c


Erena on Facebook

SFbBox by web design dubai

ዜና ኤርትራ

ናብ ዝበዝሐ ክፋል ዓለም ናይ መጓዓዝያ በረራታት ከየካይድ ዝተኣገደ መንገዲ ኣየር ሱዳን፣ ናብ ኤርትራ ዘካየዶ በረራታት ንምስፋሕ ይውጥን

Radio Erena: 17 March 2017

Sudan air

ናብ ዝበዝሐ ክፋል ዓለም ናይ መጓዓዝያ በረራታት ከየካይድ ዝተኣገደ መንገዲ ኣየር ሱዳን፣ ናብ ኤርትራ ዘካይዶ በረራታት የስፍሕ ከምዘሎ ተሓቢሩ።

እቲ፣ ብሰንኪ ቴክኒካዊ ብቕዓት ተጓዓዝቲ ናብ ሓደጋ ከቃልዕ ይኽእል'ዩ ተባሂሉ ናብ ዝበዝሐ ክፋል ዓለም ናይ መጓዕዝያ በረራታት ከየካይድ ንነዊሕ ዓመታት ዝተኸልከለ መንገዲ ኣየር ሱዳን፣ ካብን ናብን ኣስመራ ካርቱም፣ በረራታት ከካይድ ድሕሪ ምጽናሕ'ዩ፣ ካብ ኣስመራ፣ ናብ ደቡብ ሱዳን ከተማ ጁባ፣ ስዑዲ ዓረብ ከተማታት ሪያድን ጀዳን፣ ናብ ቻድ ድማ ከተማ እንጀሜና በረራታቱ ዘስፍሕ ዘሎ።

ናብ ኤርትራ ናይ መጓዓዝያ በረራታት ዘካይዳ ኣህጉራውያን መንገድታት ኣየር፣ በብእዋኑ የቛርጻ ምስ ምህላወን፣ በዓል መዚ ሲቪል ኣቭየሽን ከም መተካእታ ናብ ኤርትራ ኣገልግሎት ዝህባ መንገዲታት ኣየር ከናዲ'ዩ ጸኒሑ።

Read more...

ናብ ኢትዮጵያ ካብ ዝሰግሩ ዘለዉ ኤርትራውያን ስደተኛታት እቶም 39 ሚእታዊት ቆልዑ ምዃኖም ተገሊጹ

Radio Erena: 16 March 2017

IOM Endabaguna

ኣብ ኢትዮጵያ፣ ክልል ትግራይ፣ ኣብ ምዕራብ ሽረ ኣብ ዝርከብ፣ ማእከል ምጽራይ ስደተኛታት እንዳባጉና፣ ካብ ዝምዝገቡ ዘለዉ ኣሽሓት ኤርትራውያን ስደተኛታት እቶም 39 ሚእታዊት ትሕቲ ዕድመ ቆልዑ ምዃኖም ተገሊጹ።

እቶም 14 ሚእታዊት ካብዚኣቶም ከኣ ብዘይኣላዊ ዶብ ዝሰገሩ'ዮም ክብል ጸብጻብ ላዕለዋይ ኮሚሽን ስደተኛታት ሕቡራት ሃገራት   (UNHCR) የመልክት።

መብዛሕቶም እዞም ብዘይኣላዩ ዝመጹ ትሕቲ ዕድመ ቆልዑ፣ ምስ ስድራቤታቶም ወይ ኣለይቶም ዝራኸብሉ መንገዲታት ክሳብ ዝናደ፣ ናብ መዓስከራት ከይተላእኩ ኣብ እንዳባጉና ከምዝተሓዙ'ዩ ዝፍለጥ።

Read more...

ፕርዚደንት ትራምፕን ወራሲ ዓራት ስዑዲ ዓረብ መሓመድ ቢን ሳልማንን ኣብ ጉዳይ የመን ዘትዮም

Radio Erena: 16 March 2017

Trump

ፕረዚደንት ኣመሪካ ዶናልድ ትራምፕ ምስ ወራሲ ዓራትን ሚኒስተር ምክልኻልን ስዑዲ ዓረብ መሓመድ ቢን ሳልማን ብምርኻብ ኣብ ህሉው ዝምድና ኣመሪካን ስዑዲ ዓረብን ከምኡ ድማ ኣብ ጉዳይ የመን የመን ብምትኳር ከምዝዘተየ ካብ ዋይት ሃውስ ዝተፈነወ ሓበሬታ ገሊጹ።

ኣመሪካ፣ ነቲ ኣብ የመን ብስዑዲ ዓረብ ተመሪሑ ዝካየድ ዘሎ ወትሃደራዊ ስርሒት ከምእትድግፍን፣ ኣሸበርቲ'ዮም ንዝበለቶም ጉጅለታት ከኣ ብናይ በይና ተበግሶ መጥቃዕታት ክትፍጽም ከምዝጸንሐት ዝፍለጥ'ዩ።

ፕረዚደንት ትራምፕ ናብ ስልጣን ካብ ዝመጽእ፣ ኣብ የመን ኣብ ልዕሊ ዝርከቡ ኣሸበርቲ ዝበሎም ዕጡቓት መጥቃዕቲ ክቕጽል ከምዝደሊ እኳ እንተረጋገጸ፣ ምስ ስዑዲ ዓረብ ብዛዕባ ዝህልዎ ዝምድና ግና ከይተነጸረ'ዩ ጸኒሑ።

Read more...

ኣብ ዶብ ኢትዮጵያን ደቡብ ሱዳንን፣ ኣብ ዝተኻየደ ግጭት ብውሕዱ 28 ሰባት ተቐቲሎም

Radio Erena: 16 March 2017

Gambella22

ኣብቲ ንኢትይጵያን ደቡብ ሱዳንን ዘዳውብ ዘዳውብ ከባቢታት ዝርከቡ ዓሌታት ብዝካየድዎ ግጭት ብውሕዱ 28 ከምዝተቀትሉ ንሰበስልጣን እታ ሃገር ብምጥቃስ ኣሶሸትድ ፕረስ ሓቢሩ።

ኣብቲ ብ10ን 12ን መጋቦት ዝተኻየደ ግጭት፣ ልዕሊ 100 ዝኾኑ ካብ ኦኣሌት ሙርለ ዝኾኑ ዕጡቃት ደቡብ ሱዳን፣ ናብ ሓንቲ ብ ክልል ጋምቤላ እትርከብ ቁሸት ብምእታው ነቲ መጥቃዕቲ ከምዝፈጸምዎ፣ ኣፈኛ ምምሕዳር ዞባ ጋምቤላ ቾል ቻኒ ገሊጹ።

ኣብቲ መጥቃዕቲ 10ታት ሰባት ግዳያት ሞትን መቑሰልትን ክኾኑ እንከለዉ፣ 43 ቆልዑ ድማ በቶም ዕጡቓት ተጨውዮም።

Read more...

ልኡኽ ኤርትራ ኣብ ሞሮኮ ይበጽሕ፣ ንጉስ 'ታ ሃገር ኣብ ሓሙሽተ ሃገራት ኣፍሪቃ ዑደት የካይድ

Radio Erena: 15 March 2017

Morocco

ሚኒስተር ጉዳያት ወጻኢ ኤርትራ ኣቶ ዑስማን ሳልሕን ሓላፊ ፖለቲካዊ ጉዳያት ህግደፍ ኣቶ የማነ ገብርኣብን፣ ክልተ ሰባት ጥራይ ዝሓቖፈ ልኡኽ መንግስቲ ኤርትራ፣ ኣብ ሰርብያ ድሕሪ ዘካየዶ ናይ ክልተ መዓልታት ዑደት ናብ ሞሮኮ ኣምሪሑ።

እቲ ልኡኽ፣ ካብ ፕረዚደንት ኤርትራ ኣቶ ኢሳይያስ ኣፈወርቂ ናብ ንጉስ መሓመድ ሻድሻይ ዝተላእከ ደብዳቤ ንምብጻሕ ናብታ ሃገር ከምዝኣተወ'ዩ ተሓቢሩ።

ንጉስ መሓመድ ናይ ሞሮኮ፣ ካብ 1 ለካቲት ኣትሒዙ ክሳብ ትማሊ 14 መጋቢት ፣ ኣብ ሓሙሽተ ሃገራት ኣፍሪቃ ዑደት ኣብ ምክያድ'ዩ ኔሩ።

Read more...




Powered by Joomla!®. Designed by: free hosting no ads resell dot me domains Valid XHTML and CSS.