድ ኸሊፋ ኣል ሻሚ፣ ህዝባዊ ምንቅስቓስ ንሓርነት ሱዳን ናይ ሰሜን፣ ነቲ ተበግሶ ምውሳዱ፣ እወታዊ ስጉምቲ ንሰላም'ዩ ክብል ንኢድዎ።

እቲ ኣብ ዞባ ኮርዶፋን ዝንቀሳቐስ ዕጡቓት ሓይሊ ሰሜን ሱዳን፣ ኣሲርዎም ዝጸንሐ 18 ሲቪል ሱዳናውያን'ውን ምስቶም ምሩዃት ኵናት ናጻ ፈንይዎም ኣሎ።

Read more...

ኢትዮጵያ፣ ብዝሒ ስደተኛታት ካብ ዘዕቁባ ሓሙሽተ ሃገራት ዓለም ምዃና UNHCR ኣፍሊጡ

Radio Erena: 08 March 2017

Camps

ኢትዮጵያ፣ ብዝሒ ስደተኛታት ካብ ዘዕቁባ ሓሙሽተ ሃገራት ዓለም ምዃና ላዕለዋይ ኮሚሽን ስደተኛታት ሕቡራት ሃገራት (UNHCR )ብ27 ለካቲት ኣብ ዘውጽኦ ጸብጻብ ኣፍሊጡ።

ኣብዛ ዝሓለፈት ዓመተ 2016 እታ ዝበዝሑ ስደተኛታት ዝተዓቝቡላ ሃገር ቱርኪ ኮይና፣ መብዛሕቶም ዜጋታት ሶርያ ዝርከብዎም 2. 8 ሚልዮን ስደተኛታት ተቐቢላ።

ንቱርኪ ስዒባ 1.6 ሚልዮን ስደተኛታት ዘዕቆበት ሃገር ፓኪስታን ክትከውን እንከላ፣ ሊባኖስ ድማ ኣስታት 1 ሚልዮን ስደተኛታት ኣአንጊዳ።

Read more...

መንግስቲ ወሰኽ ደሞዝ ይጉስጉስ፣ ህድማ ኣባላት ሰራዊት ናብ ጎረባብቲ ሃገራት ይንህር

Radio Erena: 06 March 2017

Eri Army 2

መንግስቲ ኤርትራ ወሰኽ ደሞዝ ሰራዊት በብደረጅኡ ይትግበር ከምዘሎን መነባብሮ ኣባላት ሰራዊት ክመሓየሽ ምዃኑን ኣብ ዝጉስጉሰሉ ዘሎ እዋን፣ መዓልታዊ ናብ ኢትዮጵያን ሱዳንን ናይ ዝሃድሙ ዘለዉ ኣባላት ሰራዊት ብዝሒ እናነሃረ ይመጽእ ምህላዉ ምንጭታት ሬድዮ ኤረና ሓቢሮም።

ብመሰረት እቶም ምንጭታት ዝልኣኹልና ሓበሬታ፣ ኣብ ከተማታት ዝተመደቡ ይኹኑ ኣብ ግንባራት ዝርከቡ ኣባላት ሃገራዊ ኣገልግሎት፣ ብውልቂን በብጉጅለ ናብ ሱዳንን ኢትዮጵያን ይሰግሩ ከምዘለዉ ብምጥቃስ፣ እዚ ድማ ኣብቲ ወሰኽ ደሞዝን ምምሕያሽ ናብራ ስድራቤታት ኣባላት ሰራዊትን ዝብል መብጽዓታት ዝኾነት እምነት ከምዘይብሎም ዘረድእ ምዃኑ ኣስሚሮምሉ።

ህድማ ኣባላት ሰራዊት ኤርትራ ናብ ጎረባብቲ ሃገራት ንቡር ተርእዮ እኳ እንተኾነ፣ እዚ ኣብዘን ዝሓለፋ ወርሓት ዝርአ ዘሎ ህድማ ፍሉይ ዝገብሮ ግና እቲ መንግስቲ፣ ደሞዝ ተወሲኹልኩም'ዩ፣ ገዛ ድማ ክስርሓልኩም'ዩ እናበለ ጽዑቕ ጎስጓስ ኣብ ዘካይደሉ ዘሎ እዋን ይፍጸም ምህላዉ'ዩ።

Read more...




Powered by Joomla!®. Designed by: free hosting no ads resell dot me domains Valid XHTML and CSS.