c


Erena on Facebook

SFbBox by web design dubai

ዜና ኤርትራ

ኤርትራ፣ ንሰሜን ኮርያ ጥራይ በሊጻ፣ ዝተሓተ ናጽነት ፕረስ ዘለዋ ሃገር ተባሂላ

Radio Erena: 26 April 2017

RSF Index

ኤርትራ፣ ካብ 180 ሃገራት ዝተሓተ ናጽነት ፕረስ ዘለዋ ካልኣይቲ ሃገር ተባሂላ።

ኣብ ፓሪስ ዝመደበሩ ኣህጉራዊ ትካል ጋዜጠኛታት ብዘይዶብ ብ26 ሚያዝያ ኣብ ዝዘርግሖ ናይ 2017 ሓድሽ ኩነታት ሜድያ ሃገራት፣ ዝበኣሰ ኩነታት ናጽነት ፕረስ ካብ ዘለወን ሃገራት ፣ ኤርትራ ንሰሜን ኮርያ ጥራይ በሊጻ'ያ ካልኣይቲ ዝተሓተ ናጽነት ፕረስ ዘለዋ ሃገር ኮይና ኣላ።

ኤርትራ፣ ነዚ ዝሓለፈ ሸሞንተ ዓመታት ዝኸፍአ ናጽነት ፕረስ ዘለዋ ሃገራት ተባሂላ ኣብ ቅድሚት'ያ ተሰሪዓ ጸኒሓ።

Read more...

መሰል ደቂንስትዮ ብምግሃስ ግኑን ስም ዘለዋ ስዑዲ ዓረብ፣ ኮሚሽን መሰል ደቂንስትዮ ሕ/ሃ ክትመርሕ ተመሪጻ

Radio Erena: 26 April 2017

Saudi Women

መሰል ደቂንስትዮ ብምግሃስ ግኑን ስም ዘለዋ ስዑዲ ዓረብ፣ ኮሚሽን መሰል ደቂንስትዮ ሕቡራት ሃገራት ክትመርሕ ተመሪጻ።

ኣብቲ ብምስጢር ዝተኻየደ ምርጫ፣ 12 ካልኦት ሃገራት'ውን ምስ ስዑዲ ዓረብ ንኮሚሽን መሰል ደቂንስትዮ ክመርሓ ተመሪጸን ኣለዋ።

እዘን ሃገራት ነዚ ዝቕጽል ኣርባዕተ ዓመታት፣ ብዛዕባ መሰል ደቂንስትዮ ዓለምና ክከታተላን፣ መሰል ደቂንስትዮ ኣብ ዝግሃሰለን ሃገራት ከኣ ስጉምቲ ክውሰድ ናብ ሕቡራት ሃገራት ጸብጻብ ከቅርባን'የን።

ይኹን'ምበር ብስም ሕጊ ሸሪዓ ናይ ሃይማኖት ምስልምና፣ ፖለቲካዊ፣ ማሕበራዊን ውልቃዊን መሰላት ደቂንስትዮ ብምግሃስ ምስ ቀዳማት ሃገራት እትስራዕ ስዑዲ ዓረብ፣ ነቲ ንመሰል ደቂንስትዮ ዝጣበቕ ኮሚሽን ሕቡራት ሃገራት ክምትመርሕ ምምዛዛ፣ ንሓያሎ ትካላት ተጣበቕቲ ሰብኣዊ መሰላት ኣቖጢዑ ኣሎ።

Read more...

ኣመሪካ፣ ናብ ሶማል ወትሃደራት ክትልእኽ'ያ

Radio Erena: 26 April 2017

US General

ኣመሪካ፣ ኣብ ምስልጣን ሰራዊት መንግስቲ ሶማል ዝነጥፉ ኣስታት 40 ወትሃደራት ክትልእኽ ምዃና ንኣዛዚ እዚ ሰራዊት ኣመሪካ ኣብ ኣፍሪቃ ጀነራል ቶማስ ዋልደሁሰር ብምጥቃስ ማዕከን ዜና ሸበለ ሓቢሩ።

ጀነራል ዋልደሁሰር፣ ኣብ ጀርመን ከተማ ስቱትጋርት ካብ ዝርከብ ቤት ጽሕፈቱ ምስ ሕብረት ኣፍሪቃ ድሕሪ ዘካየዶ ናይ ቴሌፎን ኮንፈረንስ'ዩ፣ ኣመሪካ ወትሃደራት ንምልኣኽ ድልውቲ ምህላዋ ዘፍለጠ።

ኣዛዚ እዚ ሰራዊት ኣመሪካ ኣብ ኣፍሪቃ፣ ምልእኽ ወትሃደራት ኣመሪካ ናብ ሶማል መቀጸልታ ናይቲ ኣቐዲሙ ክስርሓሉ ዝጸንሐ ንቡር ምውፋር ምዃኑ ብምምልካት፣ ዝተቐየረ ስትራቴጂ ከምዘየለ ኣረዲኡ።

Read more...

ኡጋንዳ፣ ናብ ደቡብ ሱዳን ዘእቱ መንገዲ ጸጥትኡ ክሕሎ ብምጥላብ መራሕቲ ዓበይቲ መካይን ኣድማ ኣካይዶም

Radio Erena: 26 April 2017

Uganda tru

መራሕቲ ናይተን ካብ ኡጋንዳን ናብ ደቡብ ሱዳን ዝንቀሳቐሳ ዓበይቲ ናይ ጽዕነት መካይን፣ ኣብ ዶብ ደቡብ ሱዳን ዝርአ ዘሎ ስርቂ፣ ዘረፋን ምክልባትን መፍትሒ ክግበረሉ ብምጽዋዕ ኣድማ ከምዘካየዱ ማዕከን ዜና ዘ ኦብዘርቨር ካብ ካምፓላ ሓቢራ።

እቶም ንኣስታት ሓደ ሰሙን ኣድማ ዘካየዱ መራሒ ዓበይቲ መካይን፣ ናብ ደቡብ ሱዳን ክኣትዉ እንተኾይኖም መንግስቲ እታ ሃገር፣ ኣብቲ ምስ ኡጋንዳ ዘራኽብ መስመራት ጸጥታ ከውሕስን ጸዊዖም።

ኣዛዚ ጸጥታን ሓይልሊ ፖሊስን ደቡብ ሱዳን ሌተናትን ጀነራል ማጆክ ኣከክ ማሎክ ዝመርሖ ልኡኽ መንግስቲ ደቡብ ሱዳን ንመንግስቲ ኡጋንዳ ምስ ዝወከሉ ኣዘዝቲ ሰራዊትን ፖሊስን ኣብ ዶብ ኣብ እትርከብ ከተማ ኒሙለ ብዓርቢ 21 ሚያዝያ ብምርካብ፣ ነቲ ብመራሕቲ መካይን ዝቐረበ ጠለብ ከማልኡ ተሰማሚዖም።

Read more...

ኣብዛ ዝሓለፈት ወርሒ፣ 3494 ኤርትራውያን ናብ ኢትዮጵያ ብምስጋር ዑቕባ ሓቲቶም

Radio Erena: 25 April 2017

UNHCR

ዋሕዚ ኤርትራውያን ናብ ስደት ብዝልዓለ ናህሩ ኣብ ዝቕጽለሉ ዘሎ እዋን፣ ኣብዛ ዝሓለፈት ወርሒ መጋቢት ጥራይ 3494 ኤርትራውያን ስደተኛታት ኣብ ኢትዮጵያ ዑቕባ ከምዝሓተቱ ኣብታ ሃገር ዝርከብ ወኪል ላዕለዋይ ኮሚሽን ስደተኛታት ሕቡራት ሃገራት (UNHCR) ኣፍሊጡ።

እቲ ኮሚሽን ብመንገዲ ትዊተር ኣብ ዘማሓላለፎ ሓበሬታ፣ ዋሕዚ ኤርትራውያን ናብ ኢትዮጵያ ይቕጽል ከምዘሎ ብምምልካት'ዩ ብዝሒ ናይቶም ኣብ ዝሓለፈር ወርሒ ናብ ሃገር ዝኣተዉ ኤርትራውያን ዘነጸረ።

እንተኾነ ክንደይ ካብኣቶም ሲቪል ክንደይ ከኣ ኣባላት ሰራዊት ምንባሮም እቲ ጸብጻብ ኣይሓበረን።

Read more...




Powered by Joomla!®. Designed by: free hosting no ads resell dot me domains Valid XHTML and CSS.