c


ዜና ኤርትራ

ተጨውያ ኣብ ስዑዲ ዓረብ ዝዓለበት ነፋሪት ንምምላስ ካብ ዝተላእኩ ኣባላት ሓይሊ ኤርትራ ሓደ፣ ዑቕባ ንምሕታት ተሪፉ

Radio Erena, March 7, 2014

Eሪ ጵላነ

ብ12 ሕዳር 2013 ተጨውያ ናብ ስዑዲ ዓረብ ዝዓለበት ነፋሪት ንምምላስ ካብ ዝተኣእከኡ ኣብረርትን ቴክኒሻናትን ሓይሊ ኣየር ኤርትራ፣ ሓደ ዑቕባ ንምሕታት ተሪፉ።

እቲ ነፋሪት ንምምላስ ናብ ስዑዲ ዓረብ ካብ ዝተላእከት ጉጅለ ሓይሊ ኣይር ኤርትራ ዑቕባ ዑቕባ ንምሕታት ተሪፉ ዘሎ ሉተናንት ብርሃነ ኣረፋይነ ዝተባህለ መንእሰይ፣ ፍላይት ኢንጂነር ማለት ክኢላ ኣቬኒክስ’ዩ።

ኣብረርትን ቴክኒሻናታን ዝርከብዎም ሓይል ኤርትራ ነታ ብሓደ መርሃዊ ግርማይ ዝተባህለ ኣባል ቤት ጽሕፈት ፕረዚደንት ማእከል ጂኦግራፍያዊ ቅርጽን ሓበሬታን ምስ ክልተ ኣብረታ ተጠጨውያ ንኣስታት 3 ወርሒ ዝጸንሐት ፍልይቲ ናይ ስእልን ካርታን ነፋሪት ንምምላስ ቅድሚ ሰለስተ ሰሙን ኣቢሎም’ዮም ናብ ጂዛን ተላኢኾም።

Read more...

ብዝቕባበን ዋሕዲ ናይ ወጻኢ ሸርፍን ኣብ ከቢድ መዋጥር ዝርከብ ባንክ ኤርትራ፣ ሓድሽ ናይ ወረቀት ባጤራ ይዝርግሕ ኣሎ

Radio Erena, March 7, 2014

Nakfa

ከቢድ ዝቕባበን ቁጠባዊ ቅልውላን ኣጋጢምዎ ዝርከብ ሃገራዊ ባንክ ኤርትራ፣ ንመበል ሳልሳይ ግዜኡ ሓድሽ ተወሳኺ ባጤራ ኣሕቲሙ።

ባጤራ ናቕፋ ኣብ 1997 ተሓቲሙ ናብ ዕዳጋ ክዝርጋሕ ኣንከሎ፣ ሓደ ዓይነት ሕብርን ዓቐንን ዘለዎ ናይ 5፣ 10፣ 20፣ 50ን 100ን ናይ ወረቐተ ገንዘብ ከምዘሕተመ ዝዝኽረ’ዩ።

እንተኾነ ባጤራ ናቕፋ ኣብ 17 ዓመት ከቢድ ዝቕባበን ድኽመት መጠን ሸርፍን ስለዘጋጠሞ፣ ብሕብርን ዓቐንን ሰብ የደናግር ኣሎ ብዝብል ምኽንያት ዝተፈልየ ዓቐንን ሕብርን ዘለዎ ተወሳኺ ናይ 50ን 100ን ናይ ወረቒት ገንዘብ ብምሕታም ከምዝዘርግሐ ይፍለጥ።

እንደገና’ውን፣ ናይ ወረቀጥ ባጤራ ናቕፋ ቀልጢፉ እርጋን ኣጋጢምዎ ብዝብል ምኽንያት፣ ሓድሽ ተወሳኺ ባጤራ ብምሕታም ክዝርግሕ ተገዲዱ።

ካብ ዝሓለፈ ሰሙን ኣትሒዙ ድማ ገና ብወግዒ ዘይተኣወጀ ናይ ካብ ናይ ቀደም ዝተፈልየ ሕብሪ ዘለዎ ናይ 10ን  20ን ባጤራ ዘርጊሑ ናብ ዕዳጋ የዋፍሮ ከምዘሎ ተገሊጹ።

Read more...

ዮሮፖል፣ ዘይሕጋዊ ምስግጋርን መሸጣን ኤርትራውያን ኣብ ሲናይ ንምግታእ ተበግሶ ክወስድ’የ ይብል

Radio Erena: March 6, 2014

europol

ዞባዊ ማሕበር ፖሊስ ኤውሮጳ- Europol ፣ እቲ ኣብ ሃገራት ኤውሮጳ ንዝርከቡ ኤርትራውያን ስድራቤታት ሰቖቓ ኮይንዎም ዘሎ፣ ካብ ዶብ ኤርትራ ክሳብ ሲናይ ዝፍምጸም ምስግጋርን መሸጣን ደቂ ሰብ ንምግታእ ተበግሶ ክወስድ ምዃኑ ኣፍሊጡ።

እቲ ኣካ ኣጉራዊ ማሕበር ፖሊስ Interpol ዝኾነ ዞባዊ ማሕበር፣ ኣብ ሽወደን ብፋልይ ኣ ስዊዘርላንድን ጀርመንን ድማ ብሓፈሻ ዝርከቡ ኤርትራውያን፣ ኣብ ሲናይ ተጨወዮም ንዝርከቡ ቤተሰቦምን መቕርቦን 10ታት ኣሽሓት ዶላር ክኸፍሉ ይግደዱ ምህላዎም ኣተሓሳሲቡ።

እቲ ገንዘብ ዝልኣኸሉ ኣገባብ ደው ንምባሉን ተሓበበርቲ ናይቲ ምስግጋር ዝኾኑ ኣካላትን ድማ ኣብ ቀይዲ ዝኣትውሉ መንገዲ ንምንዳይ፣ ኤሮፖል ምስ ኢንተርፖል ብምስምማዕ ክሰርሕ ምዃኑ’ውን ሓቢሩ።

Read more...

እስራኤል ኣስታት 10 ኤርትራውያን ናብ ርዋንዳ መሊሳቶም

Radio Erena: March 6, 2014

Rwanda Israel

መንግስቲ እስራኤል ናብ ርዋንዳ ዝመለሶም ትሽዓተ ኤርትራውያን ኣብ ኣሻቓሊ ኩነታት ከምዝርከቡ ናብ ሬድዮ ኤረና ብምድዋል ገሊጾም።

እቶም ዝሓለፈ ሰሙን ካብ እስራኤል ናብ ርዋንዳ ዝተመልሱ ኤርትራውያን፣ ኣብ ከባቢ ርእሰ ከተማ ኪጋሊ፣ ኣብ ዝርከብ ክፍሊ ተታሒዞም ብፖሊስ ብምፍርራሕ ይወርዶም ምህላዉ’ውን ጠቒሶም።

ፖሊስ ርዋንዳ ነቶም ካብ እስራኤል ዝተምልሱ ኤርትራውያን ናብ ወኪል ላዕለዋይ ኮሚሽን ስደተኛታት ውድብ ሕቡራት ሃገራት ኣብ ታሃገር ከራኽብዎም እኳ እንተሓተቱ፣ ፖሊስ ርዋንዳ ግና ንሕቶም ክሳብ እዚ እዋን’ዚ ነጽግዎ ይርከብ።

ኣብ ርእሲ’ዚ ድማ፣ እቶም ኤርትራውያን ዝነበሮም ገንዘብ ብስም ክራይን ካልእ ምኽንያታትን ብፖሊስ ርዋንዳ ይዝረፍ ምህላዉ ኣብቲ ምስ ሬድዮ ኤረና ዘካየድዎ ሓጺር ቃለ ምልልስ ሓቢሮም።

Read more...

ኣብ ከተማ ጁባ፣ ጽዕጹዕ ቶኽሲ ከምዝተኸፍተ ይግልጽ ኣሎ

Radio Erena: March 5, 2014

juba

መስርሕ ዘተ ንስምምዕ ሰላም ደቡብ ሱዳን፣ ደው ድሕሪ ምባሉ፣ ትማሊ ወጋሕታ ኣብ ርእሰ ከተማ ጁባ ኣብ ዝርከብ ወትሃደራዊ መዓስከር ቶዅሲ ከምዝተኸፍተ ምንጭታት ሬድዮ ኤረና ካብታ ከተማ ሓቢሮም።

ኣብ ደቡብ ሱዳን ቕድሚ ሰለስተ ወርሒ ኣብታ ከተማ ድሕሪ ዝፈለመ ግጭት፣ ናብ ካልኦት ከተማታት ልሒሙ፣ ነታ ሃገር ኣብ ተኣፋፊ ኩነታት ኣውዲቑዋ ይርከብ።

ይኹን’ምበር ጁባ ካብተን ካልኦት ከተማታት እታ ዝሓሸ ጸጥታ ዝጸንሓ ከተማ’ያ።

Read more...




Powered by Joomla!®. Designed by: free hosting no ads resell dot me domains Valid XHTML and CSS.