c


Erena on Facebook

SFbBox by web design dubai

ዜና ኤርትራ

ኤርትራ ንናጽነት ኮሶቮ ከምዘይትድግፍ ኣረጋጊጻ

Radio Erena: 13 March 2017

Serbia

ኤርትራ፣ ንናጽነት ኮሶቮ ከምዘይትድግፍን ምርግጋጻ፣ ፕረዚደንት ሰርብያ ቶሚስላቭ ኒኮሊች ከምዝነኣደ ምስ መንግስቲ እታ ሃገር ቅርበት ዘለወን ማዕከናት ዜና ካብ ከተማ ቤልግረድ ገሊጸን።

እቲ ፕረዚደንት ዝሓለፈ ሰሙን ምስ ልኡኽ መንግስቲ ኤርትራ ኣብ ዘካየዶ ርክብ፣ ኤርትራ ንናጽነት ኮሶቮ ከምዘይትድግፍ ብምርግጋጽ፣ ኣባል ማሕበር ስነፍልጠትን ባህልን ሕቡራት ሃገራት (UNESCO) ንኸይትኸውን ኣንጻራ ምድማጻ ኣሞጕሱ።

ኤርትራ፣ ነታ ካብ 2008 ኣትሒዛ ካብ ሰርብያ ተፈልያ ሉኣላዊት ሃገር ንምዃን እትሕልን ዘላ ኮሶቮ፣ ናጽነታ ንኸይትረክብ ኣብ UNESCOን ካልእ ኣጋጣሚታትን ተቓውሞኣ እተስምዓሉ ዘላ ምኽንያት ብዝርዝር ኣይተገልጸን።

Read more...

ኣመሪካ፣ ኣብ ዝመጽእ ኣዋርሕ ዝዛዘም ወትሃደራዊ መዓስከር ቻይና ኣብ ጅቡቲ፣ ስግኣት ከምዘፈጠረላ ሓቢራ

Radio Erena: 13 March 2017

Africom

ቻይና ኣብ ጅቡቲ እተቑሞ ዘላ ወትሃደራዊ መዓስከር ንኣመሪካ ስግኣት ከምዝፈጠረላ ተሓቢሩ።

ኣዛዚ እዚ ኣመሪካ ኣብ ኣፍሪቃ (ኣፍሪኮም) ጀነራል ቶማስ ዋልደሁሰር ፣ ብ9 መጋቢት ንባይቶ ኣመሪካ፣ ወትሃደራዊ ኮሚተ ኣብ ዝሃቢ መብርሂ፣ ምቛም ወትሃደራዊ መዓስከር ቻይና ኣብ ጅቡቲ ምስቲ ኣብታ ሃገር ዝርከብ መዓስከር ኣመሪካ፣ ኣብ ናይ ተልእኾታትን ስርሒታትን ናይ ጸጥታ ሽግራት ከይፈጥር ሻቕሎት ከምዘሕደረሉ ኣረጋጊጹ።

ብዛዕባ'ቲ ንኣመሪካ ፈጢሩላ ዘሎ ስግትት ብዝምልከት ምስ ፕረዚደንት ጅቡቲ እስማዒል ጉለ ከምዝተዘራረበ ዝሓበረ ጀነራል ቶማስ ዋልድሁሰር፣ ምቛም ወትሃደራዊ መዓስከር ቻይና ኣብ ጅቡቲ ንረብሓታት ኣመሪካ ከምዘይጻረር ካብቲ ፕረዚደንት መረዳእታ ከምዝተዋህቦ ኣብቲ ንኣባላት ሰነት ሃገሩ ዝሃቦ መግለጺ ኣፍሊጡ።

Read more...

ኣብ ዓሰብ፣ ከባቢ መደበር ሓይሊ ኣየር ኤርትራ ኣብ ሓለዋ ዝተመደቡ ኣባላት ሰራዊት ኤርትራ ብእኩብ ተኣሲሮም

Radio Erena: 10 March 2017

Assab Army

ኣብ ዓሰብ፣ ኣብ ከባቢ መደበር ሓይሊ ኣየር ኤርትራ ኣብ ሓለዋ ዝተመደቡ ሓያሎ ኣባላት ሰራዊት ኤርትራ ብእኩብ ከምዝተኣስሩ ምንጭታት ሬድዮ ኤረና ሓቢሮም።

እቶም ኣብ ዝሓለፈ ቅንያት ብእኩብ ዝተኣስሩ፣ ኣስታት 30 ዝኾኑ ኣባላት ሰራዊት ኤርትራ መብዛሕቶም ብሃገራዊ ኣገልግሎት ዝተመደቡ ምዃኖም እቲ ዝበጽሓና ሓበሬታ የመልክት።

እቲ ሓበሬታ ብተወሳኺ፣ እቶም እሱራት ካብ ዓሰብ ግዒዞም፣ ኣብ ከባቢ ባጽዕ ናብ ዝርከብ ቤት ማእሰርቲ ገደም ከምዝተወስዱ ይጠቕስ።

እቶም ኣባላት ሰራዊት ብእኩብ ዝተኣስርሉ ምኽንያት ብንጹር ክፍለጥ እኳ እንተዘይክኣለ፣ ናብ ጎረባብቲ ሃገራት ንምህዳም ውጥን ኔርኩም ብዝብል ክኸውን ከምዝኽእል ይግመት።

Read more...

ምምሕዳር ትራምፕ ልዕሊ 65 ሶማላውያን ብግዴታ ናብ ዓዶም መሊሱ

Radio Erena: 13 March 2017

Somali Depo

ምምሕዳር ትራም፣ ኣብ ልዕሊ ስደተኛታት ብሓፈሻ ኣብ ልዕሊ ዜጋታት ሽዱሽተ ሃገራት ድማ ብፍላይ ዘሕለፎ ዝተኸለሰ ውሳኔ፣ ተግባራዊ ክኸውን ሒደት መዓልታት ተርፊዎ ኣብ ዘሎ ግዜ፣ ልዕሊ 65 ሶማላውያን ብግዴታ ናብ ዓዶም ከምዝተመልሱ ማዕከናት ዜና ሓቢረን።

ብኣኽበረቲ ጸጥታን ኢሚግረሽንን ኣመሪካ ተሰንዮም ዝተጠርዙ ሶማላውያን ዝጸዓነት ነፋሪት ኣብ ከተማ ሞቛድሾ ድሕሪ ምዕላባ፣ ሰበ ስልጣን ሓድሽ መንግስቲ ሶማል ከምዝተረከብዎም ተገሊጹ።

ፕረዚደንት ትራም ኣብ ስልጣን ካብ ዝመጽእ፣ ሶማላውያን ናብ ዓዶም ክጥረዙ እዚ ንኻልኣይ እዋኑ'ዩ።

መብዛሕቶም እዞም ብዘይድልየቶም ናብ ዓዶም ዝተመልሱ ሶማላውያን፣ ሃገራት ቆራሪጾም ብዘይሕጋዊ መንገዲ ናብ ኣመሪካ ድሕሪ ምእታዎም፣ ዘቕረብዎ ሕቶ ዕቕባ ዝተነጽጉ'ዮም።

Read more...

ኣብ ዞባውን ኣህጉራውን ተነጽሎ ወዲቑ ዝርከብ መንግስቲ ኤርትራ፣ ልኡኻቱ ናብ ሰርብያ ይሰድድ

Radio Erena: 10 March 2017

Serbia

ብሚኒስተር ጉዳያት ወጽኢ ኤርትራ ኣቶ ዑስማን ሳልሕን ሓላፊ ፖለቲካዊ ጉዳያት ህግደፍ ኣቶ የማነ ገብርኣብን ዝተወከለ መንግስቲ ኤርትራ ኣብ ሰርብያ ናይ ሰለስተ መዓልታት ምብጻሕ ይፍጽም ከምዘሎ ሚኒስትሪ ጉዳያት ወጻኢ እታ ሃገር ሓቢሩ።

ልኡኽ መንግስቲ ኤርትራ፣ ምስ ምክትል ቀዳማይ ሚኒስተርን ሚኒስተር ጉዳያት ወጻኢን ሰርብያ ኢቪካ ዳቺች ኣብ ከተማ ቤልግረድ ብምርካብ፣ ኣብ ዝተፈላለየ ጉዳያት ዘትዩ።

ዕላማ ዑደት እቲ ልኡኽ፣ ኣብ መንጎ መንግስታት ክልትኤን ሃገራት ብዛዕባ ትምህርቲ፣ ንግድን ወፍርን ክህሉ ንዝኽእል ናይ ምትሕግጋዝ ዕድላት ንምድህሳስ ዝብል መግለጺ እኳ እንተተዋህቦ፣ ወትሃደራዊ ንዋት ንምሽማት ኣማራጺ ሃገራት ንምንዳይ ካብ ዘካይዶ ዘሎ ጻዕርታት ምዃኑ'ውን ተንተንቲ ግምታቶም ይህቡ።

Read more...




Powered by Joomla!®. Designed by: free hosting no ads resell dot me domains Valid XHTML and CSS.