c


Erena on Facebook

SFbBox by web design dubai

ዜና ኤርትራ

ግብጺ፣ ሆሳእና ዘብዕሉ ኣብ ልዕሊ ዝነበሩ ኣመንቲ ኦርቶዶክስ ክርስትያን ዝተፈጸመ ሽበራዊ መጥቃዕታት 43 ሰባት ቀቲሉ

Radio Erena: 10 April 2017

Hosana

ኣብ ግብጺ፣ ከተማ ታንታ፣ ኣብ ልዕሊ ቤተክርስትያን ኣመንቲ ኦርቶዶክስ ብሰንበት 9 ሚያዝያ ዝተፈጸመ ሽበራዊ መጥቃዕቲ ብውሕዱ 27 ሰባት ክቕተሉ እንከለዉ 41 ከኣ ቆሲሎም።

ድሕሪ ክልተ ሰዓታት'ውን ኣብ ከተማ እስክንድርያ ኣብ እትርከብ ኦርቶዶክስ ቤተክርስትያን ብዝተፈጸመ ተመሳሳሊ መጥቃዕቲ 16 ሰባት ክቕተሉ እንከለዉ ሓያሎ ከኣ ከምዝቖሰሉ ማዕከናት ዜና ካብታ ከተማ ሓቢረን።

ኣረሜናዊ ጉጅለ ዳዒሽ፣ ነቲ ኣብ ሆሳእና ኣብ ልዕሊ ዘብዕሉ ዝነበሩ ኣመንቲ ኦርቶዶክስ ክርስትያን ዝተኻየደ ሽበራዊ መጥቃዕቲ ከምዝፈጸሞ ገሊጹ።

Read more...

ሱዳን፣ ዜጋታት ግብጺ ቪዛ ክሓቱ ዝእዝዝ ሓድሽ መምርሒ ኣመሓላሊፉ

Radio Erena: 10 April 2017

F sudan

መንግስቲ ሱዳን ናብ ሃገሩ ዝኣትዉ ዜጋታት ግብጺ ቪዛ ክሓቱ ዝእዝዝ ሓድሽ መምርሒ ኣመሓላሊፉ።

እዚ መንግስቲ ሱዳን ኣውጺእዎ ዘሎ ናብ ዜጋታት ግብጺ ዘተኮረ ሓድሽ ናይ ቪዛ መስርሕ፣ ንኹሎም እቶም ናብታ ሃገር ብስራሕ ይኹን ብዑደት ዝኣትዉ ካብ 18 ክሳብ 49 ዓመት ዝዕድሚኦም ዝጸሉ'ዩ።

ኣምባሳደር ሱዳን ኣብ ግብጺ ዓብደልማሕመድ ዓብደልሓሊም ብዛዕባ እዚ ካብ 3 ሚያዝያ ኣትሒዙ ኣብ ግብሪ ውዒሉ ሓድሽ ሕጊ ኣመልኪቱ ንጋዜጣ ኣልኣሕራም ናይ ግብጺ ኣብ ዝሃቦ መረዳእታ፣ መንግስቲ ሱዳን ንኩነታት መስርሕ መገሻ ዳግመ ክለሳ ድሕሪ ምግባር ዝኣወጆ ምዃኑ ኣረጋጊጹ ኣሎ።

Read more...

ግብጺ ካብ ፈረንሳ ዝሸመተተን ነፈርቲ ኵናት ተእቱ

Radio Erena: 07 April 2017

Rafal

ግብጺ፣ ገለ ክፋል ናይተን ካብ ፈረንሳ ዝሸመተተን 24 ነፈርቲ ኵናት ናብ ሃገር ከምዝኣተዋ ኣፍሊጣ።

ሚኒስትሪ ምክልኻል ግብጺ ብዘውጽኦ መግለጺ መሰረት፣ ካብተን ካብ ፈረንሳ ዝተሸመታ ራፋል ዝዓይነተን 24 ነፈርቲ ውግእ፣ እተን ሽዱሽተ ኣቐዲመን ክኣትዋ እንከለዋ እተን ሰለስተ ከኣ ኣብዚ ሳልስቲ'ዚ ስዒበን።

ግብጺ፣ 5.6 ቢልዮን ዶላር ዝዋግአን ዝተራቐቓ ነፈርቲ ውግእ ካብ ፈረንሳ ንምሽማት ኣብ መፋርቕ 2015 ስምምዕ ከምዝኸተመት ይዝከር።

ብዘይካ'ዚ፣ ፈረንሳ ናብ ሩስያ ክትሸጣ ዝሰርሓታ ናይ ኵናት መርከብ ፣ ሕብረት ኤውሮጳ ኣብ ልዕሊ ሩስያ ድሕሪ ዘንበሮ እገዳ ግብጺ ክትሽምታ ከምዝወሰነት ኣይርሳዕን።

Read more...

ኣሚር ቀጠር ኣብ ኢትዮጵያ ወግዓዊ ናይ ስራሕ ምብጻሕ ክፍጽም'ዩ

Radio Erena: 10 April 2017

Amir Qatar

ኣሚር ቀጠር ታሚም ቢን ሓማድ ኣል ታኒ ኣብ ኢትዮጵያ ወግዓዊ ናይ ስራሕ ምብጻሕ ክፍጽም'ዩ።

እቲ ኣሚር ናይ ክልተ መዓልታት ወግዓዊ ናይ ስራሕ ንምብጻሕ 10 ሚያዝና ናብ ኣዲስ ኣበባ ድሕሪ ምእታዉ፣ ምስ ቀዳማይ ሚኒስተር እታ ሃገር ኣቶ ሃይለመርያም ደሳለኝን ካልኦት ሰበ ስልጣን እታ ሃገርን ብምርኻብ ኣብ ህሉው ኩነታት እቲ ዞባ ብፍላይ ድማ ምስ ኣብ መንጎ ኢትዮጵያን ግብጽን ብዛዕባ ዘሎ ኩነታት ክዝቲ ምዃኑ ዝተፈላለያ ማዕከናት ዜና ዓረብ ይገልጻ።

ብዘይካ'ዚ'ውን ክልቲኦም መራሕቲ ኣብ መንጎ ኢትዮጵያን ቀጠርን ብዛዕባ ክህሉ ዝኽእል ናይ ወፍርንን ንግድን ርክባት ክመያየጡ'ዮም።

Read more...

ኣብ ሶማል ከተማ ሞቛድሾ ብዝተፈጸመ ሽበራዊ መጥቃዕቲ ብውሕዱ 7 ሰባት ተቐቲሎም

Radio Erena: 07 April 2017

Moga att

ኣብ ሶማል ከተማ ሞቛድሾ፣ ኣብ ዝርከብ ቤት ቁርሲ ብዝተፈጸመ መጥቃዕቲ ብውሕዱ ሸውዓተ ሰባት ከምዝተቐትሉ ሰበ ስልጣን ፈደራላዊ መንግስቲ እታ ሃገር ኣረጋጊጾም።

እቲ ነታጕ ብምጽዋድ ዝተፈጸመ መጥቃዕቲ፣ ኣብ ጎኒ'ቲ ቤት ቁርሲ ዝርከብ ቤት ጽሕፈት ጸጥታ መንእሰያት ዒላማ ዝገበረ ክኸውን ከምዝኽእል ተሓቢሩ።

ኣብዘን ዝሓለፋ ሒደት ሳምንታት ኣብታ ከተማ ሽበራዊ መጥቃዕቲ ክካየድ እዚ ንራብዓይ ግዜኡ'ዩ።

ናይቲ ብ 5 ሚያዝያ ዝተፈጸመ መጥቃዕቲ፣ ሓላፍነት ዝወሰደ ኣካል እኳ እንተዘየለ ኣልሸባብ ተሓታቲ ክኸውን ከምዝኽእል ግምታት ኣሎ።

Read more...




Powered by Joomla!®. Designed by: free hosting no ads resell dot me domains Valid XHTML and CSS.