c


ዜና ኤርትራ

ኤርትራ፣ ንወፍሪ ምስ ዘይምችኣ ቀዳሞት ሓሙሽተ ሃገራት ኣፍሪቃ ተረቁሓ

Radio Erena: 20 April 2018

massawa

ኤርትራ፣ ንወፍሪ ምስ ዘይምችኣ ቀዳሞት ሓሙሽተ ሃገራት ኣፍሪቃ ከምእትስራዕ ሓድሽ መጽናዕቲ ገሊጹ።

ኳንተም ግሎባዊ ትካል መጽናዕቲ ኣብ ዘዳለዎ መሐበሪ ወፍሪ ሃገራት ኣፍሪቃ ናይ 2018፣ ንወፍሪ ዘይትምችእ ኣፍሪቃዊት ሃገር ኢሉ ኣብ ቅድሚት ዘቐመጣ ሃገር ሪፖብሊክ ማእከላይ ኣፍሪቃ ክትከውን እንከላ፣ ላይበርያ፣ ሶማል፣ ኤርትራን ኢኳቶርያል ጊኒን ከኣ ብቐደም ተኸተል ይስዕብኣ።

በንጻር እዚ ኣብዚ ዝሓለፈ ዓመት፣ ዝልዓለ ናይ ወፍሪ ምንቅስቓስ ዝተራእየለን ቀዳማት ሓሙሽተ ሃገራት፣ ሞሮኮ፣ ግብጺ፣ ኣልጀርያ፣ ቦትስዋናን ኣይቮሪኮስትን'የን።

ብመሰረት እቲ መጽናዕቲ፣ ኣብዚ ዓመት'ዚ ብወፍሪ ኣብ ኣፍሪቃ ቀዳማይ ቦታ ሒዛ ዘላ ሞሮኮ 2.6 ቢልዮን ዶላር ናይ ወጻኢ ወፍሪ ክካየደላ እንከሎ፣ ናይተን ቀዳሞት ሓሙሽተ ሃገራት ብድምር 12.8 ቢልዮን ዶላር ይበጽሕ።

Read more...

ኤርትራ፣ ኣብ ስነ ስርዓት ቀብሪ ሓጂ ሙሳ ዝተኣስሩ ትሕቲ ዕድመ ተፈቲሖም

Radio Erena: 18 April 2018

Haji Mussa

ኣብ እዋን ስነ ስርዓት ቀብሪ ሓጂ ሙሳ መሓመድኑር ዝተኣስሩ ትሕቶ ዕድመ፣ ዝሓለፈ ሰሙን ከምዝተፈትሑ ምንጭታት ሬድዮ ኤረና ሓቢሮም።

እቶም ኣብ ክሊ ዕድመ 12 ክሳብ 17 ዝርከቡ ትሕቶ ዕድመ፣ መብዛሕቶም ተማሃሮ ቤት ትምህርቲ ዲያእ ኣልእስላሚያ ኮይኖም፣ ኣብ እዋን ስነ ስርዓት ቀርብሪ ሓጂ ሙሳ፣ ብኣልማማ ዝተገፈፉ'ዮም።

እቶም ትሕቲ ዕድመ፣ ኣብቲ ብ3 መጋቢት ኣብ መቓብር ሸኽ ኣላሚን ዝተኻየደ ስነ ስርዓት ቀብሪ ሓጂ ሙሳ ድሕሪ ምስታፎም፣ ኣብ ዝፋነውሉ ዝነበሩ እዋን፣ ብጉዳይ መንቀሳቐሲ ወረቐት ተገፊፎም ከምዝተወስዱ ስድራቤታቶም ምሕባሮም ኣይርሳዕን።

Read more...

ባይቶ ፈረንሳ ኣብ ሓድሽ ሕጊ ስደተኛታት ዘትዩ

Radio Erena: 18 April 2018

French immigration law

ባይቶ ፈረንሳ፣ ብመንግስቲ ኣብ ዝቐረበ ሓድሽ ሕጊ ስደተኛታት ዘተዩ።

እቲ ባይቶ ብሰኑይ ኣብ ዘካየዶ ዓሙቕ ዘተ፣ መንግስቲ ፈረንሳ፣ ዋሕዚ ስደተኛታት ንምግታእ ዘርቀቖ ሓድሽ ሕጊ፣ ነጥቢ ብነጥቢ ድሕሪ ምዝታይ፣ ናብ ክትዕ ኣውሪድዎ።

ብመሰረት 'ቲ መንግስቲ ፈረንሳ ኣርቂቕዎ ዘሎ ሓድሽ ሕጊ፣ ሕቶ ፖለቲካዊ ዑቕባ ዘቕረቡ ስደተኛታት፣ ኣብ ውሽጢ ሰለስተ ኣዋራሕ መልሲ ክወሃቦም፣ እቶም ዝተንጽጉ ድማ ናብ ሃገሮም ክስጎጉ ዝብል ነጥቢ ይርከቦ።

ብዘይካ'ዚ፣ ካብ ፈረንሳ ክወጹ ዝተነግሮም 'ሞ ካብ ዝተፈቕደሎም ግዜ ንላዕሊ ኣብታ ሃገር ዝጸንሑ ስደተኛታት ብፖሊስ ተታሒዚም፣ ክሳብ ኣርባዕተ ኣዋርሕ ኣብ ግዝያዊ ቤት ማእሰርቲ ብምጽናሕ ብግዴታ ናብ ዓዶም ክጥረዙ ዝፈቕድ'ዩ።

Read more...

ስዑዲ ዓረብ፣ ሓያሎ ሃገራት ዝተሳተፍኦ ሓባራዊ ወትሃደራዊ ልምምድ ተዛዚሙ

Radio Erena: 18 April 2018

Gulf Shield

ኣብ ስዑዲ ዓረብ፣ ክካየድ ዝጸንሐ ሓያሎ ሃገራት ዝተሳተፍኦ ሓባራዊ ወትሃደራዊ ልምምድ ከምዝተዛዘመ እታ ሃገር ኣፍሊጣ።

እቲ ንኣስታት ሓደ ወርሒ ክካየድ ዝጸንሐ ሓባራዊ ወትሃደራዊ ልምምድ፣ ብኣጋጣሚ መበል 29 ስሩዕ ዋዕላ ማሕበር ሃገራት ዓረብ ኣብ ዝተዛዘመሉ፣ ንጉስ ሳልማንን ካልኦት መራሕቲ ሃገራት ዓረብን ተረኺቦም።

ኣብቲ “Gulf Shield -1" ዝተሰምየ ወትሃደራዊ ልምምድ፣ ኣመሪካ፣ ብሪጣንያ፣ ሱዳን፣ ማሊዥያ፣ ፓኪስታንን ሓያሎ ኣባላት ናይቲ ብስዑዲ ዓረብ ዝቖመ ልፍንቲ ዝርከብአን 24 ሃገራት ዝሓቖፈ ኮይኑ፣ ብነፈርቲ ኵናትን ከቢድ ብረትን ዝተሰነየ ልዕሊ 10 ሽሕ ሰራዊት ተሳቲፉ።

እቲ ኣብ ምብራቓዊ ገማግም ስዑዲ ዓረብ ዝተኻየደ ሓባራዊ ወትሃደራዊ ልምምድ፣ ኣብቲ ዞባ ቅድሚኡ ካብ ዝተኻየዱ ተመሳሰልቲ ልምምዳት ብዓይነቱን ብዝሒ ተሳተፍቱን ናይ ፈለማ'ዩ።

Read more...

ባንክ ልምዓት ኣፍሪቃ፣ ኤርትራ ኣብ እትርከበን ሃገራት 12 ቢልዮን ዶላር ዝግመት ናይ ጸዓት ወፍሪ ንምክያድ ይውጥን

Radio Erena: 17 April 2018

AfDB

ባንክ ልምዓት ኣፍሪቃ፣ ኤርትራ ኣብ እትርከበን 11 ሃገራት ኣፍሪቃ 12 ቢልዮን ዶላር ዝግመት ናይ ጸዓት ወፍሪ ከካይድ መዲቡ ከምዘሎ ኣፍሊጡ።

እቲ ንሓሙሽተ ዓመታት ዘንቀደ ናይ ጸዓት ወፍሪ፣ ን10ታት ሚልዮናት ነበርቲ እዘን ሃገራት ኣገልግሎት ኤሌክትሪሲቲ ንምትእትታው ዝዓለመ'ዩ።

ባንክ ልምዓት ኣፍሪቃ ነዚ ዘፍልጥ ዘሎ፣ ኣብ ዝሓለፈ ወርሒ ኣብ ኣይቮሪኮስት፣ ርእሰ ከተማ ኣቢጃን ኣብ ጸዓት ዘተኮረ ዋዕላ ድሕሪ ምክያዱ'ዩ።

እዚ ናይ ጸዓት ወፍሪ ኣብ ቅናት ሳሕለ-ሰሓራ ንዝርከባ ኤርትራ፣ ኢትዮጵያ፣ ሱዳን፣ ጅቡቲ፣ ቻድ፣ ማሊ፣ ሰኔጋል፣ ሞሪታንያ፣ ቡርኪናፋሶ፣ ኒጀርን ናይጀርያን ዘጠቓለለ ምዃኑ ባንክ ልምዓት ኣፍሪቃ ብ9 ሚያዝያ ኣብ ዝሃቦ መግለጺ ይሕብር።

Read more...




Powered by Joomla!®. Designed by: free hosting no ads resell dot me domains Valid XHTML and CSS.