c


ዜና ኤርትራ

ኤርትራዊት ሩቕያ ያቖብ ሓላፊት ፕሮግራም መግቢ ዓለም ኣብ ጋና ኮይና ተመዚዛ

Radio Erena: 07 August 2017

Rukia Yacoub

ሕቡራት ሃገራት ፕሮግራም መግቢ ዓለም ((WFP) ንኤርትራዊት ሩቕያ ያቖብ ቀዋሚት ወኪሉ ኣብ ጋና ክትከውን ከምዝመዘዛ ኣፍሊጡ።

እቲ ኣህጉራዊ ትካል ዝሓለፈ ሰሙን ኣብ ዘውጽኦ መግለጺ፣ ኤርትራዊት ሩቕያ ያቖብ ነቲ ተመዚዛትሉ ዘላ ሓላፍነት ብዝግባእ ከተሰላስል ዘኽእላ ብቕዓትን ተመክሮን ከምዘለዋ መስኪሩ።

ንሳ ካብ 2009 ክሳብ 2014 ንሓሙሽተ ዓመታት ከም ምክትል ዳይረክተር ፕሮግራም መግቢ ዓለም ኣብ ግብጺ ኮይና ከተገልግክ ድሕሪ ምጽናሕ ኣብ 2014 ከኣ ብተመሳሳሊ መዝነት ኣብ የመን ኣገልጊላ'ያ።

Read more...

ክልተ ባክታት ስዊዘርላንድ ኣብ ትካል ዕደና ነቭሰን ወፍሪ የካይዳ

Radio Erena: 06 August 2017

bisha workers       ክልተ ባንክታት ስዊዘርላንድ፣ ኣብ ኤርትራ ኣብ ዕደና ምስ ዝነጥፍ ዘሎ ነቭሰን ሪሶርስስ ወፍሪ ከምዘካየዳ፣ ኣር.ቲ.ኤስ. ዝተባህለ ማዕከን ሓበሬታ ኣቃሊዑ።

       እቲ ኣብ ስዊዘርላንድ ዝመደበሩ ማዕከን ሓበሬታ ብሓሙስ ኣብ ዝዘርገሖ ዜና፣ ሃገራዊ ባንኪ ስዊስ (SNB) ከምኡ’ውን ናይ ዙሪክ ካንቶን ባንኪ (ZCB) ምስቲ ብባርነት ዕደናዊ ንጥፈታቱ የካይድ ኣሎ ተባሂሉ ኣብ ካናዳ ክሲ ተመስሪቱሉ ዘሎ ትካል ነቭሰን ብርክታት ብምግዛእ፣ ኣታዊታት ይረኽባ ከምዘለዋ ኣቃሊዑ።

Read more...

ደቡብ ሱዳን፣ መስመር ጁባ -ኒሙለ፣ ኣብ ልዕሊ ኣውቶቡስ ብዝተፈጸመ መጥቃዕቲ ብውሕዱ 4 ተጓዓዝቲ ተቐቲሎም

Radio Erena: 04 August 2017

juba

ካብ ጁባ፣ ርእሰ ከተማ ደቡብ ሱዳን ናብቲ ምስ ኡጋንዳ ዘራኽብ ዶብ ኒሙለ እትጉዓዝ ኣብ ልዕሊ ዝነበረት ኣውቶቡስ ብሮቡዕ 2 ነሓሰ ብዝተፈጸመ መጥቃዕቲ ብውሕዱ ኣርባዕተ ተጓዓዝቲ ተቐቲሎም።

መንነት ናይቶም ዝተቐትሉ ኣርባዕተ ሰለማውያን ሰባት ኣይተነጸረን።

ይኹን'ምበር በታ ኣውቶቡስ ዝጎዓዙ ዝነበሩ ክልተ ወትሃደራት መንግስቲ ደቡብ ሱዳን'ውን በቲ መጥቃዕቲ ከምዝተቐትሉ'ዮም ምንጭታት ዜና ካብ ጁባ ዝሕብሩ።

ዕሙር ናይ ንግዳዊ መስመር፣ ጁባ-ኒሙለ፣ ምስ ስርቅን ዘረፋን ብዝተሓሓዝ ተደጋጋሚ እዋን መጥቃዕቲ ክፍጸመሉ ጸኒሑ'ዩ።

Read more...

መብዛሕትኦም ኤርትራውያን ዝኾኑ 272 ስደተኛታት ኣብ ባሕሪ ካብ ምጥሓል ድሒኖም

Radio Erena: 04 August 2017

eri

መብዛሕትኦም ኤርትራውያን ምዃኖም ዝተሓበሩ 272 ስደተኛታት ኣብ ማእከላይ ባሕሪ ካብ ምጥሓል ድሒኖም።

ኣብ ማእከላይ ባሕሪ ኣብ ምድሓን ስደተኛታት ዝነጥፍ ዘሎ ሓካይም ብዘይዶብ ዝተባህለ ኣህጉራዊ ትካል ብትዊተር ኣብ ዝዘርግሖ ሓበሬታ፣ ካብቶም ብ2 ነሓሰ ዝደሓኑ ስደተኛታት 57 ደቂንስትዮን 4 ቆልዑትን ከምዝርከብዎም ኣፍሊጡ።

እቲ ትካል ብዘይካ'ዚ ናይ ትሽዓተ ሰባት ሬሳ'ውን ካብ ባሕሪ ከምዘውጽአ ሓቢሩ።

Read more...

ኤርትራዊ ኣሰልጣኒ ሃገራዊት ጋንታ ኩዕሶ እግሪ ግሪንላንድ፣ ብዓሌታዊ ኣድልዎ ካብ ስርሑ ከምዝተሰጎገ ገሊጹ

Radio Erena: 03 August 2017

tekle ghebrelulተኽለ ገብረልኡል ዝተባህለ ኤርትራዊ ዝመበቖሉ ኣሰልጣኒ ሃገራዊት ጋንታ ኩዕሶ እግሪ ግሪንላንድ፣ ፈደረሽን እታ ርእሰ ምምሕዳር ብዓሌታዊ ኣድልዎ ካብ ስርሑ ከምዝሰጎጎ ገሊጹ።

ኣገልግሎት ዜና ፈረንሳ AFP ብዘቕረቦ ሓበሬታ መሰረት፣ ተኽለ ገብረልኡል ንሃገራዊት ጋንታ ግሪንላንድ ንኣርባዕተ ዓመታት ዘሰልጠነ ክኸውን እንከሎ፣ ብተደጋጋሚ እዋን ግዳይ ዓሌታዊ ጸርፍታት ክኸውን ከምዝጸንሐ'ዩ ዘመልክት።

Read more...




Powered by Joomla!®. Designed by: free hosting no ads resell dot me domains Valid XHTML and CSS.