c


ዜና ኤርትራ

ቱርኪ፣ ኣብ ሶማል ወትሃደራዊ መዓስከር ክትከፍት'ያ

Radio Erena: 09 August 2017

Turkey Somalia

ቱርኪ ኣብ ሶማል ወትሃደራዊ መዓስከር ተቕውም ምህላዋ ንወትሃደራውያን ምንጭታቱ ብምጥቃስ ኒውስዊክ ሓቢሩ።

ሚኒስተር ምክልኻል ፈደራላዊ መንግስቲ ሶማል ዓብዱራሽን ዓብዱላሂ መሓመድ ነቲ ማዕከን ዜና ብዝሃቦ ሓበሬታ መሰረት፣ እቲ ቱርኪ ኣብ ንኽህነጽ ክልተ ዓመታት ወሲዱ ዘሎ ወትሃደራዊ መዓስከር ቱርኪ ኣብ ሶማል ኣብ ዝመጽእ ዘሎ ወርሒ ብወግዒ ክምረቕ ምዃኑ ኣፍሊጡ።

እቲ ኣብ ቀርኒ ኣፍሪቃ ናይ መጀመርያ ዝኾነ ወትሃደራዊ መዓስከር ቱርኪ ኣብ ሓደ እዋን ኣስታት 1500 ወትሃደራት ከእንግድ ትጽቢት ይግበረሉ።

Read more...

ኬንያ፣ ፕርዚደንት ኡሁሪ ኬንያታ ኣብ ምርጫ ከምዝተዓወተ ይግለጽ

Radio Erena: 09 August 2017

Kenyatta

ኣብ ኬንያ፣ ሰሉስ 8 ነሓሰ ኣብ ዝተኻየደ ሓፈሻዊ ምርጫ፣ ነዚ ዝሓለፈ ኣርባዕተ ዓመታት ኣብ ስልጣን ዝጸንሐ ፕረዚደንት ኡሁሩ ኬንያታ ደጊሙ ከምዝተዓወተ ይግለጽ ኣሎ።

ኣብቲ ኢጋንድን ካልኦት ኣካላትን ተዓዘብቶም ዘዋፈርሉ ምርጫ፣ ፕረዚደንት ኡሁሩ 54 ሚእታዊት ድምጺ ብምርካብ ክዕወት እንከሎ፣ ቀዳማይ ሚኒስተር እታ ሃገር ዝነበረ ህቡብ ፖለቲከኛ ራይላ ኦዲንጋ ድማ 44 ሚእታዊት ከምዝረኸበ'ዩ ዝሕበር።

ኣብዚ ሎሚ ዓመት ዝተኻየደ ምርጫ ኬንያ ሸሞንተ ሕጹያት ዝተፈላለያ ፖለቲካውያን ሰልፍታት'ዮን ንፕረዚደንት ተወዳዲሮም።

Read more...

መንግስቲ ኤርትራ ብስም ኣቡነ እንጠንዮስ ፕሮፖጋንዳታቱ ይቕጽል ምህላዎ ይንቀፍ

Radio Erena: 07 August 2017

Abune Antonios

መንግስቲ ኤርትራ ብስም ሳልሳይ ፓትርያርክ ብጹእ ዎ ቅዱስ ኣቡነ እንጠንዮስ ፕሮፖጋንዳታቱ ይቕጽል ኣሎ ክብሉ ሓያሎ ኣመንቲ መራሕቲ ሃይማኖትን ይነቕፍዎ ኣለዉ።

እዚ ነቐፌታታ ዝውሕዝ ዘሎ፣ እቲ መንግስቲ ብ27 ሓምለ ኣብ ዝተኻየደ ርክብ ኣቡነ እንጠንዮስን ሓለፍቲን ሊቃውንትን ኦርቶዶክሳዊት ቤተክርስትያን፣ ኣቡነ እንጠንዮስ ብዛዕባ ህሉው ኩነታቶምን ዕርቅን ዝሃብዎ ሓጺር መግለጺ ብማሕበራዊ ሜድያታት ብቪድዮ ብምዝርጋሕ፣ ኣቡነ እንጠንዮስ ካብ ማእሰርቲ ከምዝተፈትሑን እቲ ጉዳይ ብሰላም ከምዝተዛዘመን ንኣህጉራዊ ማሕበረ ሰብ ዓለም ንምርኣይ ድሕሪ ዘካየደኦ ፈተነ'ዩ።

Read more...

ገዲም ስነ ጥብባዊ ኣልኣሚን ዓብደለጢፍ ዓሪፉ

Radio Erena: 08 August 2017

alamin

ካብ እዋን ንእስነቱ ኣትሒዙ ኣብ ስነጥበብ ብፍላይ ድማ ኣብ ዓውዲ ሙዚቃ ክነጥፍ ዝጸንሐ ገዲም ድምጻዊ ኣልኣሚን ዓብደለጢፍ ኣብ መበል 78 ዓመት ዕድሚኡ ብ7 ነሓሰ ዓሪፉ።

ኣባል ማሕበር ትያትር ኣስመራ ማለት ማትኣ ብምዃን ሓያሎ ደርፍታት ዘፍረየን ድሒሩ'ውን ኣብ ስደትን ካብ ስደት ምስ ተመልሰን ካብዚ ሞያ ስነጥበብ ዘይትኣልየን ድምጻዊ ኣልኣሚን ዓብደለጢፍ፣ ኣብ ስነጥበብ ኤርትራ ዓቢ ኣበርክቶ ካብ ዝገበሩ መማህራን ሓደ'ዩ።

ሬድዮ ኤረና፣ ብሞት እስታዝ ኣልኣሚን ዓብደለጢፍ ዝተሰምዓ ሓዘን እናገለጸት ንኹሎም ስድራቤቱን ማሕበረ ሰብ ስነጥበብ ኤርትራን ጽንዓት ይሃብኩም ትብል።

Read more...

ኣብ ለንዶን ኣብ ዝካየድ ዘሎ ውድድራት ኣትለቲክስ፣ ኣብ ቅድድም ጉያ እግሪ 10 ሽሕ ሜትሮኤርትራውያን ኣትለታት መበል 11ን 17 ደረጃታት ሒዞም

Radio Erena: 07 August 2017

Aron Kifle

ካብ ዓርቢ 4 ነሓሰ ኣብ ለንዶን ኣብ ዝካየድ ዘሎ መበል 16 ውድድር ሻምፕዮን ኣትለቲክስ፣ ኣብ ናይ 10 ሽሕ ሜትሮ ዝተቐዳደሙ ኤርትራውያን ኣትለታት ኣሮን ክፍለን ህዝቕኤል ተወልደን መበል 11ን 17 ደረጃታት ሒዞም።

ኣብዚ ናይ ሶማል መበቆል ዘለዎ ኢንግሊዛዊ ሞ ፋራህ ዝዓብለሎ ቅድድም፣ ኡጋንዳዊ ጀሽዋ ቸፕተገይ ካብ ኡጋንዳ ካልኣይ ፖል ታኑይ ካብ ኬንያ ከኣ ሳልሳይ ብምዃን ብሩርን ነሓስን ማዳልታት ክዕወቱ ክኢሎም።

Read more...




Powered by Joomla!®. Designed by: free hosting no ads resell dot me domains Valid XHTML and CSS.