c


ዜና ኤርትራ

ስርሑ ኣቋሪጹ ዝጸንሐ መንገዲ ኣየር ኤርትራ፣ ብክራይ ብዘምጽኣ ሓንቲ ነፋሪት ናብ ጅዳን ዱባይ ግዝያዊ በረራታት ክጅምር'ዩ

Radio Erena: April 25, 2014

eri airlines

ብሰንኪ ክሳራታትን ውሕስነት ዘይብሉ መጓዓዝያን በረራታቱ ኣቛሪጹ ዝጸንሀ መንገዲ ኣየር ኤርትራ፣ ብሓንቲ ናይ ክራይ ነፋሪት ካብን ናብን ኣስመራ ጅዳን ኣስመራ ዱባይን ሓድሽ በረራታት ክጅምር'ዩ።

መንገዲ ኣየር ኤርትራ ካብ ዝምስረት ኣብ ውስጢ 10 ዓመቱ ናይ ኣስታት 50 ሚልዮን ዶላር ክሳራ ኣጋጢምዎ ደው ክብል እኳ እንተተገደደ፣ ኣብ ሳዋ ንዝካየድ ፌስቲቫልን ናይ ክረምቲ ዕረፍቲ ግዜኦም ኣብ ኤርትራ ከሕልፉ ንዝመርጹ ኤርትራውያን ደገፍቲ መንግስቲ ኣብ ግምት ብምእታው፣ መንግስቲ ኤርትራ፣ ብክራይ ወይ ብሊዝ ብዝሓዛ ሓንቲ ነፋሪት ነቲ ካብን ናብን ኣስመራ ጂዳን ዱባይን መስመራት ክሽፍኖ ምዃኑ’ዩ ዝግለጽ ዘሎ።

Read more...

ፕረዚደንት ሳልቫኪር፣ ካብ ዓሌት ኑዌር ዝኾኑ ላዕለዎት ኣዘዝቲ ሰራዊት ካብ መዝነቶም ብምስጓግ ብዓሌት ዲንካ ተኪእዎም

Radio Erena: April 25, 2014

genrela james

ፕረዚደንት ደቡብ ሱዳን ሳልቫኪር ሚያርዲት፣ ምስ ተቓወምቲ ርክብ ከይህልዎ ንዝጠርጠሮ ሓለቓ ስታፍ ሰራዊት እታ ሃገር ካብ መዝነቱ ሰጉጉዎ።

እቲ ፕረዚደንት ካብ ዓሌት እቶም ብሬክ ማሻር ዝምርሑ ተቓወምቲ- ኑዌር ንዝኾነ ሓለዋ ስታፍ ሰራዊት እታ ሃገር ጀነራል ጄምስ ሆት ማይ ካብ መዝነቱ ዝሰጎገሉ ምኽንያት፣ ድሕሪ’ቲ ከተማ ባንትዩን ነዳዲ ዝኮዓተሉ ከባብቢታትን ኣብ ኢድ ተቓወምቲ ምውዳቑ’ዩ።

ተቓወምቲ ደቡብ ሱዳን ዝሓለፈ ሰሙን ኣብ ዞባ ዩኒቲ ንእትርከብ ከተማ ባንቱዩ ምቁጽጻሮም ነዳዲ ዝኳዓተሉ ጎዳጉድን ካብ ስራሕ ደው ኣቢሎሞ ምህላዎም ዝፍለጥ’ዩ።

Read more...

ፓትርያርክ ኦርቶዶክሳውያን ኣብያተ ክርስትያን ኢትዮጵያን ግብጽን፣ ኣብ ሞንጎ ክልቲኤን ሃገራት ብሰንኪ ተፈጢሩ ዘሎ ኩነታት ዑደቶም ሰሪዞም

Radio Erena: April 24, 2014

Abune Mathias

ኣብ ሞንጎ ኢትዮጵያን ግብጽን ተፈጢሩ ብሰንኪ ዘሎ ዲፕሎማስያዊ ምትፍናን፣ ፓትርያርክ ኦርቶዶክሳዊት ቤተ ክርስትያን ኢትዮጵያ ኣቡነ ማትያስ፣ ናብ ግብጺ ከካይድዎ ዝተወጠነ ዑደት ተሰሪዙ።

ሳባሕ ዝተባህለ መዓልታዊ ጋዜጣ ግብጺ ስሞም ንዝዓቐበቶም ምንጭታታ ብምጥቃስ ኣብ ዘቕረብቶ ጸብጻብ፣ ግብጽን ኢትዮጵያን ኣብ ምስሕሓብ እንከለዋ፣ ኣቡነ ማትያስ ናይ ኢትዮጵያ ናብ ግብጺ ዑደት ከካይዱ ካልእ ሳዕቤን ከይህልዎ ካብ ዝብል ስግኣት ዑደቶም ክስርዙ ብፓትርያርክ ኦርቶዶክሳዊት ቤተ ክርስትያን ግብጺ ኣቡነ ቴዎድሮስ ካልኣይ ስለዝተነግሮም’ዩ።

Read more...

ሕ.ኢ. ዓረብ ንሓሙሽተ ሽሕ ኤርትራውያን ቆልዑ ናይ ክዳውንቲ ሓገዝ ኣበርኪታ

Radio Erena: April 24, 2014

Eritrean Children

ኣብ ሕቡራት ኢማራት ዓረብ ዝመደበሩ ማሕበር ቀይሕ ወርሒ፣ ንኣስታት 5 ሽሕ ኤርትራውያን ቆልዑ ናይ ክዳውንቲ ሓገዝ ከምዘበርከተ ኣገልግሎት ዜና ኢማራትስ ኣፍሊጡ።

እቲ ብማሕበር ቀይሕ ወርሒ ዝተለገሰ ክዳውንቲ፣ ከም ኣካል ናይቲ ሸኽ መሓመድ ቢን ራሽድ ዝተመወለ ንሓደ ሚልዮን ድኻታት ቆልዑን ህጻናትን ንምኽዳን ዝዓለመ ፕሮጀክት ምዃኑ’ውን እቲ ማዕከን ዜና ገሊጹ።

እቲ ን5 ሽሕ ኤርትራውያን ቆልዑ ዝተለገሰ ክዳውንቲ፣ ትማሊ 23 ሚያዝያ ናብ ሽዱሽቲኤን ዞባታት ኤርትራ ከምዝተኸፋፈለ’ውን እቲ ሓበሬታ ይጠቕስ።

Read more...

ሱዳን ኣብ ልዕሊኣ ዝተነብረ እገዳ ንኽልዓል ምስ ኣመሪካ ቀጥታዊ ዝርርብ ከተካይድ ከምእትደሊ ገሊጻ

Radio Erena: April 24, 2014

Carter Al Bashir

መንግስቲ ሱዳን ኣብ ልዕሊኡ ዝተነብረ እገዳ ንክልዓለ ምስ ኣመሪካ ቀጥታዊ ዝርርብ ከካይድ ድሉው ከምዘሎ ኣፍሊጡ።

እቲ ካብ 1997 ኣትሒዙ ኣብ ልዕሊ ሱዳን ጸኒዑ ዘሎ እገዳ ንኽልዓለ፣ ፓርላማ ሱዳን ምስ ባይቶ ኣመሪካ ቀጥታዊ ዝዝርከብ ከካይድ ከምዝደሊ ኣፈኛ እቲ ፓርላማ ኣል ፈትሕ ዒዛዲን ገሊጹ።

እቲ ን17 ዓመታት ጸኒዑ ዘሎ እገዳ፣ ንሱዳን ብኸቢድ ከምዝሃሰያ ዘዘኻኸረ ኣፈኛ ፓርላማ ሱዳን፣ ኣብ ምዕባለን ቴክኖሊጅን ርክባት ብፍላይ ድማ ኣብ መጓዓዝያ ነፈርቲ ነታ ሃገር ንድሕሪት ከምዝመለሳ ተኣሚኑ።

Read more...




Powered by Joomla!®. Designed by: free hosting no ads resell dot me domains Valid XHTML and CSS.