c


Erena on Facebook

SFbBox by web design dubai

ዜና ኤርትራ

ስዑዲ ዓረብ፣ 10 ሽሕ ሶማላውያን ንስራሕ ክትቆጽር ትዳሎ

Radio Erena: 03 January 2017

Somali workers

ንግስነት ስዑዲ ዓረብ 10 ሽሕ ሶማላውያን ንስራሕ ክትቆጽር፣ ምስ ፈደራላዊ መንግስቲ ሶማል ትዘራረብ ከምዘላ ኣል ኢቕቲሳድያ ዝተባህለት ጋዜጣ ስዑዲ ሓቢራ።

እታ ጋዜጣ ብዘቕረበቶ ጸብጻብ መሰረት፣ እቶም ናብ ስዑዲ ዓረብ ዝግዕዙ 10 ሽሕ ሶማላውያን፣ መብዛሕቶም ኣብ ናይ ገዛ ዕዮን ምምራሕ መኪናን ክዋፈሩ'ዮም።

ነዚ ንምስላጥን ሓድሽ ናይ ስምምዕ ሕግታት ንምጽፋፍን፣ ሚኒስትሪ ዕዮ ሶማል ዝመርሖ ልኡኽ ናብ ስዑዲ ዓረብ ከምርሕ ምዃኑ ጋልፍ ኒውስ ገሊጹ።

Read more...

ሱዳን፣ ሓድሽ ምምሕዳር መንግስቲ ኣብ ሓድሽ ዓመት

Radio Erena: 02 January 2017

Sudan PM

ሱዳን፣ ሓድሽ ምምሕዳር መንግስቲ ከተቕውም ምዃና ተሓጋጋዚ ፕረዚደንት ሱዳን ኢብራሂም ማሕሙድ ኣብ ዘካየዶ ጋዜጣዊ መግለጺ ኣፍሊጡ።

እቲ ተሓጋጋዚ ኣብ መግለጺኡ፣ ፕረዚደንት ኣልበሽር ካብ 10 ጥሪ 2016 ኣትሒዙ ሓድሽ ምምሕዳር መንግስቲ ከቕውም ምዃኑ ብምጥቃስ፣ ኣብዚ ዝቐውም ሓድሽ ስርዓት ቀዳማይ ሚኒስተር ክህሉ ምዃኑ ሓቢሩ።

ኣብ ሱዳን፣ ኣብ ዝሓለፈ ኣዋርሕ፣ ሓያሎ ፖለቲካውያን ሰልፍታትን ተቓወምቲ ሓይልታትን ዝተሳተፍዎ ሃገራዊ ዘተ ድሕሪ ምክያዱ'ዩ፣ ፕረዚደንት ኣልበሽር፣ ቀዳማይ ሚኒስተር ዘለዎ ሓድሽ ምምሕዳር መንግስቲ ክቐውም ምዃኑ ዝሕብር ዘሎ።

Read more...

ኤርትራ፣ ሓንቲ ካብተን ኣብ ትሑት ደረጃ ምዕባለን ድኽነትን ዝርከባ 3 ሃገራት ምዃና ሕ/ሃ ኣፍሊጡ

Radio Erena: 29 December 2016

LCD

ኤርትራ እትርከበን 48 ሃገራት ዓለም ኣብ ትሑት ደረጃ ምዕባለን ድኽነትን ከምዝርከባ ሕቡራት ሃገራት ኣብ ዝዘርግሖ ሓድሽ ጸብጻብ ኣፍሊጡ።

ኣብ ንግድን ምዕባለን ዘተኩር ኣካል ሕቡራት ሃገራት ዓመተ 2016 ኣብ እትዛዘመሉ ዘላ ወርሒ ኣብ ዝዘርግሖ ጸብጻብ፣ ከም ኤርትራ ዝኣመሰላ ድኻታት ሃገራት፣ ድኽነተን እናበኣሰን ደረጃ ምዕባልአን ድማ ንድሕሪት እናተጎተን ይኸይድ ምህላዉ ብምትሕስሳብ፣ 16 ካብተን ኣብ ትሑት ደረጃ ምዕባለን ድኽነትን ዝርከባ 48 ሃገራት ግና ኣብ ዝመጽእ 10 ዓመት ዝሓሸ ለውጢ ከምጽእ ተስፋ ከምዘለወን የመልክት።

ሕቡራት ሃገራት፣ ናይ 188 ሃገራት መጽናዕቲ ብምክያድ ኣብ ዘቕረቦ ጸብጻብ፣ ኤርትራ ብደረጃ ምዕባለን ድኽነትን ሓንቲ ካብተን ሰለስተ ኣብ ድሕሪት ተሰሪዐን ዘለዋ ሃገራት'ያ።

Read more...

ግብጺ ኣብ ቀይሕ ባሕሪ ዝርከባ ክልተ ደሴታት ንስዑዲ ክወሃባ ወሲና

Radio Erena: 02 January 2017

Islands

መንግስቲ ግብጺ፣ ኣብ ትሕቲኡ ክመሓደራ ዝጸንሓ ክልተ ደሴታት ቀይሕ ባሕሪ ኣካል ግዝኣት ስዑዲ ዓረብ ክኾና ድሕሪ ዘሕለፎ ውሳነ፣ ንትግባረ ናብ ፓርላማ እታ ሃገር ከምዘመሓላለፎ መደበር ቴሌቪዥን እታ ሃገር ሓቢሩ።

ቲራንን ሳናፊርን ዝተባህለ ኣብ ትሕቲ ግብጺ ክመሓደራ ዝጸንሓ ክልተ ደሴታት ቀይሕ ባሕሪ፣ ናብ ስዑዲ ዓረብ ክምለሳ ዝብል እማመ ዝቐረበ፣ ግብጽን ስዑዲ ዓረብን ኣብ ወርሒ ሚዝያያ ናይ 2016 ኣብ ዝኸተምኦ ስምምዕ'ዩ።

እንተኾነ፣ እተን ዴሴታት ልኡላዊ ኣካል ግብጺየን ብምብል ሓያሎ ፖለቲከኛታትን እታ ሃገር ድሕሪ ዘልዓልዎ ሕቶታት፣ ላዕለዋይ ምምሕዳራዊ ቤት ፍርዲ ግብጺ ነቲ ስምምዕ ነጺግዎ'ዩ ጸኒሑ።

Read more...

100 ነጋዶን ኣውፈርትን ዝሓቖፈ ብሚኒስተር ቁጠባ ዝምራሕ ልኡኽ ቱርኪ ኣብ ኢትዮጵያ ምብጻሕ ይፍጽም

Radio Erena: 29 December 2016

Turkey

100 ነጋዶን ኣውፈርትን ዝሓቖፈ ብሚኒስተር ቁጠባ ኒሃት ዘይበክሺ ዝምራሕ ልኡኽ ቱርኪ ኣብ ኢትዮጵያ ናይ ሓደ መዓልቲ ምብጻሕ ከምዝፈጸመ ኣገልግሎት ዜና ቱርኪ – ኣናዶሉ ገሊጹ።

እቲ ብላዕለዋይ ወኪል መንግስቲ ዝምራሕ ምብጻሕ ቱርካውያን ናብ ኢትዮጵያ፣ ኣብ መንጎ ክልቲኤን ሃገራት ንዘሎ ናይ ወፍርን ንግድን መደባት ብዝያዳ ንምስፍሑ ዝዓለመ'ዩ።

ሚኒስተር ቁጠባ ቱርኪ ኒሃት ዘይበክሺ፣ ኣብዚ ብሮቡዕ 28 ታሕሳስ ዘካየዶ ናይ ኢትዮጵያ ዑደት፣ ቀዳማይ ሚኒስተር ኣቶ ሃይለማርያም ደሳለኝ ምስ ዝርከቦም ሓያሎ ሰበ ስልጣን ብምርኻብ፣ ንግዳዊ ልውውጥ እዘን ክልተ ሃገራት ብዛዕባ ዝዓብየሉ ተኽእሎታት ዘትዩ።

Read more...




Powered by Joomla!®. Designed by: free hosting no ads resell dot me domains Valid XHTML and CSS.