c


ዜና ኤርትራ

መንግስቲ ኤርትራ ኣብ ቀይዲ ዘጽንሖም 154 የመናውያን ገፈፍቲ ዓሳ ለቒቕዎም

Radio Erena: May 2, 2014

yemeni fish

ኣብ ኤርትራ ተታሒዞም ዝጸንሑ 154 የመናውያን ገፈፍቲ ዓሳ፣ ብሰሉስ 29 ሚያዝያ ናጻ ከምዝተለቑ ተሓቢሩ።

እቶም ካብ ኣዋርሕ ክሳብ ልዕሊ ሓደ ዓመት ኣብ ኤርትራ ተቐይዶም ዝጸንሑ 154 የመናውያን፣ ናብ ዓዶም ከምዝተፋነዉ ዝሓበረ ኣብ ኣስመራ ዝመደበሩ የመናዊ ዲፕሎማሰኛ መሓመድ ኣልዓዛኒ፣ ነቶም ተሪፎም ዘለዉ ድማ ኣብ ቀጻሊ ብናጻ ክፋነዉ ዘለዎ ተስፋ ገሊጹ።

ኣብዚ ዝሓለፈ ሰለስተ ወርሒ ብድምር 301 የመናውያን ገግፍቲ ዓሳ ከምዝተለቑ ዝሓበረ ኣገልግሎት ዜና የመን ድማ፣ ካብ ዝሓለፈ ዓመት ክሳብ እዚ እዋን'ዚ ኣስታት 1673 የመናውያን ገፈፍቲ ዓሳ በብእዋኑ ናብ ዓዶም ተፋንዮም ምህላዎም ኣረጋጊጹ።

Read more...

ልኡኽ መንግስቲ እስራኤል፣ ኣብ ኤርትራ ምስጢራዊ ምብጻሕ ፈጺሙ

Radio Erena: May 1, 2014

Eri Israel

ልኡኽ መንግስቲ እስራኤል ኣብ ኤርትራ ምስጢራዊ ምብጻሕ ከምዝፈጸመ ምንጭታት ሬድዮ ኤረና ሓቢሮም።

እቲ ዝሓለፈ ሰሙን ኣብ 23 ሚዝያዝያ ብምስጢር ኣብ ኣስመራ ዝበጽሐ ልኡኽ መንግስቲ እስራኤል፣ ምስ ፕረዚደንት ኢሳይያስ ኣፈወርቂ ብዕጹው ድሕሪ ምዝርራብ ንጽባሕቱ 24 ሚያዝያ ናብ እስራኤል ከምዝተመልሰ’ውን እቲ ዝበጽሓና ሓበሬታ የመልክት።

ዕላማ ሚስጢራዊ ዑደት ልኡኽ መንግስቲ እስራኤል ኣብ ኤርትራ ብንጹር እኳ እንተዘይተፈልጠ፣ ብዛዕባ’ቲ እስራኤል ኣብ ቀይሕ ባሕሪ ዘለዋ ስኽፍታን ኩነታት ኣብ እስራኤል ናይ ዝርከቡ ኤርትራውያንን ንምዝታይ ዝዓለም ክኸውን ከምዝክእል ይግምገም።

Read more...

ፕረዚደንት ሶማል ናብ ጅቡቲ ዑደት ኣካይዱ

Radio Erena: May 1, 2014

somali pre

ፕረዚደንት ፈደራላዊ መንግስቲ ሶማል ሓሰን ሸኽ ማሕሙድ ኣብ ጅቡቲ ናይ ሓደ መዓልቲ ዑደት ኣካይዱ።

እቲ ፕረዚደንት ኣብ ጅቡቲ ኣብ ዘካየዶ ዑደት ምስ ፕረዚደንት እስማዒል ዑመር ጉለ ብምርኻብ፣ ንክልቲኤን ሃገራት ኣብ ዝጸሉ ህሉው ኩነታት ዞባ ቀርኒ ኣፍሪቃ ዘትዮም።

ፕረዚደንት ሓሰን ሸኽ ማሕሙድ፣ ድሕሪ’ቲ ምስ ፕረዚደንት ጅቡቲ ዘካየዶ ርክብ፣ ምስ ቴሌቪዥን እታ ሃገር ኣብ ዘካየዶ ቃለ መጠይቕ፣ መንግስቲ ሶማል ምስ ኩለን ጎረባብቲ ሃገራት ጥቡቕ ዝምድና ክምስርት ከምዝደሊ ገሊጹ።

Read more...

ው.ሕ.ሃገራት ኣብ ደቡብ ሱዳን ዝነበሩ 500 ኣባላቱ ናብ ኡጋንዳ ኣግዒዙ

Radio Erena: May 1, 2014

UN relocated

ኩነታት ደቡብ ሱዳን ዘሰከፎ ውድብ ሕቡራት ሃገራት፣ ኣብታ ሃገር ንዝነበሩ ልዕሊ 500 ኣባላቱ ኣውጺእዎም።

እቶም ኣብ ዝተፈላለየ ከባቢታት ደቡብ ሱዳን ተዋፊሮም ዝነበሩ ሰራሕተኛታት ልኡኽ ውድብ ሕቡራት ሃገራት፣ ኣብቲ ዝንቐሳቐስሉ ከባቢታት ኣንጻሮም ዝቐንዐ መጥዕቃዕታት ብምሕያሉ፣ እቲ ውድብ ካብታ ሃገር ከምዘውጽኦም ኣብ ዘቕረቦ ጸብጻብ ኣፍሊጡ።

Read more...

ካብ ዓድታት ዞባ ማእከልን ዓንሰባን ናብ ጋሽ ባርካ ክወርዱ ዝተገደዱ ኣስታት 2 ሽሕ ሓረስቶት፣ ኣብ ከቢድ ክሳራ ከምዝወደቑ ገሊጾም

Radio Erena: April 30, 2014

Dry Season in Eritrea

ኣብ ዝሓለፈ ዓመት ካብ ሓያሎ ዓድታት ዞባ ማእከልን ዓንሰባን ናብ ከባቢ ኦምሓጀር ወሪዶም ክሓርሱ ዝወሰኑ ልዕሊ 2 ሽሕ ሓረስቶት፣ ብሰንኪ ምሕደራ መንግስቲ ኣብ ከቢድ ክሳራ ከምዝወደቑ ኣማሪሮም።

እቶም እኹል ማይን ናይ ሕርሻ መሬትን ኣብ ዘይብሉ ዓድታት ዞባ ማእከልን ዓንሰባን ስለዘለኹም መንግስቲ ክሕግዘኩም ናብ ጋሽ ባርካ ውረዱ ተባሂሎም ዝተደፋፍኡ ሓረስቶት፣ ኣብ ከባቢታት ቓጨሮ፣ ኦምሓጀር፣ ሳሙናይትን ጎልጅን ንነፍሲ ወከፎም ከክልተ ሄክታር መሬት ተዓዲልዎም መሸላ እኳ እንተዘርኡ፣ ብሰንኪ ዘይንቡር ክራማትን፣ ምሕደራ መንግስትን ጥራይ ኢዶም ከምዝተረፉ’ዮም ዝገልጹ።

Read more...




Powered by Joomla!®. Designed by: free hosting no ads resell dot me domains Valid XHTML and CSS.