c


ዜና ኤርትራ

ኤርትራ ዝመደበሮም ተቓወምቲ ትግራይ ናብ ዓዶም ተፋንዮም

Radio Erena: 10 October 2018

TPDM

ኣብ ኤርትራ ዝመደበሮም፣ ኣንጻር መንግስቲ ኢትዮጵያ ብረት ዝዓጠቑ ኣስታት 2 ሽሕ ኣባላት ደምህት ወይ ደሞክራስያዊ ምንቅስቓስ ህዝቢ ትግራይ ብ8 ጥቅምቲ ናብ ዓዶም ተፋንዮም።

ንሳቶም ብመንገዲ ዛላምበሳ ናብ ኢትዮጵያ፣ ክልል ትግራይ ኣብ ዝኣተውሉ፣ ህዝቢ ድሙቕ ኣቐባብላ ጌርሎም።

ኣብ መንጎ ፕረዚደንት ኢሳይያስ ኣፈወርቂን መንግስቲ ኢትዮጵያን ድሕሪ ዝተኻየደ ስምምዕ፣ ኣብ ኤርትራ ዝመደበሮም ተቓወምቲ ኣምሓራ፣ ኦሮሞን ኣቐዲሞም መምስ ወኪላት ክልላቶም ድሕሪ ምርድዳእ ናብ ዓዶም ክፋነዉ እንከለዉ፣ ሎሚ ድማ ናይ ትግራይ ተፋንዮም ኣለዉ።

Read more...

ካብን ናብን ኣስመራ-መቐለ ዝመላለሱ ነጋዶ፣ ባጤራ ናቕፋ ብብዝሒ ይደልዩ

Radio Erena: 09 October 2018 

Birr Nakfa

ካብ መቐለን ካልእ ከባቢታት ኢትዮጵያን ናብ ኤርትራ ዝኣትዉ ነጋዶ፣ ባጤራ ናቕፋ ብብዝሒ ይደልዩ ከምዘለዉ ምንጭታት ሬድዮ ኤረና   ካብቲ ቦታ ሓቢሮም።

ካብ መጀመርታ ወርሒ ጥቅምቲ ኣትሒዙ፣ ኣብ መቐለን ዓዲግራትን ን1000 ናቕፋ፡ ብ1600 ብር ክግዛእ ከምዝቐነየ ዝሓበሩ እቶም ምንጭታት፣ ናብ ትግራይ ንዝኣተዋ ናይ ኤርትራ መካይንን ተጓዓዝትን እናተኸታተሉ ሸርፊ ከምዝሓቱ ጠቒሶም።

ናብ ኤርትራ ዝኣትዉ ዘለዉ ኢትዮጵያውያን ነጋዶን በጻሕቲ ሃገርን፣ ኣብ ኤርትራ ኣብ ዝጸንሕሉ እዋን ዋሕዲ ባጤራ ናቕፋ የሸግሮም   ከምዘሎ'ዮም ዘመልክቱ።

ኣብ ኤርትራ፣ ካብ 5 ሽሕ ናቕፋ ንላዕሊ ጥረ ገንዘብ ምሓዝ፣ ዘይሕጋዊ ምዃኑ'ዩ መንግስቲ ዘጠንቕቕ።

Read more...

ኢሳይያስ ዝርከቦም ሰለስተ መራሕቲ፣ ሕጹያት ስልማት ኖቤል ምዃኖም ከም መዘናግዒ ክቀርብ ቀንዩ

Radio Erena: 08 October 2018

Issaias for Nobel

ፕረዚደንት ኢሳይያስ ኣፈወርቂ ናይ ዝርከቦም ሰለስተ መራሕቲ፣ ንናይ ሰላም ስልማት ኖቤል 2018 ምርቆሖም፣ ብሓያሎ ወገናት ከም መዘናግዒ ክቐርብ ቀንዩ።

እቶም ምስ ኢሳይያስ ኣፈወርዊ ንስልማት ኖቤል፣ ብምርቁሖም ከም መዘናግዒ ክቐርቡ ዝቐነዩ ክልተ መራሒ፣ ፕረዚደንት ኣመሪካ ዶናልድ ትራምፕን መራሒ ሰሜን ኮርያ ኪም ጆንግ ኡን'ዮም።

ፕረዚደንት ኢሳይያስ ኣፍወርቂ፣ ነዚ ናይዚ ዓመት እዚ ናይ ሰላም ስልማት ኖቤል ምስ ቀዳማይ ሚኒስተር ኢትዮጵያ ዶክተር ኣብይ ኣሕመድ ብምዃን'ዩ ተረቑሑ ኔሩ።

ፕረዚደንት ትራምፕ ድማ ምስ መራሒ ሰሜን ኮርያ ኪም ጆንግ ኡን ብምራኽቡ'ዩ ክልቲኦም መራሕቲ ነዚ ብደረጃ ዓለምዝወሃብ ዝዓበየ ናይ ሰላም ክብሪ ዝተረቁሑ።

Read more...

ፕረዚደንት ኢሳይያስ፣ ንወዱ ኣብ ቤት ጽሕፈቱ ኣማኻሪ ስትራቴጅያውያን ጉዳያት ክኸውን መዚዝዎ

Radio Erena: 08 October 2018

Abraham Issaias

ፕረዚደንት ኢሳይይሳ ኣፈወርቂ ንወዱ ኣብርሃም፣ ኣብ ቤት ጽሕፈት ፕረዚደንት ከም ሓላፊ መጽናዕቲ ስትራትራቴጅያውያን ሰነዳትን ኣማኻሪ ኣብዚ ጉዳይን ኮይኑ ክሰርሕ ከምዝመዘዞ ዲፕሎማስያውያን ምንጭታት ሓቢሮም።

እቲ ፕረዚደንት ነቶም ምስ ኢትዮጵያን ሃገራት ዓረብ ዝኸተሞም ሰነዳት፣ ወዱ ኣብርሃም ኢሳይያስ ምስ ኣማኻሪ ፕረዚደንት ኣቶ የማነ ገብርኣብን ሚኒስተር ጉዳያት ወጻኢ ኣቶ ዑስማን ሳልሕን ብምዃን ይከታተልዎ ከምዘለዉ እቶም ምንጭታት ጠቒሶም።

ዶባት ኤርትራን ኢትዮጵያን ኣብ ዝተኸፍተሉ ይኹን ስምምዕ ኤርትራን ኢትዮጵያን ኣብ ስዒዲ ዓረብ ኣብ ዝተኸተመሉ፣ ኣብርሃም ኢሳይያስ፣ ብደረጃ ጽፍሒ፣ ኣማኻሪ ፕረዚደንት ኣብ ስትራቴጅያውይን ጉዳያት ኮይኑ ከምዝተሳተፈ እቲ ሓበሬታ ብተወሳኺ ኣረጋጊጹ።

Read more...

ሱዳን፣ መጠን ሸርፊ ዶላር ብኣስታት ዕጽፊ ንሂሩ

Radio Erena: 08 October 2018

Sudanese Pound

ኣጋጢምዎ ንዘሎ ቁጠባዊ ቅልውላውን ዝቕባበ ባጤራን መፍትሒ ስኢንሉ ዝርከብ መንግስቲ ሱዳን፣ ንመጠን ሽርፊ ዶላር ብኣስታት ዕጽፊ ኣዛይድዎ።

ሃገራዊ ባንክ ሱዳን ኣውጺእዎ ብዘሎ መግለጺ መሰረት፣ ንሓደ ዶላር ኣመሪካ 29 ፓውንድ ሱዳን ዝሽረፍ ዝነበረ ናብ 47.5 ፓውንድ ሱዳን ክብ ኢሉ ኣሎ።

እቲ ባንክ፣ ንመጠን ሸርፊ ዶላር ብኣስታት ዕጽፊ ክብ ዘበለሉ ምኽንያት፣ ነቲ ብጸላም ዕዳጋ ዝካየድ ዝነበረ ናይ ሸርፍን ሓዋላን መስርሕ ንምቁጽጻር ምዃኑ እንተተገልጸ፣ እቲ ናይ ወሰኽ ኣዋጅ ድሕሪ ምውጽኡ ሓደ ዶላር ኣመሪካ ኣብ ጸሊም ዕዳጋ ልዕሊ 48 ክትሽረፍ ጀሚራ ኣላ።

Read more...




Powered by Joomla!®. Designed by: free hosting no ads resell dot me domains Valid XHTML and CSS.