c


ዜና ኤርትራ

ኣብ ኣመሪካ ዝርከቡ ኣይሁዳውያን ማሕበራትን ትካላትን፣ መንግስቲ እስራኤል ንዘውጸኦ ስደተኛታት ብዘይድሌቶም ናይ ምስጓግ መደብ ዘለዎም ተቓውሞ ገሊጾም

Radio Erena: 03 December 2017

jewish societyኣብ ሕቡራት መንግስታት ኣመሪካ ዝርከቡ ሓያሎ ኣይሁዳውያን ማሕበራትን ትካላትን፣ ነቲ መንግስቲ እስራኤል ዘውጸኦ ስደተኛታት ናብ ሃገራት ኣፍሪቃ ብዘይድሌቶም ናይ ምስጓግ መደብ ዘለዎም ተቓውሞ ገሊጾም።

እቲ 25 ማሕበራትን ናይ ውልቂ ትካላትን ዝሓቖፈ ጥርናፈ ዋሺንግተን ካብ ዝርከብ ቤት ጽሕፈቱ ናብ ቀዳማይ ሚኒስተር በንያሚን ናታንያሁ ኣብ ዝለኣኾ ደብዳቤ፣ መንግስቲ እስራኤል ነቲ ኤርትራውያንን ሱዳናውያንን ብሓይሊ ናይ ምጥራዝ መስርሕ እንተካዪዱዎ፣ ናይ ዓሰርተታት ኣሽሓት ውልቀሰባት ህይወት ከዘናብል ምዃኑ ገሊጹ።

Read more...

ብምክትል ዳይረክተር ዞባ ቀርኒ ኣፍሪቃ ዝምራሕ ወኪል ላዕለዋይ ኮሚሽን ስደተኛታት ሕቡራት ሃገራት ኣብ ኤርትራ ምብጻሕ ፈጺሙ

Radio Erena: 01 December 2017

UNHCR Africa

ብምክትል ዳይረክተር ዞባ ኣፍሪቃ ኣንጀለ ዲኮንግ-ኣታንጋና ዝምራሕ ወኪል ላዕለዋይ ኮሚሽን ስደተኛታት ሕቡራት ሃገራት ኣብ ኤርትራ ናይ ክልተ መዓልታት ምብጻሕ ፈጺሙ።

እታ ዳይረክተር ኣብዚ ሳልስቲ'ዚ ኣብ ኤርትራ ኣብ ዝበጽሓትሉ፣ ብዛዕባ ህሉው ኩነታት ስደት ኣብ ዞባ ቀርኒ ኣፍሪቃ ብፍላይ ኣብ ኤርትራ ድማ ብሓፈሻ ብዝምልከት ምስ ዝተፈላለዩ ሰበ ስልጣን መንግስቲ ኤርትራ ተዘራሪባ።

ብመሰረት ጸብጻብ ላዕለዋይ ኮሚሽን ስደተኛታት ሕቡራት ሃገራት፣ ኤርትራ ሓንቲ ካብተን ብብዝሒ ስደተኛታት ዘፍርያ ሃገራት ዓለም ተባሂላ ምስ ቀዳሞት ሓሙሽተ'ያ ትስራዕ።

Read more...

ባይቶ ጸጥታ ሕቡራት ሃገራት፣ ኣብ ሊብያ ንዝካየድ ዘሎ መሸጣ ደቂ ሰብ ብዝምልከት ህጹጽ ኣኼባ ኣካዪዱ

Radio Erena: 30 November 2017

libya_refuguesባይቶ ጸጥታ ሕቡራት ሃገራት፣ ኣብ ጉዳይ እቲ ኣብ ሊብያ ዝካየድ ዘሎ መሸጣ ደቂ ሰብ ብዝምልከት ህጹጽ ኣኼባ ኣካዪዱ።

ኣብቲ ብጠለብ ፈረንሳ ብሰሉስ 28 ዝተኻየደ ህጹጽ ኣኼባ ባይቶ ጸጥታ፣ ኣብ ሊብያ ኣብ መሸጣ ደቂ ሰብ ተዋፊሮም ኣብ ልዕሊ ዝርከቡ ጉጅለታትን ውልቀሰባትን እገዳ ክትግበር ኣብ ዝብል እማመ ዘትዩ።

ነቲ እማመ ዘቕረበ ኣምባሳደር ፈረንሳ ኣብ ሕቡራት ሃገራት ፍራንስዋ ደላትኽ፣ ፈረንሳ ኣብቲ መሸጣ ደቂ ሰብ ዝተዋፈሩ ሰባት ይኹን ጉጅለታት ኣብ ምልላይ ምስ ኮሚተ እገዳ ባይቶ ጸጥታ ክትተሓባበር ቅርብቲ ከምዘላ ኣመልኪቱ።

Read more...

እስራኤል ኣብ ሩዋንዳ ኤምባሲ ክትከፍትን ቀጥታዊ በረራታት ክትጅምርን ምዃና ኣፍሊጣ

Radio Erena: 30 November 2017

Israel Rwanda2

ዝበዝሑ ኤርትራውያን ዝርከብዎም ኣስታት 10 ሽሕ ሓተቲ ዑቕባ ናብ ርዋንዳ ንምስጓግ እትሰርሕ ዘላ እስራኤል፣ ኣብታ ሃገር ኤምባሲ ክትከፍት ምዃና ኣፍሊጣ።

እስራኤል፣ ብዘይካ'ዚ ካብ ቴልኣቪቭ ናብ ኪጋሊ ቀጥታዊ ናይ መጓዓዝያ በረራታት ንምጅማር ተዳልያ ከምዘላ ገሊጻ።

እታ ሃገር ነዚ ዘፍለጠት፣ ቀዳማይ ሚኒስተር ቤንያሚን ናታንያሁ ምስ ፕረዚደንት ርዋንዳ ፖል ካጋመ ብሰሉስ 28 ሕዳር ኣብ ኬንያ ከተማ ናይሮቢ ተራኺቡ ድሕሪ ምዝርራቡ'ዩ።

Read more...

ብወትሃደራውያን መምርሒ ዝመሓደራ ኮለጃት ኤርትራ፣ ፍሽለት ከምዘጋጠመን ተገምጊሙ

Radio Erena: 29 November 2017

Adi keyh

ንኣስመራ ዩኒቨርሲቲ ብምዕጻው፣ ብወትሃደራዊ መምርሒ ዝመሓደራ ኮለጃት ዝኸፈተ መንግስቲ ኤርትራ፣ ክሳራታተን እናዓበየ ይመጽእ ከምዘሎ ተገምጊሙ።

ነዚ ሓበሬታ'ዚ ዝልኣኹ ምንጭታት ሬድዮ ኤረና፣ እተን ኮሌጃት፣ ዓመታዊ ካብ ሳዋ ተመዲቦም ዝመጹወን ኣሽሓት ተማሃሮ፣ ዓመት ኣብ ዘይመልእ ግዜ ዳርጋ ፍርቆም ብስግረዶብ ናብ ስደት ይውሕዙ ብምህላዎም፣ ካብ ዓመት ናብ ዓመት ስሩዕ መደባት ትምህርቲ ንምክያድ ተጸጊመን ከምዘለዋ ኣገንዚቦም።

ብሰንኪ'ዚ ድማ፣ ካብ ዝኽፈት ሸውዓተ ዓመታት ጥራይ ዝገበረ ኮሌጅ ማሕበራዊ ስነ ፍልጠት ዓዲ ቀይሕ፣ ስሩዕ ንጥፈታቱ ኣቛሪጹ ከምዘሎ ክፍለጥ ተኻኢሉ።

Read more...




Powered by Joomla!®. Designed by: free hosting no ads resell dot me domains Valid XHTML and CSS.