c


ዜና ኤርትራ

ፕረዚደንት በሽር፣ ናብ ሶርያ ይበጽሕ

Radio Erena: 17 December 2018

Bashir in Syria

ፕረዚደንት ሱዳን፣ ዑመር ሓሰን ኣልበሽር፣ ኣብ ሶርያ ወግዓዊ ናይ ስራሕ ምብጻሕ ኣካይዱ።

ፕረዚደንት በሽር፣ ብ16 ታሕሳስ ናብ ከተማ ደማስቆ ኣብ ዝኣተወሉ፣ ፕረዚደንት ባሻር ኣልኣሳድ ድሙቕ ኣቕቐባብላ ጌርሉ።

ዕላማ ዑደት ኣልበሽር፣ ብዝርዝር እኳ እንተዘይተሓበረ፣ ነቲ ስዑዲ ዓረብ ብእትርከበን ሓያሎ ሃገራት ዓረብ ተነጺጉ ዘሎ ፕረዚደንት ባሻር ዘለዎ ፖለቲካዊ ደገፍ ንምግላጽ ዝዓለመ''ዩ ይብሃል።

ምስ ስዑዲ ዓረብን ቱርኪን ጥቡቕ ዝምድና ዘለዎ ፕርዚደንት ሱዳን ዑመር ሓሰን ኣልበሽር፣ ናብ ሶርያ ምብጻሑ፣ ሓያሎ ማዕከናት ዜና እዘን ሃገር ይነቐፍኦ ኣለዋ።

ብሩስያ ዝድገፍ ፕረዚደንት ባሻር ኣልኣሳድ፣ ኣመሪካ እትርከበን ሃገራት ምዕራብን ንምእላዉ ይሰርሓ ከምዘለዋ ይፍለጥ።

Read more...

ኤርትራ፣ ጋዜጠኛታት ብምእሳር፣ ኣብ ትሕተ- ሰሃራ ኣፍሪቃ ቀዳማይ ቦታ ትሕዝ

Radio Erena: 17 December 2018

Journalist in prison

ኤርትራ፣ ጋዜጠኛታት ብምእሳር ኣብ ትሕተ-ሰሃራ ካብ ዝርከባ ሃገራት ኣፍሪቃ፣ ቀዳማይ ቦታ ሒዛ ከምዘላ ኣብ ኒውዮርክ ዝመደበሩ ኮሚተ ምጥባቕ ጋዜጠኛታታት ኣብ ዝዘርግሖ ዓመታዊ ጸብጻብ ኣፍሊጡ።

ኣብዛ ዓመት እዚ'ኣ ብድምር 30 ጋዜጠኛታት ኣብ ትሕቲ ሰሃራ ኣብ ዝርከባ ሃገራት ኣፍሪቃ ኣብ ቤት ማእሰርቲ ከምዝርከቡ ዝሓበረ እቲ ጸብጻብ፣ እቶም 16 ካብዚኣቶም ኣብ ኤርትራ ዝርከቡ ምዃኖም ኣስሚርሉ።

ንኤርትራ ተኸቲላ ዝበዝሑ ጋዜጠኛታት ኣሲራ እትርከብ ኣፍሪቃዊት ሃገር ካሜሩን ኮይኑ፣ ኣብዛ እትዛዘም ዘላ ዓመት ሸውዓታ ጋዜጠኛታት እታ ሃገር ኣብ ቤት ማእሰርቲ ኣትዮም።

ኣብ ካልኦት ሃገራት ኣፍሪቃ ድማ፣ ኣብ ርዋንዳ ኣርባዕተ፣ ኣብ ደሞክራስያዊት ሪፖብሊክ ኮንጎ ክልተ ኣብ ሶማል ድማ ሓደ ጋዜጠኛታት ኣብ ቀይዲ ውዒሎም።

Read more...

ሶማል፣ ምክትል መራሒ ኣልሸባብ ነበረ ኣብ ቀይዲ ምእታዉ ተቓውሞ የለዓዕል

Radio Erena: 17 December 2018

Muktar Robow

ምክትል መራሒ ኣልሸባብን ኣፈኛ ናይቲ ሽበራዊ ጉጅለን ነበር ሙክታር ሮቦው ምእሳሩ ተቓውሞን ግጭታትን ኣለዓዒሉ ከምዘሎ ዝተፈላለያ መርበባት ዜና ካብታ ሞቛድሾ ሓቢረን።

እቲ ሳልስቱ ቀጺሉ ዘሎ ናዕብታት፣ መንግስቲ ሶማል፣ ነቲ ዝሓለፈ ዓመት ኢዱ ዝሃበ 'ሞ፣ ኣብዚ እዋን'ዚ ኣብ ፕረዚደንታዊ ምርጫ ሶማል ንምኽወዳደር ጎስጓስ ድሕሪ ምጅማሩ ዝቐየዶ ሙክራት ሮቦው ክፈትሕ ዝጽውዕ'ዩ።

ዛጊት ተኻይዱ ኣብ ዘሎ ናዕብን ናይ ቶዅሲ ምልውዋጥን ሸሞንተ ሰባት ከምዝተቐተሉ ይግለጽ ኣሎ።

ሙክታር ሮቦው፣ ንደቡባዊ ምዕራብ ሶማል ብምውካል'ዩ ንምርጫ ክወዳደር ተበጊሱ።

ይኹን'ምበር እቲ ብካልኣይ ደረጃ ዝስራዕ መራሒ ኣልሸባብ ነበር፣ ኣብቲ ጓስጓስ ዝጀመረሉ ዞባ ጽልዋ ከሕድር ብምኽኣሉ ዝሰግአ መንግስቲ ሶማል፣ ብወትሃደራት ኢትዮጵያ ከምዝተሓዝ ጌርዎ ከምዘሎ'ዩ ተሓቢሩ።

Read more...

ልዕሊ 600 ኤርትራውያን ትሕቲ ዕድመ ቆልዑ ናብ ኢጣልያ ኣትዮም

Radio Erena: 17 December 2018

Refugees minors

ኣብዘን ዝሓለፋ 10 ኣዋርሕ፣ ብዘይኣላዩ ዝመጹ፣ ልዕሊ 600 ኤርትራውያ ቆልዑ ናብ ኢጣልያ ከምዝኣተወ ጸብጻብ ላዕለዋይ ኮሚሽን ስደተኛታት ሕቡራት ሃገራት ኣፍሊጡ።

ብሓፈሻ፣ ብዘይኣላዩ ዝመጹ 3346 ቆልዑ ማእከላይ ባሕሪ ብምስጋር ናብ ኢጣልያ ከምዝኣተዉ ዘመልከተ እቲ ጸብጻብ፣ እቶም 814 ዜጋታት ቱኒዝያ ክኾኑ እንከለዉ፣ 602 ኤርትራውያን 252 ድማ ሱዳናውያን ምዃኖም ይጠቅስ።

ዋሕዚ ስደተኛታት ናብ ኢጣልያ ብተዛማዲ ውሑዱ እኳ እንተሎ፣ ብዝሒ ኤርትራውያን ሕጂ'ውን ምስ ቀዳምት ካብ ምስራዕ ግና ኣይዓረፈን።

ብዘይኣላዩ ናብ ስደት ዝውሕዙ ዘለዉ ኤርትራውያን ቆልዑ ኣብ ኢትዮጵያ፣ ሱዳንን ሊብያን ኣብ ሕማቕ ኩነታት ከምዝርከቡ ብተደጋጋሚ ዝጥቐስ ኣርእስቲ'ዩ።

Read more...

ልዕሊ 200 ኣባላትን ኣፈኛታትን ኣብ ስደት ዝነብሩ ኤርትራውያን ዝተሳተፉዎ ዋዕላ ኣብ ብራስለስ ተኻዪዱ

Radio Erena: 16 December 2018

EU on Eriልዕሊ 200 ኣባላትን ኣፈኛታትን ኣብ ስደት ዝነብሩ ኤርትራውያን ዝተሳተፉዎ ዋዕላ ኣብ ርእሰ ከተማ በልጅዩም ብራስለስ ተኻዪዱ።

ኣብዚ መራሕቲ ኤውሮጳዊ ሕብረት ንሓላፍነታዊ ኣገባብ ምሕደራ ዋሕዚ ስደተኛታት ይኸውን ዝብልዎ ኣማራጺታት ዘቕርቡሉ ዘለዉ እዋን ዝተኻየደ ዋዕላ፣ ኣብ ሊብያ ኣብ ሕማቕ ኩነታት ዝርከቡ ኤርትራውያን ስደተኛታት ናብ ውሑስ ቦታ ክግዕዙን ዳግም ክጣየሱን ከምኡ’ውን ድሕነቶም ክረጋገጽ ጻውዒት ቀሪቡ።

ኣብቲ ብረቡዕ 12 ታሕሳስ ተኸፍተ ዋዕላ፣ ኤርትራን ኢትዮጵያን ፖለቲካዊ ምሕዝነት ኣሐዲሰን ክነሰን፣ ምግሃስ ኩሉ ዓይነት መሰላት ገና ኣብ ኤርትራ ይቕጽል ብምህላዉ ዘስዓቦ ብዝሒ ካብ ሃገሮም ናይ ዘምልጡ ዘለዉ ኤርትራውያን፣ ምውሳኽ መሸጣ ሰባት ኣብ ልዕሊ ኤርትራውያን ስደተኛታት፣ ኣብ ኢድ ኣሰጋገርቲ ጅሆ ተታሒዞም ዘለዉ ኤርትራውያን ዘሕልፉዎ ዘለዉ መከራ፣ ውጻእ መዓት ብዝኾኑ ዜጋታት ናይ ዓይኒ ምስክርነት ድሕሪ ምቕራቡ፣ ብሰፊሑ ተዘትዩሉ።

Read more...




Powered by Joomla!®. Designed by: free hosting no ads resell dot me domains Valid XHTML and CSS.