c


ኣህጉራዊ ዜና

‘’ሓለዋ ከተማ ጁባ ክቕጽል’ዩ’’ ኣዘዝቲ ሰራዊት ደቡብ ሱዳን

Radio Erena: 30 April 2017

Jubaቅልውላው ደቡብ ሱዳን ኣብ ዝቕጽለሉ ዘሎ እዋን፣ ዕልዋ መንግስቲ ክካየድ’ዩ ተባሂሉ ንተላበዐ ወረ ክሳብ ዝጻረይ፣ ሰራዊት መንግስቲ ንጎደናታት ከተማ ጁባ ዝገብሮ ዘሎ ከቢድ ሓለዋ ክቕጽል ምዃኑ ኣዘዝቲ ሰራዊት’ታ ሃገር ገሊጾም።

ላዕለዋይ ቤት ጽሕፈት ሰራዊት ደቡብ ሱዳን ብዓርቢ 28 ሚያዝያ ኣብ ዘውጸኦ መግለጺ፣ እቲ ብኣዘዝቲ ሰራዊት ዕልዋ መንግስቲ ክካየድ’ዩ ዝተባህለ ወረ ሓቅነት ከምዘይብሉ ኣረጋጊጹ።

ኣብ መንጎ ሰራዊት መንግስቲ ሳልቫ ኪርን ተቓወምቱን ከቢድ ወጥሪ ሰፊኑ ዳግማይ ምፍሕፋሕ ኲናት ኣብ ዝረኣየሉ ዘሎ ኩነታት፣ ቀንዲ ጎደናታት ከተማ ጁባ፣ ብሰራዊት መንግስትን ዕጡቓት ሓይልታት ጸጥታን ከቢድ ሓለዋ’ዩ ክካየድ ቀንዩ።

Read more...

ስዑዲ ዓረብን ዓለማዊ ውድብ መግብን፣ ኣብ ኢትዮጵያ ብደርቂ ተጠቒዑ ንዘሎ ህዝቢ ዝውዕል ናይ መግቢ ረዲኤት ለጊሶም

Radio Erena: 16 April 2017

ደርቂ ኢትዮጵያስዑዲ ዓረብን ዓለማዊ ውድብ መግብን፣ ኣብ ኢትዮጵያ ብደርቂ ተጠቒዑ ንዘሎ ህዝቢ ዝውዕል ናይ መግቢ ረዲኤት ከምዝለገሱ ሺን ሁዋ ካብ ኣዲስ ኣበባ ሓቢሩ።

ኣብቲ ብዓርቢ ዕለት 14 ሚያዝያ ዝተኻየደ ናይ ምርኽኻብ ስነስርዓት ወኪል ዳብልዩ.ኤፍ.ፒ. ኣብ ዝሃቦ ቃል፣ እቲ ናይ መግቢ ረዲኤት ኣብ እዋኑ ዝተለገሰ ብምዃኑ ናይ ኣሽሓት ህይወት ከምዘድሓነ ኣፍሊጡ።

እቲ ብትካል ሰብኣዊ ረዲኤት ንጉስ ሳልማን ዝተለገሰ ናይ መግቢ ረዲኤት ንልዕሊ 127,600 ብደርቂ ንዝተጠቕዑ ሰባት ክሕግዝ ትጽቢት ይግበረሉ።

Read more...

ፖሊስ ሃገራት ምብራቕ ኣፍሪቃ፣ ብመርበባት ሓበሬታ ዝካየዱ ገበናት ንምቁጽጻር ዘኽእሎ ወፍሪ ከካይ’ዩ

kigaliሓይሊ ፖሊስ ሃገራት ምብራቕ ኣፍሪቃ፣ ብመርበባት ሓበሬታ ዝካየዱ ገበናት ንምቁጽጻር ዘኽእሎም ናይ ሓባር ወፍሪ ከካዪዱ ተሰማሚዖም።
መበል 18 ዋዕላ ኣባል ሃገራት ንምቁጽጻር ገበናት ሳይበር፣ ኣብ ከተማ ኪጋሊ ኣብ ዝተኻየደሉ፣ ላዕለዎት ኣዘዝቲ ፖሊስ 13 ኣባል ሃገራት ከምኡ’ውን ወከልቲ 30 ሃገራት ከምዝተሳተፉ ሺን ሁዋ ካብታ ከተማ ኣብ ዘመሓላለፎ ዜና ሓቢሩ።

Read more...

ሕ.ኣ. ኣብ ኢትዮጵያ ኣጋጢሙ ዘሎ ኩነታት ብቐረባ ክከታተሎ ከምዝጸንሐ ገሊጹ

dr zumaሕብረት ኣፍሪቃ ኣብ ኢትዮጵያ ኣጋጢሙ ዘሎ ኩነታት ብቐረባ ክከታተሎ ከምዝጸንሐ ኣደ ወንበር’ቲ ሕብረት ዶክተር ንኮሳዛና ዙማ ገሊጻ።
ብዕለት ሓደ መስከረም ዝወጸ መግለጺ ሕብረት ኣፍሪቃ ከምዘመልክቶ፣ ማሕበረ ፖለቲካዊ ኩነታት ኢትዮጵያ ሞት ሓያሎ ሰላማውያን ሰባት፣ ምምዝባል ህዝባዊን ውልቃዊን ትካላት ንግዲ፣ ምቁራጽ ኣገልግሎታት ቴሌፎን ከምዘስዓበ ድሕሪ ምግላጽ፣ ንስድራቤት ግዳያት ናይ ጽንዓት ይሃብኩም መልእኽቲ ኣመሓላሊፉ።

Read more...

ፕ.ሙጋቤ ብጽኑዕ ሓሚሙ፣ ተባሂሉ ዝተዘርገሐ ዜና ሓሶት ምዃኑ ተገሊጹ

mugabeፕረዚደንት ዚምባብወ ሮበርት ሙጋቤ ብጽኑዕ ሓሚሙ ኣብ ዱባይ ሕክምናዊ ረዲኤት ይግበረሉ’ሎ ተባሂሉ ዝተዘርገሐ ዜና ሓሶት ምዃኑ፣ እቲ ፕረዚደንት ናብ ሃገሩ ኣብ ዝተመልሰሉ እዋን ገሊጹ።
ሙጋቤ ኣብ ስዋዚላንድ ኣብ ኮንፈረንስ እንከሎ ሃንደበት ናብታ ብተደጋጋሚ ሕክምና ዝገብረላ ሲንጋፖር ጉዕዞኡ ድሕሪ ምጅማር ካብ ወሽመጥ ፐርሺያ ብምምላስ ናብ ሕቡራት ኢማራት ዓረብ እዩ ኣዕሪፉ።

Read more...




Powered by Joomla!®. Designed by: free hosting no ads resell dot me domains Valid XHTML and CSS.