c


ዜና ኤርትራ

ኤርትራ፣ ሓድሽ ወደብ ናይ ምህናጽ ሓሳብ ከምዘለዋ ተገሊጹ

Radio Erena: 23 August 2018

Alem KibrAb

ኤርትራ፣ ሓድሽ ወደብ ናይ ምህናጽ መደብ ከምዘለዋ፣ ኣብ ሚኒስትሪ ጸዓትን ማዕድንን ዳይረክተር ጀነራል ክፍሊ ዕደና ኣቶ ኣለም ክብርኣብ ምስ ማዕከን ዜና ብሉምበርግ ኣብ ዝገበሮ ቃለ መጠይቕ ገሊጹ።

እቲ ኣብ ከባቢ ገማግም ኣንፊለ፣ ክህነጽ ዝሕሰብ ዘሎ ሓድሽ ወደብ፣ ንሰድድ ፖታሽ ዝዓለመ ምዃኑ ኣቶ ኣለም ኣፍሊጡ።

ገማግም ኣንፊለ፣ ካብ ጢዖ ንሰሜን ዝርከብ ኮይኑ፣ ካብቲ 1.2 ቢልዮን ሜትሪክ ቶን ዕቑር ሃብቲ ፖታሽ ከምዘለዎ ዝግለጽ ዘሎ ዕደና ኮሉሊ 75 ኪሎሜተር ንምብራቕ ርሒቑ ይርከብ።

Read more...

ብሚኒስተር ልምዓት ዝምራሕ ልኡኽ ጀርመን፣ ኤርትራ ናብ እትርከበን ሸውዓተ ሃገራት ኣፍሪቃ ክበጽሕ'ዩ

Radio Erena: 23 August 2018

Gerd Muller

ብሚኒስተር ልምዓት ጀርድ ሙለር ዝምራሕ ላዕለዋይ ልኡኽ መንግስቲ ጀርመን፣ ኤርትራ ናብ እትርከበን ሸውዓተ ሃገራት ኣፍሪቃ ክበጽሕ'ዩ።

ልኡኽ መንግስቲ ጀርመን ኣብዘን ሃገራት ኣብ ዘካየዶ ምብጻሕ፣ ኣብ ምትሕግጋዝን ንግድን ብኣውርኡ ድማ ኣብ ጉዳይ ዋሕዚ ስደተኛታት ክዝቲ'ዩ።

እቲ ልኡኽ ካብ ሎሚ ሓሙስ 23 ነሓሰ ኣትሒዙ፣ ንሓደ ሰሙን ኣብ ዘካይዶ ናይ ኣፍሪቃ ዑደት፣ ንኤርትራ፣ ኢትዮጵያ፣ ቻድ፣ ዚምባብዌ፣ ሞዛምቢክ፣ ቦትስዋናን ጋናን ከጠቓልል'ዩ።

Read more...

ኢትዮጵያ፣ ኣብ ክልል ኦሮሞ ልዕሊ 100 ሰባት ተኣሲሮም

Radio Erena: 22 August 2018

Qeerro

ኣብ ኢትዮጵያ፣ ክልል ኦሮሞ፣ ብስም ምንቕስቓስ መንእሰያት ቄሮ፣ ቅትለት፣ ዝምታን ካልእ ናዕብታትን ኣብ ጸጸኒሑ ኣብ ዝጎሃሃረሉ ዘሎ እዋን፣ ሓይልታት ጸጥታ ልዕሊ 100 ሰባት ከምዝኣሰሩ ክፍሊ ሓበሬታ ክልል ኦሮምያ ሓቢሩ።

እቶም ኣብ ሱሉልታ፣ ሻሽመኔ፣ ቡራዮ ጅማ፣ ኣዳማ፣ ሞጆን ካልእ ከባቢታትን ክልል ኦሮሞ ተኣሲሮም ዘለው ሰባት፣ ነዚ ኣብቲ ክልል ኣጋጢሙ ዘሎ ጸጥታዊ ሃጓፍ ብምጥቃቅ፣ ብስም ምንቕስቓስ መንእሰያት ኦሮሞ ቄሮ እናተጠቕሙ'ዩ ዘይሕጋዊ ተግባራት ክፍጽሙ ዝጸንሑ ምዃኖም'ዩ ክፍሊ ዝገልጽ።

ኣብ ኢትዮጵያ፣ ኣብ ሓያሎ ክልላት ዝተበገሰ ናይ ለውጢ ምንቕስቓስ ናብ ፋሉልነት ገጹ ኣምሪሑ፣ ኣብ ልዕሊ ህዝብን ንብረትን ከቢድ ዕንወት የውርድ ምህላዉ ይፍለጥ።

Read more...

ነፈርቲ ኵናት ሕቡራት ኢማራት ዓረብ፣ ኣብ ቀይሕ ባሕሪ ገፈፍቲ ዓሳ ቀቲለን

Radio Erena: 22 August 2018

UAE Jet fighters

ሕቡራት ኢማኣት ዓረብ፣ ኣብ ቀይሕ ባሕሪ ብዘካየደቶ ደብዳብ ነፈርቲ ብውሕዱ 13 ገፈፍቲ ዓሳ ከምዝተቐትሉ ተገሊጹ።

መደበር ቴሌቪዥን ኣል ማሲራት ብዘቕረቦ ዜና፣ እተን ነፈርቲ ብ19 ነሓሰ፣ ኣብ ገማግም ወደብ ሖደይዳ ኣብ ልዕሊ ዝነበራ ጀላቡ ድሕሪ ዘካየድኦ ጽዑቕ ደብዳብ'ዩ ሞትን መቑሰልትን የመናውያን ገፈፍቲ ዓሳ ኣጋጢሙ ዘሎ።

ነፈፍቲ ሕቡራት ኢማራት ዓረብ፣ ካብ 2015 ኣትሒዘን ኣብ ቀይሕ ባሕሪ ብዘካይድኦ ዘለዋ ደብዳብ፣ ተደጋጋሚ እዋን ገፈፍቲ ዓሳ ግዳያት ክገብራ ጸኒሐን'የን።

ካብዞም ብደብዳብ ነፈርቲ ሕቡራ ኢማራት ዓረብ ኣብ ቀይሕ ባሕሪ ግዳያት ዝኾኑ ዘለዉ ገፈፍቲ ዓሳ፣ ዜጋታት ኤርትራ'ውን ከምዝርከብዎም ዝተፈላለዩ ወገናት ይጠቕሱ።

Read more...

"ኣብ ዶባት ሰፊሩ ንዘሎ ሰራዊት ንምስሓቡ ምስ ኤርትራ ዝተኸተመ ስምምዕ የለን፣" ሚ/ ምክልኻል ኢትዮጵያ

Radio Erena: 20 August 2018

Ethiopian amy

"ኢትዮጵያ፣ ካብቲ ምስ ኤርትራ ዘዋስና ዶባት ሰራዊታ ትስሕብ ኣላ፣" ክብሃል ዝቐነየ ሓበሬታ ሓቅነት ከምዘይብሉ ሚኒስተር ምክልኻል እታ ሃገር ማቱማ መቃሳ ገሊጹ።

ንሱ ንሪፖርተር ኣብ ዝሃቦ ሓበሬታ፣ እቲ ኣብ ከባቢ ሸራሮ ዝተራእየ ምንቕስቓስ ሰራዊት፣ ንቡር ኣሰራርሓ ምዃኑ ብምጥቃስ፣ "ኢትዮጵያ ካብቲ ምስ ኤርትራ ዘዋስና ከባቢታት ሰራዊታ ትስሕብ ኣላ፣" ዝብል ሓበሬታ ግና ሓሶት'ዩ ክብል ኣርጋጊጹ።

እቲ ሚኒስተር ብተወሳኺ፣ መራሕቲ ክልቲኤን ሃገራት፣ ኣብ ዶባት ሰፊሩ ንዘሎ ሰራዊት ንምስሓቡ ዝብል ስምምዕ ከምዘይከተሙ ሓቢሩ።

10ታት ኣውቲቡሳትን ወትሃደራውያን መካይንን፣ ካብ ግንባር ሸራሮ ሰራዊት ንምውጻእ ተዋፊረን ዝብል ሓበሬታ ብመንገዲ ማሕበራዊ ሜድያታት ካብ ትግራይ ክመሓለላፉ ቀንዩ'ዩ።

Read more...




Powered by Joomla!®. Designed by: free hosting no ads resell dot me domains Valid XHTML and CSS.