c


ዜና ኤርትራ

ኣደ ሰለስተ ቆልዑ ዝኾነ ኣማኒት ጴንጠ ቆስጣል ክርስትና፣ ኣብ ቤት ማእሰርቲ መትከል ኣብዮት ሞይታ

Radio Erena: 14 August 2017

Kebabi Gahtelay

ፍቓዱ ደበሳይ ዝተባህለት ኣደ ሰለስተ ቆልዑ ዝኾነ ኣማኒት ጴንጠ ቆስጣል ክርስትና፣ ዝሓለፈ ሰሙን ኣብ ቤት ማእሰርቲ መትከል ኣብዮት ከም ዝሞተት ተሓቢሩ።

ክርስትያን ሶሊዳሪቲ ዎርልድ ዋይድ ዝተባህለ ኣህጉራዊ ትካል ኣብ ዝዘርግሖ ሓበሬታ፣ ኣብ ወርሒ ግንቦት ናይዚ ዓመት'ዚ፣ መንግስቲ ኤርትራ ኣብ ዓዲ ዃላ፣ ኣብ ናይ ገዛ ጸሎት ኣብ ልዕሊ ዝነበሩ ኣመንቲ ጴንጠ ቆስጣል ክርስትና ድሕሪ ዘካየዶ ናይ ምህዳን ዘመተ'ያ ፍቓዱ ደበሳይን በዓል ቤታን ዝርከቦም ሓያሎ ሰባት ተኣሲሮም።

እዛ ኣደ ሰለስተ ቆልዑ ምዃና ዝተሓበረተ ፍቓዱ፣ ኣብ መንጎ ጋሕተላይን ሽዕብን ኣብ ዝርከብ ኣጻምእ መትከል ኣብዮት ነዚ ዝሓለፈ ዝሓለፈ ሰለስተ ኣዋርሕ ተኣሲራ ድሕሪ ምጽናሕ'ያ ዝሓለፈ ሰሙን ዓሪፋ።

Read more...

ኣብ ኤርትራ ዝሃርም ዘሎ ዝናብ ተስፋ ይህብ

Radio Erena: 14 August 2017

Rain Asmara

ብዋሕዲ ማይ ብኸቢድ ክሳቐ ዝጸንሐ ሰፊሕ ከባቢታት ኤርትራ፣ ኣብዚ እዋን'ዚ ብዝዘንብ ዘሎ ጥሉል ክራማት ተስፋ ጌሩ ከምዘሎ ምንጭታት ሬድዮ ኤረና ሓቢሮም።

ኣብዚ እዋን'ዚ ሰፊሕ ዝርግሐ ዘለዎን ነዊሕ ሰዓታት ዝጸንሕን ዝናብ ከምዘሎ ዝሓበሩ እቶም ምንጭታት፣ ደርቂ ከየጋጥሞም ሰጊኦም ዝጸንሑ ሓረስቶት ተስፋ ክገብሩ እንከለዉ፣ ፊስቶታቱ ኣብ ደገ ሰሪዑ ዝውዕልን ዝሓድርን ዝነበረ ህዝቢ ሓያሎ ከባቢታት ኣስመራ ከኣ ግዝያዊ ሩፍታ ረኺቡ ከምዘሎ ኣበሲሮም።

ብኸቢድ መነባብሮ ተዋህስዩን ብህሉው ናይ ምልኪን ፖለቲካዊ ምረትን ኣብ ከቢድ ሻቖሎትን መዋጥርን ወዲቑን ዝርከብ ህዝቢ ኤርትራ፣ ብተፈጥሮኣዊ ከቢድ ደርቂ ድማ ከይጥቓዕ ካብ ምስጋእ በብእምነቱ ጸሎትን ምህለላን ከዕርግ ይርአ ከምዘሎ'ውን እቶም ምንጭታት ብተወሳኺ ጠቒሶም።

Read more...

ሱዳን፣ ናብ ሊብያ ክሰግሩ ዝሓዘቶም ኣስታት 40 ኤርትራውያን ናብ ዓዶም ንምጥራዞም ትዳሎ

Radio Erena: 11 August 2017

deport

ሓይልታት ጸጥታ ሱዳን ናብ ሊብያ ክሰግሩ ዝሓዝዎም 40 ኤርትራውያን ናብ ኤርትራ ክጥርዝዎም ምድላዋት የካይዱ ኣለዉ።

እቶም ሓይልታት ጸጥታ ኣብ ዝሓለፈ ወርሒ፣ ብድምር 105 ሰባት ኣብ መኪና ተጻዒኖም ዶብ ሊብያ ክሰግሩ እኳ እንተሓዝዎም ኣብ ክልተ መቒሎም፣ ነቶም 40 ኣብ ካርቱም፣ ዓረቢ ናብ ዝርከብ ቤት ማእሰርቲ ክወስድዎም እንከለዉ፣ ሓንቲ ነፍሰጾር እትርከቦም 65 ግና ናበይ ከምዘእተውዎም ብንጹር ክፍለጥ ኣይከኣለን።

እንተኾነ፣ ሱዳናውያን ሓይልታት ጸጥታ ናብ ሊብያውያን ኣሰጋገርቲ ደቂሰብ ሸይጦሞም ክኾኑ ይኽእሉ ዝብል ግምታት ኣሎ።

Read more...

መንግስቲ ኢትዮጵያ፣ ብሰንኪ ግጭት ዝተዓጽወ መንገዲ የለን ይብል

Radio Erena: 14 August 2017

Negeri Lencho

መንግስቲ ኢትዮጵያ፣ ነቲ ዝሓለፈ ሰሙን ኤምባሲ ኣመሪካ ካብ ኣዲስ ኣበባ ዝሃቦ፣ ናብ ጂጂጋ ኣብ ዝወስድ መንገዲ ግጭት ይካየድ ኣሎ ዝብል መግለጺ፣ ሓቕነት የብሉን ክብል መሊሱ።

ኣፈኛ መንግስቲ ኢትዮጵያ ነገሪ ለንጮ ኣብ ዝሃቦ መግለጺ፣ ኣብ ኢትዮጵያ ዝካየድ ግጭት ይኹን ዝተዓጽወ መንገዲ የለን ክብል መሊሱ።

ኤምባሲ ኣመሪካ ኣብ ኢትዮጵያ፣ ብሓሙስ 10 ነሓሰ ኣብ ዘውጽኦ ናይ መገሻ መጠንቐቕታ፣ ንኣዲስ ኣበባን ጂጂጋን ኣብ ዘራኽብ መንገዲ ኣብ መንጎ ዝርከባ ዓድታት ብዝካየድ ዘሎ ሓያል ግጭት፣ እቲ መንገዲ ተዓጽዩ ከምዘሎ'ዩ ሓቢሩ።

Read more...

ፖሊስ ኢጣልያ፣ ስደተኛታት ብምሕጋዝ ንዝተፈልጠ ኤርትራዊ ኣባ ሙሴ ዘርኣይ ብዘይሕጋዊ ምስግጋር ስደተኛታት ይምርምር

Radio Erena: 10 August 2017

Aba Musie

ፖሊስ ኢጣልያ፣ ስደተኛታት ብምሕጋዝ ንዝተፈልጠ ኤርትራዊ ቀሺ ሙሴ ዘርኣይ ብዘይሕጋዊ ምስግጋር ስደተኛታት ይምርምሮ ከምዘሎ ማዕከናት ዜና ካብታ ሃገር ሓቢረን።

ኣብ ባሕሪ ሓደጋ ንዘጋጠሞም ይኹን ኣብ ካልእ ከበድቲ ጸገማት ንዝወደቑ ስደተኛታት ብምሕጋዝ ግኑን ስም ዘለዎ ኣባ ሙሴ ዘርኣይ፣ ህይወት ኣማኢት ስደተኛታት ንምድሓን ብዝገበሮ ጻዕሪ ኣብ 2015 ንስልማት ኖቤል ተሓጽዩ ምንባሩ ኣይርሳዕን።

Read more...




Powered by Joomla!®. Designed by: free hosting no ads resell dot me domains Valid XHTML and CSS.