c


ዜና ኤርትራ

ምስ ሑቲ ዝነበሮ ልፍንቲ ብምርሕራሕ ኣንጻሮም ኣብ ኵናት ሓድሕድ ተጸሚዱ ዝጸንሐ ፕረዚደንት የመን ነበር ዓሊ ዓብደላ ሳልሕ ተቐቲሉ

Radio Erena: 04 December 2017

Ali Abdela saleh

ምስ ሑቲ ዝነበሮ ልፍንቲ ብምርሕራ ኣንጻሮም ኣብ ኵናት ሓድሕድ ተጸሚዱ ዝጸንሐ ፕረዚደንት የመን ነበር ዓሊ ዓብደላ ሳልሕ ከምዝተቐትለ ተገሊጹ።

እቲ ፕርዚደንት ነበረ ከምዝተቐትለ ዝግለጽ ዘሎ፣ ዝሓለፈ ሰሙን ሰሙን ምስ ሑቲ ዝነበሮ ልፍንቲ ብምሕዳግ፣ ኣብ ኵናት ሓድሕድ ተጸሚዱ ድሕሪ ምቕና'ዩ።

ንሱ ምስ ሑቲ ድሕሪ ምግጫው፣ ናብ ስዑዲ ዓረብ ብምዝዛው፣ ምስ ሰበ ስልጣን ስዑዲ ዓረብ ክዘራረብ ከምዝደሊ'ዩ ክገልጽ ጸኒሑ።

ሓይልታት ስዑዲ ዓረብ ብወገኖም፣ ነቲ ካብ ልፍንቲ ሑቲ ወጺኡ ኣንጻሮም ኵናት ሓድሕድ ዝኣወጀ ፕረዚደንት ነበረ ዓሊ ዓብደላ ሳልሕ ንምድጋፍ ኣንጻር ሑቲ ተደጋጋሚ ናይ ነፈርቲ ደብዳብ ኣካይዳ።

Read more...

ብዘይንጹር ምኽንያት ተዓጽዩ ዝርከብ ኮሌጅ ዓዲ ቀይሕ ኣብ ዝመጽእ ወርሒ ክኽፈት ትጽቢት ከምዘሎ ተሓቢሩ

Radio Erena: 04 December 2017

Adi keyh College

ብዘይንጹር ምኽንያት ተዓጽዩ ዝርከብ ኮሌጅ ዓዲ ቀይሕ፣ ኣብ ዝመጽእ ዘሎ ወርሒ፣ ኣብ ጥሪ 2018 ክኽፈት ትጽቢት ከምዘሎ ምንጭታት ሬድዮ ኤረና ሓቢሮም።

ምስ ምምዛዝ ሓድሽ ዳይረክተር ላዕለዋይ ደረጃ ትካላት ትምህርትን ምርምርን ኤርትራ ብርጋዴር ጀነራል ዶክተር ሃይለ ምሕጹን፣ ተዓጽዩ ዝርከብ ኮሌጅ ዓዲ ቀይሕ፣ ጠንቂ መዕጸዊኡ፣ ብንጹር ክግለጽ እኳ እንተዘይክኣለ፣ ትሕተ ቅርጻዊ ምትዕርራይ ንምግባር ዝብል ምኽንያት'ዩ ተዋሂብዎ።

ብመሰረት ጀነራል ሃይለ ዝሃቦ መግለጺ ከኣ፣ ኮሌጅ ሓልሓል ኣብ ትሕቲ ኮሌጅ ዓዲ ቀይሕ ንምጽንባር ይስርሓሉ ከምዘሎን፣ እቲ ምዕጻው ናይዘን ኮለጃት ድማ ምስዚ ዝተተሓሓዘ'ዩ።

Read more...

ሓድሽ ፕረዚደንት ዚምባብዌ ሓድሽ ካቢነ ሚኒስተራት ኣቝሙ

Radio Erena: 04 December 2017

mnangawa

ድሕሪ ምእላይ ሮበርት ሙጋበ ሓድሽ ፕረዚደንት ኮይኑ ቃለ መሓላ ዝፈጸመ ኤመርሰን ምናንጋዋ ሓደስቲ ኣባካት ካቢነ ሚኒስተራት መዚዙ።

እቲ ፕረዚደንት ዝሓለፈ ሰሙን ኣብ ዘቖመ ሓድሽ ካቢነ ሚኒስተራት፣ ንፕረዚደንት ሙጋበ ኣብ ምእላይ ልዑል ኣበርክቶ ዝነበሮም ክልተ ላዕለዎት ኣዘዝቲ ሰራዊት፣ ነቲ ሓደ ሚኒስተር ጉዳያት ወጻኢ ነቲ ካልእ ሚኒስተር ሃብቲ መሬት ክኾኑ ከምዝረቖሖም ካብ ሃራረ ዝተመሓላለፈ ዜና ኣፍሊጡ።

ብዘይካ'ዚ ፕረዚደንት ምናንጋዋ፣ ነቶም ብበዓልቲ ቤት ሮበርት ሙጋበ ተገሊሎም ዝጸንሑ ገዳይም ኣባላት ዛኑ ፒኤፍን ሰበ ስልጣን መንግስቲ ነበረን ናብ ዝተፈላለየ ጽፍሕታት ክመልሶም እንከሎ፣ ካብ ወገን ተቓወምቲ ግና ኣይጸንበረን።

Read more...

ሱዳን፣ ሓባራዊ ወትሃደራዊ ልምምድ ሃገራት ምብራቕ ኣፍሪቃ ተዛዚሙ

Radio Erena: 04 December 2017

Eastern Africa force

ኣብ ዞባ ምብራቕ ሱዳን ከባቢ ፖርት ሱዳን ክካየድ ዝጸንሐት ሓባራዊ ወትሃደራዊ ልምምድ 10 ሃገራት ምብራቕ ኣፍሪቃ ትማሊ ሰንበት 3 ታሕሳስ ተዛዚሙ።

ኣብቲ ብዘይካ ካብ ኤርትራ፣ ካብ ኩለን ሃገራት ቀርኒ ኣፍሪቃን ካልኦት ሽዱሽተ ሃገራት ዞባ ምብራቕ ኣፍሪቃን ዝተዋጽአ ሰራዊት ብሓባር ዘካየዶ ልምምድ፣ ኣብ ምጥቃዕን ምክልኻልን፣ ግብረ መልሲ ህጹጽ ቶኽሲን ካልእን ዘተኮረ ስልጠና ተዋሂቡ።

እቲ ብድሉው ሓይሊ ሃገራት ምብራቕ ኣፍሪቃ ዝፍለጥ ኣስታት ሓደ ሽሕ ወትሃደራት ዝሓቖፈ ሰራዊት፣ ብ20 ሕዳር'ዩ ልምምድ ጀሚሩ።

Read more...

ኣብ ካናዳዊ ትካል ዕደና ነቭሰን ገንዘቦም ኣዋፊሮም ዘለዉ ወነንቲ ብርኪ፣ ማሎም ካብቲ ትካል ክስሕቡ ጻውዒት ቀሪቡ

Radio Erena: 03 December 2017

freedom unitedኣብ ካናዳዊ ትካል ዕደና ነቭሰን ገንዘቦም ኣዋፊሮም ዘለዉ ወነንቲ ብርኪ፣ ማሎም ካብቲ ትካል ክስሕቡ ጻውዒት ቀሪቡ።

‘ፍሪዶም ዩናይትድ’ ዝተባህለ ማሕበር፣ ‘ኣብ ኤርትራ ባርነት ደው ይበል’ ኣብ ትሕቲ ዝብል ጭሮሖ ዘልዓሎ ፊርማታት ናይ ምእካብ ዘመተ፣ ኣብዚ ሒደት እዋናት ብዝሒ ዘለዎ ህዝቢ ከምዝተሳተፎ፣ ኣብ መርበብ ሓበሬትኡ ኣብ ዝዘርገሖ መግለጺ ኣነጺሩ።

ልዕሊ 60 ሽሕ ፌርማታት ከምዝኣከበ ዝገልጽ እቲ ማሕበር፣ ኣብ ኤርትራ ብግዱድ ዕስክርና ዝካየድ ዕደና ደው ክሳብ ዝብል ጻዕርታቱ ክቕጽል ምዃኑ’ዩ ዝገልጽ።

ኣብቲ ናይ ዕደና ስራሕ ተዋፊሮም ብዝነበሩ ኣባላት ሃገራዊ ኣገልግሎት ክሲ ተመስሪቱሉ ዘሎ ነቭሰን፣ እቲ ጉዳይ ኣብ ኤርትራ ክረአ ንዘቕረቦ ጠለብ ቤት ፍርዲ ብሪቲሽ ኮሎምቢያ ድሕሪ ምንጻጉ፣ ኣቓልቦ ሓያሎ ወነንቲ ብርኪ’ቲ ትካል ስሒቡ’ዩ።

Read more...




Powered by Joomla!®. Designed by: free hosting no ads resell dot me domains Valid XHTML and CSS.