c


Erena on Facebook

SFbBox by web design dubai

ዜና ኤርትራ

UPDATED: ሃ/ጋ ኤርትራ፣ ኣብ ውድድር ሻምፕዮን ቅድድም ብሽክለታ ኣፍሪቃ 2017 ትሳተፍ፣ ኣብ ናይ ደቂተባዕትዮን ደቂንስትዮን ክሮኖሜተር ወርቂ ትሽለም

Radio Erena: 14 February 2017

Cycling22

ሃገራዊት ጋንታ ኤርትራ፣ ሎሚ ሰሉስ 14 ለካቲት ኣብ ዝጅምር ናይ 2017 ውድድር ሻምፕዮን ቅድድም ብሽክለታ ኣፍሪቃ (African Continental Cycling Championships) ትሳተፍ ኣላ።

ብኣሰልጣኒ ሳምሶም ሰለሙን እትእለ ሃገራዊት ጋንታ ቅድድም ብሽክለታ ኤርትራ፡ ቅድሚ ሒደት ሰዓታት፡ ኣብ ዝተዛዘመ 57.8 ኪሎ ሜትር ርሕቐት ዝሸፈነ ውድድር ግዜ፡ ብመንገዲ ኣማኑኤል ገብረዝጋብሄር፡ ሜሮን ተሾመ፡ ዓወት ሃብቶምን ሜሮን ኣብርሃምን፡ ቀዳመይቲ ብምውጽእ፡ ንሻብዓይ ዓመት ኣከታቲላ፡ ሻምፕዮን ውድድር ክሮኖሜትር ኣፍሪቃ ኮይና። 

Read more...

ኣውፈርቲ ቀጠር ኣብ ኢትዮጵያ ናይ ወፍሪ ዕድላት የናድዩ

Radio Erena: 14 February 2017

Qatar Investors

ኣውፈርትን ነጋዶን ቀጠር፣ ኣብ ኢትዮጵያ ናይ ወፍሪ ዕድላት ንምንዳይ ዝዓለመ ዑደት ኣብ ኣዲስ ኣበባ ኣካይዶም።

ብዋና ኣካይዲ ስራሕ ናይቲ ብ'ኤዝዳን' ዝፍለጥ ሓደ ካብ ዓበይቲ ኩባንያታት ቀጠር፣ ሸኽ ዶክተር ኻሊድ ቢን ኣልታኒ ዝምራሕ ጉጅለ ኣውፈርትን ነጋዶን፣ ዝሓለፈ ሰሙን ኣብ ኣዲስ ኣበባ ኣብ ዝጸንሓሉ ምስ ቀዳማይ ሚኒስተር ኢትዮጵያ ኣቶ ሃይለማርያም ደሳልኝን ካልኦት ሰበ ስልጣንን ብምርኻብ ኣብ ናይ ወፍሪ ዕድላት ተዘራሪቡ።

ኢትዮጵያ፣ ንኣውፈርትን ነጋዶን ቀጠር ሰፊሕ ዕድላት ክትከፍት ድልውቲ ምህላዋ፣ ቀዳማይ ሚኒስተር ኣቶ ሃይለማርያም ደሳለኝ ኣብቲ ርክብ ገሊጹ።

Read more...

ኤርትራውያን ጸሓፍቲ ሃለዋቶም ኣጥፊኣ ዘላ ኤርትራ፣ መበል 180 ዓመት ሞት ሩስያዊ ደራሲ ኣሌክሳንደር ፑሽኪን ዘኪራ

Radio Erena: 13 February 2017

Pushkin

ስነ ጥበባውያንን ጸሓፍትን ብምእሳር ብደረጃ ዓለም ግኑን ስም ኣብ ዘለዋ ኤርትራ፣ መበል 180 ዓመት ሞት ሩስያዊ ደራሲ ኣሌክሳንደር ፑሽኪን ተዘኪሩ።

እቲ ላዕለዎት ሰበ ስልጣን ህግደፍ ዝተረኽብሉ ዝኽሪ፣ ኣብ ማእከል ኣስመራ ኣብ ዝተሃንጸ ሓወልቲ ናይቲ ንዝበዝሐ ህዝቢ ኤርትራ ጓና ዝኾነ ኣሌክሳንደር ፑሽኪን'ዩ ብ10 ለካቲት ተኻይዱ።

ዓሰርታት ጋዜጠኛታትን ጸሓፍትን ስነ ጥበባውያንን፣ ንሓያሎ ዓመታት ኣሲሩ፣ ደሃዮም ዘጥፍአን ህግደፍ፣ ኣብ ሕምብርቲ ኣስመራ ናይ ሓደ ቅድሚ 180 ዓመታት ዝነበረ ሩስያዊ ደራሲ ሓወልቲ ዝተኸለሉ ኣውራ ምኽንያት፣ ኣብ ስነጥበብን ድርሰትን ስለዝግደስ ዘይኮነ፣ ንመንግስቲ ሩስያ ንቅብጣርን ንምሕጓስ ካብ ዝገብሮም ጻዕርታት ምዃኑ ብተደጋጋሚ ተገሊጹ'ዩ።

Read more...

ጃፓን፣ ካብ 10 ሽሕ ሓተቲ ዑቕባ፣ ሰለስተ ኤርትራውያን ንዝርከብዎም 28 ሰባት ጥራይ ተቐቢላ

Radio Erena: 14 February 2017

Japan

ጃፓን፣ ኣብ ዝሓለፈ ዓመት ዑቕባ ካብ ዝሓተቱ ልዕሊ 10 ሽሕ ስደተኛታት፣ ሰለስተ ኤርትራውያን ንዝርከብዎም 28ሰባት ጥራይ ፖለቲካዊ ዑቕባ ከምዝሃበት ተገሊጹ።

ሮይተርስ ንጸብጻብ መንግስቲ ጃፓን ብምውካስ ኣብ ዘቕረቦ ሓበሬታ፣ ኣብ ዓመተ 2016 ኣብታ ሃገር 10,901 ሰባት ዑቕባ ከምዝሓተቱ ብምጥቃስ፣ እዚ ብዝሒ'ዚ ምስ ናይ ቅድሚኡ ዝነበረ ዓመት ክነጻጸር እንከሎ ብ44 ሚእታዊት ከምዝዛየደ ኣነጺሩ።

ኣብ ዓመተ 2015፣ ሓደ ኤርትራዊ ንዝርከቦም 27 ስደተኛታት ፖለቲካዊ ዑቕባ ዝሃበት ጃፓን፣ ኣብ ናይ ዝሓለፈ ዓመት ድማ ብተመሳሳሊ ሰለስተ ኤርትራውያን ንዝርከብዎም 28 ሰባት ዑቕባ ሂባ ኣላ።

Read more...

ስርሒት ፈንቕል ኣብ ዝጽንበለሉ ዘሎ ቅንያት፣ ኣብ ባጽዕን ከባቢኣን ጽዑቕ ግፋ ተኻይዱ

Radio Erena: 13 February 2017

Massawa

መበል 27 ዓመት ዝኽሪ ስርሒት ፈንቕል ኣብ ዝጽንበለሉ ዘሎ ቅንያት፣ ሓይልታት ሰራዊት መንግስቲ ኤርትራ፣ ኣብ ባጽዕን ከባቢኣን ጽዑቕ ግፋ ኣካይዶም።

ምንጭታት ሬድዮ ኤረና ብዝልኣኽዎ ሓበሬታ መሰረት፣ እቲ ካብ ዝሓለፈ ሰሙን ኣትሒዙ ኣብታ ከተማን ከባቢኣን ክካየድ ዝቐነዩ ጽዑቕ ግፋ፣ ኣዴታትን ትሕቲ ዕድመ ቆልዑ'ውን ለኪሙ ከምዘሎ ኣገንዚቦም።

ወለዲ ናይቶም ዝተገፉ ትሕቲ ዕድሚ፣ ናይ ትምህርቲ ወረቓቕቲ ሒዞም ፈቐዶም ኣብያተ ማእሰርቲ ኮለል ክብሉ ከምዝጸንሑ ዝጠቕሱ እቶም ምንጭታት፣ ገሊኦም ድሕሪ ናይ ሳልስቲ ማእሰርቲ ክፍትሑ እንከለዉ፣ ገሊኦም ግና ክሳብ እዚ እዋን'ዚ ኣይተፈትሑን።

Read more...




Powered by Joomla!®. Designed by: free hosting no ads resell dot me domains Valid XHTML and CSS.