c


Erena on Facebook

SFbBox by web design dubai

ቅልውላው ዚምባብወ ብረቡዕ’ውን ቀጺሉ ውዒሉ

zimba proኣብ ዚምባብወ ንፕረዚደንት ሙጋበ ዝቃወም ሰላማዊ ሰልፊ ኣብ ዝቕጽለሉ ዘሎ እዋን፣ ዝሓለፈ ረቡዕ ሓያሎ ትካላት ንግዲ ከምዝዓነዉ ካብታ ሃገር ዝተመሓላለፈ ዜና ኣመልኪቱ።
በርጌሳውያን ማሕበራት ዚምባብወ፣ ንከተማ ሃራረ ናይ ምጽማው ኣድማ ንምክያድ ኣብ ዘቕረቡዎ ጻውዒት፣ ወነንቲ ትካላት ንቡር ስርሖም ብምቕጻል ነቲ ጻውዒት ብዘይምቕባሎም ዝተቖጥዑ ሰልፈኛታት፣ ትካላቶምን ንብረቶምን ከዕንዉ ከምዝጀመሩ ተሓቢሩ።


ኣብ ዚምባብወ ዘሎ ኩሉ መዳያዊ ቅልውላው መንግስቲ’ታ ሃገር ጥራይ ዘይኮነ ዝሕተተሉ፣ እቲ ሓያል ጥርናፈን ድልዱል መሪሕ ሕንጻጻትን ዘይብሉ ተቓዋሚ ሓይሊ’ውን ብሰንኪ ዘይጽፉፍ ኣወዳድባኡ ኣብ ህዝብን ቁጠባን’ታ ሃገር ዕንወት ካብ ምኽታል ኣየዕረፈን ክብሉ ተንተንቲ ፖለቲካ’ቲ ከባቢ የመልክቱ።
ሕብረት ኤውሮጳ፣ ኣብዚ እዋን ዘይምርግጋእ ኩሎም ወገናት ንድሕነት ህዝቢ ሓልዮም ኣብ ዘተ ሰላም ክኣትዉን፣ ሰላማውን ደሞክራስያውን ስርዓተ ሕጊ ዝኽተል መንግስቲ ኣብ ምቛም ክተሓባበሩን ጸዊዑ።
መንግስቲ ዚምባብወ ንጻውዒት ሰላም ሕብረት ኤውሮጳ ብምንጻግ፣ እቲ ኣብ ከተማ ሃራረ ዝረአ ዘሎ ናዕቢ፣ ኣብታ ሃገር ብዝርከባ ኤምባሲታት ዝጎሃሃር ዘሎ’ዩ ክብል፣ ንወጻእተኛታት ይኸስስ።
80 ሚእታዊት ካብ ህዝባ ብሽቕለተ ኣልቦነት እትሳቐ ዚምባብወ፣ ንሰራሕተኛታት መንግስቲ’ውን ደሞዝ ናይ ምኽፋል ዓቕሚ ኣብ ዘይትውንነሉ እዋን እያ በጺሓ እትርከብ።

Share this post

Submit to FacebookSubmit to Google PlusSubmit to TwitterSubmit to LinkedIn



Powered by Joomla!®. Designed by: free hosting no ads resell dot me domains Valid XHTML and CSS.