c


ዜና ኤርትራ

ጁባ-ካምፓላ ዝካየድ ዘሎ ንግዳዊ ልውውጥ ብ 30 ሚእታዊት ጎዲሉ

Radio Erena: 5 June, 2014

juba kampa

ኣብ ደቡብ ሱዳን ተፈጢሩ ዘሎ ኩነታት፣ ነቲ ካብን ናብን ካምፓላ-ጁባ ዝካየድ ዝነበረ ንግዳዊ ንጥፈታት ብኣስታት 30 ሚእታዊት ከምዝዓንቐፎ ተሓቢሩ።

ማዕከን ዜና ኢንዲፐንደት ንባንክ ዓለም ብምጥቃስ ኣቕሪብዎ ብዘሎ ጸብጻብ፣ ኣብ ክሳብ 2010 ናብ 66 ሚእታዊት ደይቡ ዝነበረ ንግዳዊ ንጥፈታት ጁባ-ካምፓላ ኣብዚ እዋን’ዚ ናብ 30 ሚእታዊት ጥራይ ወሪዱ ከምዘሎ ኣገንዚቡ።

Read more...

ድሕሪ ናይ 15 ዓመታት ማእሰርቲ ካብ ካርሸሊ ዘምለጠ ደጀን ኣብ ኤርትራውያን እቲ ዝዓበየ መዘራረቢ ኮይኑ ኣሎ

Radio Erena: June 04, 2014

Dejen

15 ዓመታት ኣብ ቀይዲ ዝጸንሐ ኤርትራዊ ፓይሎት ደጀን ዓንደ ሕሸል፣ ኣብ ሕንምብርቲ ኣስመራ ካብ ዝርከብ ቤት ማእሰርቲ ካርሸሊ ድሕሪ ምምላጡ፣ ምስ ሬድዮ ኣሰና ዘካየዶ ሸውዓተ ክፋላት ቃለ መጠይቕ ዝዓበየ መዘራረቢ ዛዕባ ኤርትራውያን ኮይኑ ኣሎ።

ወዲ 23 ዓመት እንከሎ ኣብ 1999 ካብ በረራ ምስ ተመልሰ ብቀጥታ ናብ ቤት ምእሰርቲ ተወሲዱ ን15 ዓመታት ብዘይፍርድን ፍትሕን ኣብ ቤት ምእሰርቲ ክሳቐ ዝጸንሐ ፓይሎት ናይ ሚግ 29 ዝነበረ ደጀን ዓንድሕሸል፣ ካብቲ ብጽኑዕ ተኣሲርሉ ዝነበረ ቤት ማእሰርቲ ካርሸሊ ብተኣምራታዊ ስርሒት ፈንጢሱ ክወጻእ ምኽኣሉ ጥራይ ዘይኮነ፣ ኣብዚ ናይ 15 ዓመታት ማእሰርቲ ዘማዕበሎ ኣተሓሳስባን ትብዓትን ካብ ኤርትራውያን ዓቢ ኣድናቖት ረኺቡ።

ኣዝዮም ብዙሓት ኤርትራውያን ነዚ ብዘይሕጋዊ ኣገባብን ፍትሕን ብትእዛዝ ፕረዚደንት ኢሳይያስ ኣፈወርቂ ን15 ዓመታት ተኣሲሩ ክሳቐ ዝጸንሐ ኤርትራዊ መንእሰይ ሞራላውን ገንዘባውን ሓገዝ ኣብ ምብርካት ይርከቡ።

Read more...

"The migration of Eritreans is a deliberate case of human trafficking conceived and orchestrated by the US." B. General Abraha Kassa

Radio Erena: June 03, 2014

Abraha

"The migration of Eritreans is not a phenomenon driven by an economic pull factor as it is usually the case in our contemporary times.This is in fact a deliberate case of human trafficking conceived and orchestrated by the United States with other collaborating states,organizations and agencies." Remarks by Brigadier General Abraha Kassa, head of the Office of National Security of the State of Eritrea at the Preparatory Meeting for the Regional Conference on Human Trafficking and Smuggling in the Horn of Africa, 21 May 2014, Khartoum, Sudan.

Read more...

ኣብ ዶብ ኢትዮጵያን ሶማልን ኣብ ዝካየድ ዘሎ ግጭት 74 ሰባት ከምዝተቐትሉ ተገሊጹ

Radio Erena: June 04, 2014

Alshaኣብ ዶብ ኢትዮጵያን ሶማልን ኣብ ዝካየድ ዘሎ ግጭት 74 ሰባት ከምዝተቐትሉ ሬድዮ ፍራንስ ኢንተርናሽናል ንምንጭታታ ብምጥቃስ ገሊጻ።

እቲ ኣብ ደቡባዊ ምዕራብ ቁሸት ኣቶ ዝካየድ ዘሎ ግጭት፣ ሰራዊት ኢትዮጵያን ፈደራላዊ መንግስቲ ሶማልን ብሓባር ኣንጻር ዕጡቓት ኣልሸባብ ድሕሪ ዝኸፈትዎ መጥቃዕ'ዩ ተወሊዑ።

ምክትል ኣምሓዳሪ ናይዚ ዞባ ኢብራሂም ሉግቡር ንሬድዮ ፍራንስ ኢንተርናሽናል ኣብ ዝሃቦ ሓበሬታ፣ እቶም ዝተቐትሉ ሰባት ብምሉኦም ዕጡቃት ኣልሸባብ ምዃኖም እኳ እንተሓበረ፣ ብናጻ ኣካል ክረጋገጽ ግና ኣይከኣለን።

Read more...

“ጠንቂ ስደት ኤርትራውያን ኣመሪካ’ያ” ብ.ጀነራል ኣብርሃ ካሳ

Radio Erena: June 03, 2014

Abraha

ኣብ ጉዳይ ዘይሕጋዊ ምስግጋርን መሸጣን ደቂ ሰብ ዘተኮረ ካብ 21 ክሳብ 22 ግንቦት ኣብ ካርቱም ኣብ ዝተኻየደ ዞባዊ ዋዕላ ዝተሳተፈ ወኪል መንግስቲ ኤርትራ፣ ብስደት ኤርትራውያንን ሳዕቤናቱን ተሓታቲ መንግስቲ ኣመሪካ’ዩ ምባሉ ብትሪ ተነቒፉ።

ንመንግስቲ ኤርትራ ወኪሉ ኣብቲ ዋዕላ ዝተሳተፈ ሓልፊ ጸጥታን ሃገራዊ ድሕነትን ብርጋዴር ጀነራል ኣብራሃ ካሳ፣ ንተሳተፍቲ እቲ ዋዕላ ኣብ ዘቕረቦ መደረ፣ ጉዳይ ስደት ኤርትራውያን ከም ኣብ ካልኦት ሃገራት ናይ ቁጠባ ዘይኮነ ብቀንዱ፣ ዓቕሚ ሰብ ኤርትራ ንምድኻም ኣመሪካ ዝሃንደሰቶ ውዲት’ዩ ክብል ነቲ ብፕረዚደንት ኢሳይያስ ኣፈወርቂ ብቐጻሊ ዝተዘርበሉ ኣርእስቲ’ዩ ደጊምዎ።

ኣብቲ ዋዕላ፣ ኤርትራ፣ ኢትዮጵያ ሱዳንን ግብጽን ክሳተፋ እንከለዋ፣ ወከልቲ እዘን ሃገራት እዚ ብቀጥታ ጸልዩወን ዘሎ ዘይሕጋዊ ምስግጋርን መሸጣን ደቂ ሰብ ዝግትኣሉ ኣገባብ ንምንዳይ ብሓባር ንንኽሰርሓ ዝዓለመ’ዩ።

Read more...




Powered by Joomla!®. Designed by: free hosting no ads resell dot me domains Valid XHTML and CSS.