c


ዜና ኤርትራ

ኢጋድ፣ ልዕሊ 1600 ወትሃደራት ናብ ደቡብ ሱዳን ከዋፍር'ዩ

Radio Erena: 26 November 2018

IGAD army chiefs

ኢጋድ፣ ካብ ሓሙሽተ ሃገራት ዝተዋጽአ 1695 ወትሃደራት ዝሓቖፈ ሰራዊት ናብ ደቡብ ሱዳን ከዋፍር ምዃኑ ተሓቢሩ።

እቲ ካብ ሱዳን፣ ኡጋንዳ፣ ኬንያ፣ ጅቡቲን ሶማልን ዝዋጻአ ሰራዊት፣ ኣብ ሓለዋን ምክልኻልን ናይቲ ግርጭታት ዝርኣየሉ ከባቢታት ዝርከብ ህዝቢ ክዋፈር'ዩ።

ኢጋድ ነዚ ሓይሊ ከዋፍር ዝወሰነ፣ ጠቕለልቲ ሓለቓ ስታፍ ሰራዊት ኣባላት እቲ ዞባዊ ውድብ ካብ 19 ክሳብ 22 ሕዳር ኣብ ኣዲስ ኣበባ ድሕሪ ዘካየድዎ ኣኼባ ምዃኑ ሱዳን ትሪቡን ይጠቕስ።

አቐዲሞም እቶም ላዕለዎት ኣዘዝቲ ሰራዉት፣ ኣብ ካርቱም ኣብ ዘካየድዎ ኣኼባ፣ ብዛዕባ ህሉው ወትሃደራውን ጸጥታን ኩነታት ደቡብ ሱዳን ከምዝዘተዩ ዝዝከር'ዩ።

Read more...

እስራኤል፣ ስደተኛታት ነናብ ሃገሮም ክትጥርዝ ዘኽእላ ንድፊ ሕጊ ናብ ባይቶ ቀሪቡ

Radio Erena: 25 November 2018

 eri in israeእስራኤል ኣብ ሃገራ ዘለዉ ስደተኛታት ነናብ ሃገሮም ክትጥርዝ ዘኽእላ ንድፊ ሕጊ ናብ ፓርላማ’ታ ሃገር ቀሪቡ።

እቲ ብረቡዕ 21 ሕዳር ብሰልፊ ሊኲድ ዝቐረበ ንድፊ፣ ብፍላይ ኤርትራውያን ስደተኛታት፣ ‘ብሰንኪ ኣብ ሃገሮም ዘሎ ኲናት’ ተባሂሉ ክምኽነ ዝጸንሐ፣ ድሕሪ ሕጂ ቅቡል ኣይኮነን፣ ክብሉ ነቲ ንድፊ ዘቕረቡ ኣባላት’ቲ ፓርላማ ገሊጾም።

ንሳቶም ኣብ መግለጺኦም፣ ስምምዕ ሰላም ኤርትራን ኢትዮጵያን ተግባራዊ ካብ ዝኾነሉ ዕለት ጀሚሩ፣ ኣብ መንጎ’ዘን ሃገራት ዝነበረ ናይ ኲናት ሃዋሁ ስለዝተቐንጠጠ፣ ኣባላት ሃገራዊ ኣገልግሎት ኮኑ፣ ካብ ውትህድርና ዘምለጡ ዜጋታት ኤርትራ፣ ናብ ሃገሮም ክጥረዙ ዝብል እማመ’ዮም ኣቕሪቦም።

እቲ ንድፊ እማመ ክዝተየሉ እኳ እንተኾነ፣ ብዘይተቓውሞ እንተጸዲቑ ግና፣ ሚኒስትሪ ውሽጣዊ ጉዳያት’ታ ሃገር፣ ንኤርትራውያን ስደተኛታት ብዘይቅድመ ኩነት ናብ ሃገሮም ክጥርዞም ዘኽእሎ ሓላፍነት ክውንን እዩ።

Read more...

ኣባላት ባይቶ ኣመሪካ፣ ጉዳይ ሰብኣዊ መሰላት ኤርትራ ህጹጽ ቆላሕታ ክወሃቦ ሓቲቶም

Radio Erena: 22 November 2018

US Congresmen

መንግስቲ ኣመሪካ፣ ንጉዳይ ሰብኣዊ መሰላት ኤርትራ ህጹጽ ቆላሕታ ክህቦ፣ ክልተ ኣባላት ባይቶ ሓቲቶም።

እቶም፣ ተወከልቲ ኮሚሽን ሰብኣዊ መሰላት ኣብ ባይቶ ኣመሪካ ዝኾኑ ጀመስ መጋቨርን ራንዲ ሃልቲግሪን፣ ናብ ጸሓፊ ጉዳያት ወጻኢ ማይክ ፖሞዮ፣ ኣብ ዝልኣኽዎ ደብዳቤ፣ ኣብ መንጎ ኣመሪካን ኤርትራን ዝህሉ ዝምድና፣ ንምምሕያሽ ሰብኣዊ መሰላት ቀዳምነት ክህብ ተላብዮም።

ንሳቶም ኣብቲ ብ19 ሕዳር ዝዘርግሖ መግለጺ፣ ኤርትራ ኣብ መዳይ ሰብኣዊ መሰላት ከተመሓይሾ ዘለዋ ኣርባዕተ ነጥብታት ዘርዝሪሮም።

ኣባላት ባይቶ ኣመሪካ፣ ኣብ ኤርትራ ክመሓየሽ ኣለዎ ዝበልዎ ኣርባዕተ ነጥብታት፣- ናይ ግዜ ገደብ ዘይብሉ ሃገራዊ ኣገልግሎት፣ ኣብ ልዕሊ ኣመንቲ ዝተፈላለያ እምነታት ዝፍጸም ዘሎ በደላት፣ ምፍታሕ ናይ ፖለቲካ እሱራትን መሰል ምንቕስቓስ ዜጋታት ምኽባርን ዝብል'ዩ።

Read more...

ላዕለዋይ ዲፕሎማሰኛ ኣመሪካ ናብ ኤርትራ ክበጽሕ'ዩ

Radio Erena: 22 November 2018

US ass. Sec

ብተሓጋጋዚ ጸሓፊ ጉዳያት ወጽኢ ኣብ ጉዳያት ኣፍሪቃ፣ ቲቦር ናጅ ዝምራሕ ላዕለዋይ ዲፕሎማሰኛ ኣመሪካ፣ ኤርትራ ናብ እትርከበን ኣርባዕተ ሃገራት ቀርኒ ኣፍሪቃ ክበጽሕ'ዩ።

እቲ ኣመሪካዊ ዲፕሎማሰኛ፣ ካብ 27 ሕዳር ኣትሒዙ ክሳብ 8 ታሕሳስ ኣብ ዘካይዶ ናይ ዞባ ቀርኒ ኣፍሪቃ ዑደት፣ ምስ መራሕቲ ኤርትራ፣ ኢትዮጵያ፣ ጅቡቲን ኬንያን ብምርኻብ፣ ኣብ ንግዲ፣ ሰላምን ጸጥታን ከምኡ ድማ ምምዕባል ዓቕሚ መንእሰያት ኣፍሪቃ ኣብ ዝብሉ ነጥብታት ክዝቲ ምዃኑ፣ ሎሚ ሮቡዕ 22 ሕዳር ካብ ቤት ጽሕፈቱ ዝወጸ መግለጺ የነጽር።

ብዘይካ'ዚ ንሱ፣ ምስ ኣዘዝቲ ሰራዊት እዚ ኣመሪካ ኣብ ኣፍሪቃ ብምርኻብ'ውን ኣብ ወትሃደራውይን ጸጥታን ኩነታት እቲ ዞባ ክመያየጥ'ዩ።

ኣብ ልዕሊ'ዚ'ውን ምስ ወከልቲ ሕብረት ኣፍሪቃን ኢጋድን ክርኸብ ትጽቢት ኣሎ።

Read more...

ዝበዝሐ ወጻኢታቱ ብመንግስቲ ኤርትራ ዝተመወለ ቅድድም ብሽክለታ ዋንጫ ኣፍሪቃ ይካየድ ኣሎ

Radio Erena: 22 November 2018

cycling eriዝበዝሐ ወጻኢታቱ ብመንግስቲ ኤርትራ ዝተመወለ ቅድድም ብሽክለታ ዋንጫ ኣፍሪቃ ካብ ትማሊ ሮቡዕ 21 ሕዳር ጀሚሩ፣ ይካየድ ኣሎ።

እዚ ብኣህጉራዊ ማሕበር ቅድድም ብሽክለታ ተፈላጥነት ዘለዎ ቅድድም ብሽክለታ ዋንጫ ኣፍሪቃ፣ ኣብ ኤርትራ ንፈለማ እዋኑ'ዩ ዝካየድ ዘሎ።

ኣብዚ ቅድድም፣ ልዕሊ 10 ሃገራት ኣፍሪቃ ክሳተፋ ትጽቢት እኳ እንተነበረ፣ተቐዳደምተን ናብ ኣስመራ ዝልኣኻ ግና ኢትዮጵያ፣ ርዋንዳ፣ ደቡብ ኣፍሪቃ፣ ግብጺ፣ ናይጀርያ፣ ቤኒንን ሲሸልስን ጥራይ'የን።

ዕላማ'ዚ ብወጻኢታት መንግስቲ ኤርትራ ተመዊሉ ዝካየድ ዘሎ ቅድድም ብሽክለታ፣ ብዘይካ'ቲ ኤርትራ ኣብዚ ዓውዲ ስፖርት ዘለዋ ዓቕሚ ከጉልሕ ዘለዎ ትጽቢት፣ ፖለቲካዊ ምስሊ ኤርትራ ንምምሕያሽ ተባሂሉ ዝእንገድ ዘሎ ምዃኑ ዝተፈላለዩ ወገናት ይጠቕሱ።

Read more...




Powered by Joomla!®. Designed by: free hosting no ads resell dot me domains Valid XHTML and CSS.