Welcome to the Frontpage
ፕ.ኢሳይያስን ኣሚር ቐጠርን ርክብ ኣካዪዶም
ፕረዚደንት ኢሳይያስ ኣፈወርቂ ምስ ኣሚር ቐጠር ሓማድ ቢን ከሊፋ ኣልታኒ ኣብ ዶሓ ተራኺቡ ተዘራሪቡ።
ካብ ቀንዲ መወልቲ መንግስቲ ኤርትራ ዝኾነት ቐጠር፣ ብጉዳይ እቲ ገና ማዕልቦ ዘይረኸበ ምስሕሓብ ኤርትራን ጅቡትን፣ ጉዳይ ክራይ ወደብ ዓሰብ ከምኡ’ውን ጉዳይ ሶማልን ሱዳንን ብዝምልከት ምስ ፕረዚደንት ኢሳይያስ ቀጻሊ ዝርርባት ከምእተካይድ ይፍለጥ።
ጸገም ኣገልግሎት ኤሌክትሪክ ገና ይቕጽል
ካብ ግዜ ናብ ግዜ እናተዳኸመ ዝመጽእ ዘሎ ኣገልግሎት ኤሌክትሪሲቲ፣ ንሆስፒታላት ብኸቢድ ይጸልወን ምህላዉ ምንጭታትና ካብ ኣስመራ ሓቢሮም።
ኣንጻር ማዕከናት ዜና ሽወደን ዝቐንዐ ሰለማዊ ሰልፊ ተኻዪዱ
ኣብ ሽወደን ዝርከቡ ኤርትራውያን ደገፍቲ መንግስቲ ኤርትራ፣ ብ22 መጋቢት ነቲ ኣብ ሰለስተ ማእከላት ዘጋጠመ ባርዕ ንምኹናንን ኣንጻር ማዕከናት ዜና ሽወደን ዝቐንዐን ኣብ ስቶኮልም ኣብ ዘካይድዎ ንዝነበሩ ሰለማዊ ሰልፊ ንምዕዛብ፣ ኣብቲ ከባቢ ንዝተረኽበ ኢትዮጵያዊ ስደተኛ ሃሪሞም ማህሰይቲ ከምዘውረድሉ ወከልቲ ሬድዮ ኤረና ሓቢሮም።
ኤርትራ ዝተሓተ ሰብኣዊ ምዕባለ ዘለዋ ሃገር'ያ ተባሂሉ
ኤርትራ ዝተሓተ ሰብኣዊ ምዕባለ እተመዝግብ ዘላ ሃገር ምዃና ፕሮግራም ምዕባለ ውድብ ሕቡራት ሃገራት ኣብ ዝዘርግሖ ሓድሽ ጸብጻብ ኣፍሊጡ።
መንግስቲ ኤርትራ ካብ ሕ.ኤ. ሓገዝ ሓቲቱ
መንግስቲ ኤርትራ ካብ ሕብረት ኤውሮጳ ተወሳኺ ሓገዝ ንምርካብ ኣብ ኣስመራ ምስ ዝርከብ ወኪል እቲ ሕብረት ጽዑቕ ርክባት የካይድ ምህላዉ ምንጭታት ሬድዮ ኤረና ሓቢሮም።
ሕብረት ኤውሮጳ ነቲ ካብ 2009 ክሳብ 2013 ንኣርባዕተ ዓመታት ዝጸንሐ ኣብ ውሕስነት መግብን ልምዓትን ዘተኮረ ናይ 122 ሚልዮን ዩሮ ፕሮጀክታት ከምዝመወለ ይፍለጥ።
More Articles...
መዓልታዊ መደባት
