c


ዜና ኤርትራ

ባይቶ ጸጥታ፣ ኣብ ዘይሕጋዊ ምስግጋር ደቂ ሰብ ንዝተዋፈሩ ክልተ ኤርትራውያንን ኣርባዕተ ሊብያውያንን እገዳ ንምሕላፍ ይሕልን

Radio Erena: 23 May 2018

Smuggler

ባይቶ ጸጥታ ሕቡራት ሃገራት፣ ክልተ ኤርትራውያን ንዝርከብዎም ሽዱሽተ ኣሰጋገርቲ ደቂ ሰብ እገዳ ንምሕላፍ ሓሳብ ከምዘቕረበ ኣገልግልት ዜና ፈረንሳ ትማሊ ኣብ ዘርግሖ ሓበሬታ ኣፍሊጡ።

ብመሰረት እቲ ናይቲ ኣገልግሎት ዜና ሓበሬታ፣ እቶም ብባይቶ ጸጥታ እገዳ ክግበረሎም ኣስማቶም ሰፊሩ ዘሎ ክልተ ኤርትራውያን ኤርምያስ ግርማይን ፍትዊ ዓብደልርዛቕን ክኾኑ እንከለዉ ምስ ሊብያውያን ዕጡቓት ሚሊሻ ብምትሕብባር ዝሰርሑ ምዃኖም'ዩ ጠቒስዎም ዘሎ።

እቲ ጸብጻብ ብተወሳኺ፣ ሓደ ካብ ወደብቲ መርበባት ዘይሕጋዊ ምስግጋር ስደተኛታት'ዩ ንዝበሎ ኤርምያስ ግርማይ ካብ ሊብያ ናብ ኤውሮጳ ኣሽሓት ስደተኛታት ከምዘሰጋገረ የመልክት።

Read more...

ሱዳን፣ ካብ ስዑዲ ዓረብ ዓመታዊ 1.8 ሚልዮን ቶን ነዳዲ ንምልቃሕ ትዘራረብ

Radio Erena: 23 May 2018

Sudan Oil

ኣብ ከቢድ ቁጠባዊ ቅልውላው ተሸሚማ እትርከብ ሱዳን፣ ካብ ስዑዲ ዓረብ ዓመታዊ 1.8 ሚልዮን ቶን ነዳዲ ንምልቃሕ ትዘራረብ ከምዘላ ሮይተርስ ሓቢሩ።

ዋሕዲ ናይ ወጻኢ ባጤራ፣ ንቁጠባዊ መሓውራታ ኣሰናኺልዎ ዝርከብ ሱዳን፣ ሃገራት ዓረብ ናብ ሃገራዊ ባንክ ዝልእኽኦ ኡልዮናት ዶላራት ለውጢ ከምዝጽኣሉ ከምዘይክኣለ ኣብ ዝግለጸሉ ዘሎ እዋን'ዩ፣ ካብ ስዑዲ ዓረብ ነዳዲ ንምልቃሕ ትሓትት ዘላ።

ስዑዲ ዓረብ፣ ሱዳን ንእንተቕርቦ ዘላ ሕቶ ልቃሕ ነዳዲ እወታዊ ምላሽ እንተደኣ ሂባ፣ እታ ኣብ ዞባ ቀርኒ ኣፍሪቃ እትርከብ ሃገር ንሓሙሽተ ዓመታት ናይ ነዳዲ ጸገማታ ክትፈትሕ'ያ።

Read more...

ቀ/ ሚ ኢትዮጵያ፣ ካብ ኣፍሪቃ ወጻኢ ፈላሚ ዑደቱ ኣብ ስዑዲ ዓረብ ኣካይዱ

Radio Erena: 21 May 2018

Ethiopian PM in Riyhad

ቀዳማይ ሚኒስተር ኢትዮጵያ ዶክተር ኣብዩ ኣሕመድ፣ ንጉስ ሳልማን ብዝገበረሉ ዕድመ መሰረት ካብ ኣፍሪቃ ወጻኢ ፈላም ዑደቱ ኣብ ስዑዲ ዓረብ ኣካይዱ።

ንሱ ካብ 17 ክሳብ 19 ግንቦት ኣብታ ሃገር ኣብ ዝጸንሓሉ፣ ምስ ንጉስ ሳልማን፣ ወራሲ ዓራትን ሚኒስተር ምክልኻልን ቢን መሓደም ሳልማንን ካልኦት ሰበ ስልጣንን እታ ሃገር፣ ኣብ ዞባዊ ጉዳያት፣ ኣብ ጸጥታን ሓባራዊ ወርፍን ንግድን ብምትኳር ተዘራሪቡ።

ድሕሪ'ቲ ዝተኻየደ ዝርርብ፣ ስዑዲ ዓረብ ከም መርኣያ ጽቡቕ ድሌታ፣ ዝተፈላለየ ገበናት ፈጺሙ ተኣሲሮም ዝርከቡ ኣስታት ሓደ ሽሕ ኢትዮጵያ ብምሕረት ክትፈትሕ ምዃና ከምዝገለጸት መንግስታዊ ማዕኸን ዜና ኢትዮጵያ ሓቢሩ።

Read more...

ስደት ብማእከላይ ባሕሪ ብኣስታት ፍርቂ ይጎድል፣ ብዝሒ ኤርትራውያን ግና ይዛይድ

Radio Erena: 21 May 2018

IOM Italy

ኣብዘን ዝሓለፋ ኣርባዕተ ኣውራሕ ብማእከላይ ባሕሪ ኣቢሎም ናብ ሃገራት ኤውሮጳ ናይ ዝወሓዙ ብዝሒ ኤርትራውያን ዝርከብዎም ስደተኛታት ኣስታት 26 ሽሕ ምንባሩ ኣህጉራዊ ማሕበር ስደተኛታት -IOM ኣብ ኣፍሊጡ።

እቲ ወኪል ሕቡራት ሃገራት ዝኾነ ማሕበር፣ ብ18 ግንቦት፣ ካብ ከተማ ጀኔቫ ኣብ ዝዘርግሖ መግለጺ፣ 41% ናይቲ ብዝሒ ናብ ኢጣልያ ዝኣተዉ ክኾኑ እንከለዉ፣ እቶም ዝተረፉ ከኣ ናብ ግሪኽን ስጳኛን ዝሰገሩ'ዮም።

እዚ ኣብዘን ዝሓለፋ ኣርባዕተ ኣዋርሕ ዝተሰነደ ብዝሒ ምስ ናይ ዝሓለፈ ዓመት ክነጻጸር እንከሎ ብኣስታት ፍርቂ ጎዲሉ ኣሎ።

ኣብ ዝሓለፈ ዓመት፣ ኣብ ተመሳሳሊ ኣዋርሕ ዝነበረ ብዝሒ ልዕሊ 55 ሽሕ ክኸውን እንከሎ፣ ቅድሚኡ ኣብ ዝነበረ 2016 ከኣ፣ ኣብቲ ዓመት ብምሉእ ዝተመዝገበ ቁጽሪ ኣስታት 189 ሽሕ ምዃኑ ጸብጻብ IOM የመልክት።

Read more...

ፕረዚደንታት ሱዳንን ቱርክን ዝምድንኦም ንምሕያል ተወሳኺ ስምምዓት ይኽትሙ

Radio Erena: 21 May 2018

Sudan Turkey

ፕረዚደንታት ሱዳንን ቱርኪን፣ ዝምድናታት ሃገሮም ንምሕያል ዘኽእሎም ተወሳኺ ስምምዓት ከምዝኸተሙ ተሓቢሩ።

ፕረዚደንት ሱዳን ዑመር ሓሰን ኣልበሽር፣ ጎኒ ጎኒ'ቲ ዝሓለፈ ሰሙን ኣብ ቱርኪ፣ ከተማ ኢስታንቡል ዝተኻየደ፣ ኣብ ጉዳይ ዮርሳሌም ዘተኮረ ዋዕላ ሃገራት እስላም፣ ምስ ፕረዚደንት እታ ሃገር ጣይብ ኤርዶዋን ብምርኻብ፣ ኣብ ክልትኣዊ ዝምድናታት ድሕሪ ምዝታይ'ዩ እቲ ስምምዕ ተኸቲሙ።

ዝምድና ሱዳንን ቱርኪን፣ ድሕሪ'ቲ ፕረዚደንት ቱርኪ ኣብ ወርሒ ታሕሳስ ናት ዝሓለፈ ዓመት፣ ናብ ሱዳን ዘካየዶ ታሪኻዊ ዑደት፣ ናብ ሓድሽ መድረኽ ተሰጋጊሩ ምህላዉ ይፍለጥ።

Read more...




Powered by Joomla!®. Designed by: free hosting no ads resell dot me domains Valid XHTML and CSS.