c


ዜና ኤርትራ

ዓመተ 2014፣ ዓመተ ለውጢ ንኽትከውን ኤርትራውያን ደለይቲ ደሞክራስያዊ ለውጢ ጻዕርታቶም ከሓይሉ ምዃኖም ተመባጺዖም

Radio Erena: January 1, 2014

 

ዓመተ 2014: ዓመተ ለውጢ ክትከውን ጻዕርታቶም ከሐይሉ ምዃኖም ዝተፈላለዩ ጉጅለታት ኤርትራውያን ደለይቲ ደሞክራስያዊ ለውጢ ገሊጾም።

2013 ከም ፍጻሜ ፍሮቶ ዝኣመሰለ ኣብ ታሪኽ እዚ 21 ዓመት ናይ መጀመርያ ተርእዮታት ዝተኸስተላ ምዃኑ ዘዘኻኸሩ እቶም ደለይቲ ደሞክራስያዊ ለውጢ፣ እዚ ድማ ህዝቢ ሰራዊትን ኤርትራ ማዕረ ክንደይ ለውጢ ደልዩ ከምዘሎ ዝእንፍት'ዩ ክብሉ ኣረዲኦም።

Read more...

መመንጨዊ ጸዓት ሕርጊጎ ኣብ ዓመተ 2014 ብሓገዝ ኮርፖሬሽን ሻንጋይ ብ66% ክዓቢ'ዩ ተባሂሉ

Radio Erena: January 1, 2014

hirgigo

መንግስቲ ኤርትራ፣ ነቲ ኣብ ሕርጊጎ ዝርከብ መመንጨዊ ሓይሊ ኤሌክትሪክ ብ66 % ንምዕባዩ ምስ ምስ ሓደ ናይ ቻይና ኩባንያ ተሰማሚዑ ይሰርሓሉ ምህላዉ ምንጭታት ሬድዮ ኤረና ሓቢሮም።

እቲ ብሓገዝ ቁጠባዊን ቴክኖሎጅን ኮርፖሬሽን ሻንጋይ ማለት (SFECO) ተጀሚሩ ዘሎ ምዕባይ መመንጨዊ ሓይሊ ኤልክትሪክ ሕርጊጎ፣ ኣብ መጀመርያ ኣዋርሕ 2014 ተዛዚሙ ንኣግልግሎት ክበቕዕ ትጽቢት ኣሎ።

ብመሰረት እዚ ተታሒዙ ዘሎ መመንጨዊ ጸዓት ናይ ምዕባይ መስርሕ፣ ሕርጊጎ ካብ ዘመንጭዎ ዘሎ 88 ሜጋዋት ናብ 132 ክዓቢ ምዃኑ እቶም ሬድዮ ኤረና ዝተወከሰቶም ምንጭታት ኣፍሊጦም።

Read more...

ኣብ ማይ ዓይኒን ዓዲ ሓሩሽን ብኤርትራውያን ስደተኛታት ዝተኻየደ ተቓውሞ ወዲብኩም ተባሂሎም ኣብ ቀይዲ ዝርከቡ 11 ኤርትራውያን፣ ጉዳዮም ናብ ቤት ፍርዲ ክቐርብ’ዩ

Radio Erena: December 31, 2013

 

ኣብ ኢትዮጵያ መዓስከራት ማይ ዓይንን ዓዲ ሓሩሽን ብኤርትራውያን ስደተኛታት ንዝተኻየደ ናይ ተቓውሞ ሰልፊ ወዲብኩም ተባሂሎም ኣብ ቀይዲ ዝጸንሑ 11 ኤርትራውያን ናብ ቤት ፍርዲ ክቐርቡ ምዃኖም ምንጭታት ሬድዮ ኤረና ሓቢሮም።

እቶም ኣብ ማይ ጸብሪ ኣብ ዝርከብ ቤት ማእሰርቲ ዝጸንሑ ኤርትራውያን ቀሪብሎም ዘሎ ክሲ፣ ዘይሕጋዊ ኣኼባን ሰልፍን ብምውዳብን ብሰንኩ ድማ ክሳብ 115 ሽሕ ዝግመት ንብረት ብምዕናውን ዝብል’ዩ።

እዞም ተኸሲሶም ዘለዉ 11 ኤርትራውያን ናብ ቤት ፍርዲ ኣብ ዝቐርብሉ ድማ ኣንጻሮም ሽዱሽተ መሰኻክር ተዳልዮም ከምዘለዉ ተፈሊጡ ኣሎ።

እቶም ኣብ ኢትዮጵያ ኣብ ማይ ጸብሪ ክሳብ እዚ አዋን’ዚ ኣብ ቀይዲ ዝጸንሑ 11 ኤርትራውያን እዞም ዝስዕቡ’ዩ።

Read more...

ኣብ ደቡብ ሱዳን፣ ካብ ከተማታት ቦርን ባንትዩን ናብ ጁባ ዝገዓዙ ኤርትራውያን፣ ኣብ ጁባ ዝርከቡ ኤርትራውያን ወገናቶም ዝገበረሎም ሓገዝ ኣመስጊኖም

Radio Erena: January 1, 2014

 

ኣብ ደቡብ ሱዳን ከተማታት ቦርን ባንቱን ተዓጊቶም ዝጸንሑ ቆልዓ ሰበይቲ ዝርከብዎም ልዕሊ 200 ኤርትራውያን፣ ብሓገዝ ውድብ ሕቡራት ሃገራት ናብ ጁባ ድሕሪ ምግዓዞም፣ ኣብ ጁባ ዝጸንሑ ኤርትራውያን ወገናቶም ዝገበርሎም ምትሕግጋዝ ኣመስጊኖም።

እቶም ኣብ ቦርን ባንቱይን ኣብ ዝረብ ቀጽሪ ውድብ ሕቡራት ሃገራት ተዓቝቦም ዝጸንሑ ኤርትራውያን፣ ንብረቶም ብምሉኡ ተዘሪፉ ጥራይ ኢዶም ናብ ጁባ እኳ እንተኣተዉ፣ ኣብ ጁባ ዝጸንሑ ኤርትራውያን ዝገበርሎም ሓገዝ ግና ንግዚኡ ዝከውን መዕቖብ መግብን ክዳውንትን ክረኽቡ ከምዝኽኣሉ ሓደ ሓደ ካብኣቶም ናብ ሬድዮ ኤረና ንምድዋል ኣረጋጊጾም።

Read more...

ኣባላት ጸጥታ መንግስቲ ኤርትራ፣ ሓደ ፓይሎት ዝርከቦም ሓያሎ ኣባላት ሓይሊ ኣየር ኤርትራ ኣሲሮም

Radio Erena: 30 December 2013

Eraf 3

 ኣባላት ጸጥታ መንግስቲ ኤርትራ፣ ሓደ ፓይሎት ዝርከቦም ሓያሎ ኣባላት ሓይሊ ኣየር ኤርትራ ኣብ ቀይዲ ከምዘእተዉ ምንጭታት ሬድዮ ኤረና ሓቢሮም።

እቶም ኣብ ዝሓለፈ ኣዋርሕ ከካብ ገዝኦም ዝተወስዱ ኣባላት ሓይሊ ኣየር ኤርትራ፣ ካብ ተለንተ ክሳብ ናይ ካፕቴን ማዕረግ ዘለዎም ኮይኖም፣ ሓደ ካብኣቶም ካፕቴን ሃብቶም ዝተባህለ ኣብራሪ ነፋሪት ምዃኑ ክፍለጥ ተኻኢሉ።

Read more...




Powered by Joomla!®. Designed by: free hosting no ads resell dot me domains Valid XHTML and CSS.