c


ዜና ኤርትራ

ሕብረት ኤውሮጳ ዋሕዚ ስደት ንምግታእ ናይ 467 ሚልዮን ዩሮ ባጀት ሰሊዑ

Radio Erena: 03 June 2018


refuሕብረት ኤውሮጳ ዋሕዚ ስደተኛታት ምብራቕን ምዕራብን ኣፍሪቃውያን ንምግታእን ኣብ ጠንቂ ዋሕዚ ስደት መጽናዕቲ ንምግባርን ዘኽእሎ ናይ 467 ሚልዮን ዩሮ ባጀት ሰሊዑ።

እቲ ሕብረት ኣብ ትሕቲኡ ንዝመሓደር ‘ህጹጽ ረዲኤት ማዕከን ኣፍሪቃ’ ነዚ ባጀት ኣብ ዝስልዓሉ ዘሎ፣ ኣብ ርእሲ’ቲ ኣቐዲሙ ሰሊዑሉ ዝጸንሐ ናይ 147 ሚልዮን ዩሮ እዩ።

ቀንዲ ዕላማ ናይዚ ሓድሽ ዝስላዕ ዘሎ ባጀት፣ ካብ ምብራቕን ቀንኒ ኣፍሪቃን ንዝስደዱ መንእሰያት ኣብ ሃገሮም እንከለዉ ቁጠባዊ ደገፍ ብምሃብ፣ ከምኡ’ውን ብወለንትኦም ካብ ኤውሮጳ ናብ ሃገሮም ንዝምለሱ ስደተኛታት መጣየሲ ከገልግል ከምዝኾነ ካብ ቤት ጽሕፈት’ቲ ሕብረት ዝተዘርገሐ ዜና የመልክት።

Read more...

ኤርትራ፣ ዓመታዊ ብዘጋጥም ብዝሒ ሓደጋ ተሽከርከርቲ ብደረጃ ዓለም ምስ ቀዳሞት 10 ትስራዕ

Radio Erena: 31 May 2018

asm car accዓመታዊ ብዘጋጥም ብዝሒ ሓደጋ ተሽከርከርቲ፣ ኤርትራ ምስ ቀዳሞት 10 ሃገራት ዓለም ከምእትስራዕ ማሕበር ንድሕነት መጓዕዝያ ምድሪ (Association for Safe International Road Travel) ዝተባህለ ኣህጉራዊ ትካል ኣብ ዘቕረቦ ናይ 2018 ጸብጻብ ኣፍሊጡ።

እቲ ትካል ንውድብ ጥዕና ዓለም ብምውካስ ኣብ ዘቕረቦ ሓበሬታ፣ ኣብ ኤርትራ ኣብ መንጎ 100 ሽሕ ነበርቲ ብገምጋም ን48 ሰባት ሓደጋ መኪና የጋጥሞም።

ኤርትራ ውሑድ ብዝሒ ህዝብን ውሑዳት ተሽከርከርትን ዘለዋ ሃገር ክነሳ፣ ብሓደጋ ምስ ቀዳሞት ክትስራዕ ዝኸኣለትሉ፣ እኹል ምልክታት ትራፊክ ዘይምህላዉ፣ ንተሽከርከርቲ ዘይምችእ መንገድታትን ጽርግያን፣ ዝኣረጋ መካይን፣ ሕግታት ትራፊክ ዘይምኽባር ዝኣመሰሉ ጠንቕታት ተዘርዚሮም ኣለዉ።

Read more...

ቀ/ሚ ሶማል ኣብ ኢትዮጵያ ወግዓዊ ናይ ስራሕ ምብጻሕ ፈጺሙ

Radio Erena: 30 May 2018

Somali PM in Addis

ቀዳማይ ሚኒስተር ሶማል ሓሰን ዓሊ ኸይረ ዝምርሖ ወኪል መንግስቲ ሶማል ኣብ ኢትዮጵያ ወግዓዊ ናይ ስራሕ ምብጻሕ ከምዝፈጸመ ምንጭታት ዜና ካብ ሞቛድሾ ሓቢሮም።

እቲ ቀዳማይ ሚኒስተር ካብ 25 ክሳብ 27 ግንቦት ኣብ ኣዲስ ኣበባ ኣብ ዝጸንሐሉ ምስ ኢትዮጵያዊ መዘንኡ ቀዳማይ ሚኒስተር ኣብዩ ኣሕመድን ካልኦት ሰበ ስልጣንን ብምርኻብ ኣብ ዝተፈላለዩ ጉዳያት ተዘራሪቦም።

እቶም መራሕቲ ብፍላይ ኣብ ጉዳይ እቲ ኣብ ሶማል ዝተዋፊሩ ዝርከብ ሰራዊት ኢትዮጵያን ሓባራዊ ናይ ጸጥታ ስምምዓት ብዝምልከት ብዕምቆት ከምዝዘተዩ ተገሊጹ።

ኣብ ካልእ ናይ ሶማል ዜና፣ ዐመር ዳሕላ ማሕሙድ ዝተባለ ኣባል ባይቶ ሶማል፣ ኣብ ከተማ ሞቛድሾ መንነቶም ብዘይተፈልጡ ዕጡቓት ከምዝተቐንጸለ ምንጭታት ዜና ካብታ ከተማ ሓቢሮም።

Read more...

ኤርትራዊ ኮለነል፣ ኣብ መዓርፎ ነፈርቲ ሩስያ ብዋንነት ካዝና ጠያይቲ ተኣሲሩ

Radio Erena: 30 May 2018

Pistol

ናይ ኮለነል ማዕረግ ከምዘለዎ ዝተገልጸ ሓደ ኣባል ሓይልታት ምክልኻል ኤርትራ፣ ኣብ ሩስያ ብዋንነት ካዝና ጠያይቲ ተታሒዙ መርመራ ይካየደሉ ከምዘሎ ማዕከን ዜና ሩስያ ገሊጹ።

'ክሪምያ ሩስያ' ዝተባህለ ማዕከን ዜና ንምንጭታት ፖሊስ ብምጥቃስ ብ28 ግንቦት ኣብ ዘቕረቦ ሓበሬታ፣ እቲ ኤርትራዊ ኮለነል ናብ ሩስያ፣ ዝኣተወሉ ምኽንያት ኣብ ምርኢት ሄሊኮፕተራት ንምስታፍ ኮይኑ፣ ሓደ ሓደ ውዕላት'ውን ንምኽታም'ዩ።

Read more...

ሓይልታት ጸጥታ ሱዳን፣ ኣብ ካርቱም ኣብ ዝርከብ ኣዳራሽ ማሕበረ-ኮም ኤርትራ10ታት ሰባት ቀይዶም

Radio Erena: 29 May 2018

sudan

ሓይልታት ጸጥታ ሱዳን፣ ኣብ ከተማ ካርቱም፣ ኣዴም ኣብ ዝተባህለ ከባቢ ኣብ ዝርከብ ኣዳራሽ ማሕበረ-ኮም ኤርትራ ሃንደበታዊ ግፋ ብምክያድ 10ታት ሰባት ከምዝኣሰሩ ምንጭታት ሬድዮ ኤረና ካብታ ከተማ ኣረጋጊጾም።

ኣብቲ ማሕበረ ኮም፣ ጽዑቕ ተፍትሽ ድሕሪ ምክያድ፣ ናይ ወጻኢ ባጤራ ዝርከቦ ገንዘብን ካልእ ደኩመንታትን'ውን ሃጊሮም።

እቲ ብ23 ግንቦት ዝተኻየደ ግፋ ዕላምኡ ንጹር ከምዘይነበረ ዝሓበሩ እቶም ምንጭታት፣ እቲ ማሕበረ ኮም ምስ ስለያ መንግስቲ ኤርትራ ምትእስሳር ኣለዎ ተባሂሉ ስለዝተጠርጠረ ክኸውን ከምዝኽእል ኣሚቶም።

Read more...




Powered by Joomla!®. Designed by: free hosting no ads resell dot me domains Valid XHTML and CSS.