c


ዜና ኤርትራ

ብይን ኮሚሽን ዶብ ኤርትራን ኢትዮጵያን ኣብ 12 ዓመቱ ኣብ ግብሪ ዘይምውዓሉ፣ ኣውራ ተሓተቲ ኢትዮጵያ’ያ ክብሉ ኤርትራውያን ነቒፎም

Radio Erena: April 10, 2014

አሪ አትሂኦ Bኦርደር

ብይን ኮሚሽን ዶብ ኤርትራን ኢትዮጵያን 12 ዓመት ኣብ ዘቑጽረሉ ዘሎ ወርሒ ሚያዝያ፣ ኢትዮጵያ ንውሳኔ እቲ ኮሚሽን ብምኽባር ካብ ልኡላዊ መሬት ኤርትራ ክትስሕብ ከምዝግባእ ሬድዮ ኤረና ዝተወከሰቶም ሓያሎ ኤርትራውያን ደጊሞም ጸዊዖም።

ኢትዮጵያ ባድመ ካብ ዝርከቦ ልኡላዊ መሬት ኤርትራ ሰራዊት ንምስሓብ ናይ ዘተ ቅድመ ኩነት ብምቕራብ፣ ነቲ ኣብ ልዕሊ ዜጋታቱ ከቢድ ሰብኣዊ መሰላት ኣብ ምግሃስ ዝርከብ መንግስቲ ኤርትራ፣ መመሳመሲ ባይታ ፈጢራትሉ ምህላዋ’ውን እቶም ኤርትራውያን ኣረዲኦም።

Read more...

ኣብ ኤርትራ ዞባ ማእከል ዝካየድ ዘሎ ምርጫ ኣመሓደርትን ኣካየደቲ ስራሕን ንኡሳን ዞባታት ንሃልኪ’ዩ ተባሂሉ

Radio Erena: April 10, 2014

eri Elect

ኣብ ዞባ ማእከል፣ ክካየድ ጀሚሩ ዘሎ ምርጫ ኣመሓደርትን ኣካየድቲ ስራሕን ንኡሳን ዞባታት ንሃልክን ድኻምን እንተዘይኮይኑ ዘምጽኦ ለውጢ የለን ክብሉ ምንጭታት ሬድዮ ኤረና ካብ ኣስመራ ሓቢሮም።

ምምሕዳራት ንኡሳን ዞባታት ዝህብኦ ኣገልግሎታት ከም ኩፖን ምዕዳል፣ ብዝሒ ኣባላት ተጠቐምቲ ኩፖን ንምጽራይ፣ ሞባልይ ቴሌፎን ንምርካብ ደገፍ ምጽሓፍ…ወዘተ ዝኣመሰለ እንተዘይኮይኑ ካልእ ኣገደስቲ ጉዳያት ከሳልጥ ዘይክእል ክነሱ፣ ህዝቢ ኣመሓደርትን ኣካይድቲ ስራሕን ክመርጽ ምግዳዱ ንሃልኪ ጥራይ’ዩ ክብሉ እቶም ምንጭታት ኣረዲኦም።

ከም ጉዳይ መንነት ወረቐት፣ ፓስፖርት፣ ዋኒን ንግዲ…ወዘተ ዝኣመሰለ ኣገልግሎትታ ንምስላጥ ካብ ምምሕዳር ዝወሃብ ናይ ደገፍ ደብዳቤ፣ ብህግደፍ ብዝተረቑሑ ተጋደልቲ ህዝባዊ ግንባር ብዝነበሩ ኣመሓደርቲ ከባቢታት ዝውሰን ኣብ ርእሲ ምዃኑ እዚ’ውን ነዊሕን ዝተሓላለኸን መሳልል ከምዘለዎ ዝፍለጥ’ዩ።

Read more...

ኣብ ኬንያ ሕጋዊ መንበሪ ፍቓድ ብዘይብሎም ሶማላውያን ዝጀመረ ግፋ ናብ ኤርትራውያን ልሒሙ

Radio Erena: April 9, 2014

Kenya arrested 3000

ፕረዚደንት ኡሁሩ ኬንያታ ሕጋዊ መንበሪ ፍቓድ ዘይብሎም ዜጋታት ጎረባብቲ ሃገራት ነናብ ዓዶም ክጥረዙ ዝብል ትእዛዝ ድሕሪ ምምሕልላፉ፣ ትማልን ቅድሚ ትማልን ልዕሊ 10 ዝኾኑ ኤርትራውያን ምስ ሶማላውያን ተገፊፎም ከምዘለዉ ምንጭታት ሬድዮ ኤረና ኣረጋጊጾም።

እቶም ኣብ ከባቢታት ናይሮቢ ኣብ ዝርከብ፣ ኤስቲሌግ ካብ ዝተባህለ ቦታን ካልእ ክፋል እታ ከተማን ዝተገፉ ኤርትራውያን ናብቲ ኣስሓት ሶማላውያንን ኢትዮጵያውያንን ተታሒዞምሉ ዘለዉ ስታድዮም ካሳራኒ ከምዝተወስዱ’ውን ምንጭታትና ሓቢሮም።

Read more...

ተቓውሞ ኣለዓዒልኩም ብዝብል ክሲ ካብ ክልተ ዓመትን ኣርባዕተ ወርሕን ክሳብ ኣርባዕተ ዓመታት ክእሰሩ ዝተፈርዱ ኤርትራውያን ስደተኛታት ኣብ ኢትዮጵያ ብናይ ገንዘብ መቕጻዕቲ ጥራይ ተፋንዮም

Radio Erena: April 10, 2014

eri Ethio Rel

ኣብ ኢትዮጵያ ኣብ መዓስከራት ስደተኛታት ዓዲ ሓሩሽን ማይ ዓይኒን ዝተኻየደ ተቓውሞታት ወዲብኩም ተባሂሎም ኣብ ቀይዲ ዝጸንሑ 11 ኤርትራውያን ስደተኛታት ከምዝተለቑ ምንጭታት ሬድዮ ኤረና ሓቢሮም።

ካብ መዓስከር ስደተኛታት ዓዲ ሓሩሽ ኣብ ቀይዲ ዝጸንሑ ሓሙሽተ ኤርትራውያን፣ ነፍሲ ወከፎም 2 ዓመትን ኣርባዕተ ወርሕን ክእሰሩን ብድምር ድማ 20 ሽሕ ብር ክኸፍሉን’ዩ ተበይንሎም ኔሩ።

ንሳቶም፣ ካብቲ ዝተበየነሎም ናይ ክልተ ዓመትን ኣርባዕተ ወርሕን ማእሰርቲ ቅድሚ ሓደ ሰሙን ናጻ ክልቐቑ እንከለዉ፣ እቲ 20 ሽሕ ብር ድማ ኣብ ሱዳንን ኣብ መዓስከራት ኢትዮጵያን ዝርከቡ ወገናቶም ብምውጻእ ክኸፍለሎም ከምዝኸኣለ’ውን ተፈሊጡ።

Read more...

ኣብ ቀይሕ ባሕሪ ኮለላ ከተካይድ ዝጸንሐት ዓባይ ወትሃደራዊ መርከብ ኢራን ኣብ ወደብ ጅቡቲ ተጸጊዓ

Radio Erena: April 9, 2014

Iran ship

ኣብ ቀይሕ ባሕሪ ወትሃደራዊ ኮለላ ከተካይድ ዝጸንሐት ዓባይ መርከብ ሓይሊ ባሕሪ ኢራን፣ ኣብ ወደብ ጅቡቲ ተጸጊዓ።

እታ ሄሊኮፕተራትን ከበድቲ መዳፍዕን ክትስከም እትኽእል መረክብ ሚሳይላት ዝዓጠቐት መረክብ፣ ካብ ህንዳዊ ውቕያኖስ ተበጊሳ ብወሽጥ ዓደን ኣቢላ ኣብ ቀይሕ ባሕሪ ኮለላ ከተካይድ ዝጸንሐት ምዃና ኣገልግሎት ዜና ኢራን ሓቢሩ።

Read more...




Powered by Joomla!®. Designed by: free hosting no ads resell dot me domains Valid XHTML and CSS.