c


ዜና ኤርትራ

ኢትዮጵያ፣ ምስ ናዕቢ ብዝተኣሳሰር ተታሒዞም ዝጸንሑ ልዕሊ ሓደ ሽሕ መንእሰያት ተፈቲሖም

Radio Erena: 19 October 2018

Addis Abeba youth in orison

ኣብ ኢትዮጵያ፣ ከተማ ኣዲስ ኣበባ፣ ጸጸኒሑ ኣብ ዝርአ ናዕብን ዕግርግርን ተሳቲፎም ዝተባህሉ ልዕሊ ሓደ ሽሕ መንእሰያት፣ ንኣስታት ኣርባዕተ ኣዋርሕ ተኣስሮም ድሕሪ ምጽናሕ፣ ብ18 ጥቅምቲ ከምዝተፈትሑ ማዕከናት ዜና እታ ሃገር ሓቢረን።

እቶም መንእሰያት፣ ኣብ ጦላይ ዝተባህለ መዓስከር፣ ኣብ ስርዓተ ሕግን ቅዋምን ኣስተምህሮን ስልጠናን ድሕሪ ምውሳድ ከምዝተፋነዉ'ዩ ተገሊጹ።

ቀ/ሚ ኣብይ ኣሕመድ ኣብ ስልጣን ካብ ዝመጽእ፣ ኣብዘን ሽዱሽተ ኣዋርሕ ጥራይ፣ ኣብ ዝተፈላለየ ከባቢታት እታ ሃገር ተደጋጋሚ እዋን ጎነጽ ናዕብን ክርአ ከምዝጸንሐ ዝፍለጥ ኮይኑ፣ ኣብ ኣዲስ ኣበባ ጥራይ ልዕሊ 3 ሽሕ መንእሰያት፣ ካብ ጎደናታት ተገፊፎም ከምዝተኣስሩ ጸብጻባት ክጠቕሱ ጸኒሖም።

Read more...

ቱርኪ ኣብ ጅቡቲ ዲጋ ትሃንጽ

Radio Erena: 19 October 2018

Djibouti Turkey Dam

መንግስቲ ቱርኪ፣ ንጅቡቲ ብሓገዝ ዲጋ ይሃንጸላ ከምዘሎ ኣፍሊጡ።

እቲ ፍርቂ ዕማሙ ተሳሊጡ ከምዘሎ ዝገለጾ ዲጋ፣ ብዘይካ'ቲ ኣብ ዝስተ ማይን ሕርሻን ዝህልዎ ኣገልግሎታት፣ ንከተማ ጅቡቲ ካብ ከንጸላልዋ ካብ ዝጸንሐ ናይ ወሓዚ ዕልቕልቕ'ውን ዘናግፍ'ዩ ክብል ኣገልግሎት ዜና እታ ሃገር ሓቢሩ።

ኣብ 2019 ክዛዘም ትጽቢት ዝግበረሉ ዲጋ 'ዓምቦሊ'፣ ንዝምድና ቱርኪን ጅቡቲን ናብ ዝልዓለ ጥርዙ ከደይቦ ዘለዎ እምነት ገሊጹ ሚኒስየር ሕርሻን ምግራብን ቱርኪ በኪር ፓክደሚርሊ።

Read more...

ሚኒስተራት ጉዳያት ወጻኢ ኤርትራን ኢትዮጵያን ናብ ሶማል በጺሖም

Radio Erena: 18 October 2018

FM eri_eth_somሚኒስተራት ጉዳያት ወጻኢ ኤርትራን ኢትዮጵያን ናብ ሶማል በጺሖም።

ኣቶ ዑስማን ሳልሕን ዶክተር ወርቅነህ ገበየሁን፣ ብሮቡዕ 17 ጥቅምቲ ናብ ከተማ ሞቛድሾ ኣብ ዝኣተውሉ፣ መዘንኦም ኣሕመድ ዒሰ ዓዋድ ተቐቢልዎም።

ሚኒስተራት ጉዳያት ወጻኢ ሰለስቲኤን ሃገራት፣ ርክብ ዘካይዱ ዘለዉ፣ ነቲ ክካየድ ዝውጠን ዘሎ ዋዕላ ሰላም መራሕቲ ሃገራት ቀርኒ ኣፍሪቃ ንምውህሃድ ምዃኑ ዲፕሎማስያውን ምንጭታት ይሕብሩ።

Read more...

ግብጽን ሩስያን ሓባራዊ ወትሃደራዊ ልምምድ ከካይዳ'የን

Radio Erena: 19 October 2018

Egypt Russia

ግብጽን ሩስያን ሓባራዊ ወትሃደራዊ ልምምድ ከካይዳ ምዃነን ተሓቢሩ።

እዚ ዝሕበር ዘሎ ፕረዚደንት ዓብደልፈታሕ ኣልሲሲ ኣብ ሩስያ ዘካየዶ ናይ ሰለስተ መዓልታት ዑደት ዛዚሙ ድሕሪ ምምላሱ'ዩ።

ፕረዚደንት ኣል ሲሲ ኣብቲ ምስ ፕረዚደንት ቭላድሚር ፑቲን ዘካየዶ ርክብ፣ ብዘይካ'ቲ ኣብ ምህናጽ መደበር ኑክሌሳዊ ጸዓት ዘተኮረ ስምምዕ፣ ኣብ ወትሃደራዊ መዳይ ንዝጸንሐ ምትሕግጋዝ'ውን ክቕጽል ኣብ ዝብል ነጥቢ ተረዳዲኡ።

Read more...

ብዘይሕጋዊ መንገዲ ናብ ኬንያ ኣትዮም ዝተባህሉ 109 ኤርትራውያን ተኸሲሶም

Radio Erena: 17 October 2018

Kenya Eritreans

መንግስቲ ኬንያ፣ ብዘይሕጋዊ መንገዲ ኣትዮም ንዝበሎም 109 ኤርትራውያን ኣብ ፍርዲ ከምዘቕረበ ኣገልግሎት ዜና እታ ሃገር ሓቢሩ።

እቶም ኤርትራውያን፣ ብሰኑይ 15 ጥቅምቲ፣ ኣብ ኢስዮሎ ኣብ ዝርከብ ፍርዲ ኣብ ዝቐረብሉ፣ ፖለቲካዊ ዑቕባ ንምሕታት ዝመጹ ምዃኖም ስለዝጠቐሱ፣ ጉዳዮም ብኮሚሽን ስደተኛታት እታ ሃገር ክርአ እቲ ቤት ፍርዲ ወሲኑ።

እቶም ካብ ኢትዮጵያ ከምዝተበገሱ ዝግመት፣ ኤርትራውያን ምዃኖም ዝጠቐሱ ቆልዑን ኣዴታትን ዝርከብዎም ሰባት፣ ናብ ከተማ ናይሮቢ እናምርሑ'ዮም ብ12 ጥቅምቲ ኣብ ከተማ ኢስዮሎ ብፒሊስ ተታሒዞም።

Read more...




Powered by Joomla!®. Designed by: free hosting no ads resell dot me domains Valid XHTML and CSS.