c


ዜና ኤርትራ

ኣብ መንገዲ ሸግርኒ ብሓደጋ መኪና ናይ ዝሞቱ ኣባላት ሰራዊት ቁጽሪ ልዕሊ 30 በጺሑ

Radio Erena: 13 April 2018

eritrean accident

ኣብ ከባቢ ድርፎ፣ መንገዲ ሸግርኒ ብ4 ሚያዝያ ኣብ ዘጋጠመ ሓደጋ መኪና፣ ናይ ዝሞቱ ኣባላት ሰራዊት ቁጽሪ ልዕሊ 30 ከምዝበጽሐ ምንጭታት ሬድዮ ኤረና ኣረጋጊጾም።

ልዕሊ 80 መንእሰያት ዝጸዓነት 'ማርቸድስ' ዝዓይነታ ነዋሕ ናይ ጽዕነት መኪና ወይ በጣሕ ኣብ መንገዲ ሸግርኒ ድሕሪ ምግምጣላ ብውሕዱ 18 መንእሰያት ብኡ ንብኡ ክሞቱ እንከለዉ፣ እቶም ዝተረፉ ኣብ ሆስፒታል ድሕሪ ምብጽሖም ዝሞቱ ምዃኖም እቶም ምንጭታት ጠቒሶም።

እቶም ኣባላት ክፍለሰራዊት 59 ምዃኖም ዝተገልጹ መንእሰያት፣ ገሊኦም ብግፋ ኣብ ከባቢ ሳዋ፣ ኣብ ተሃድሶን ማእሰርትን ዝጸንሑ ኮይኖም ካልኦት ከኣ ኣብ ከባቢ ሕምብርትን ኣፍዓበትን ድሕሪ ምጽናሕ'ዮም ንተወሳኺ ታዕሊም ናብ ከባቢ ጋሕቴላይ እናወረዱ'ዩ እቲ ሓደጋ ኣጋጢሙ።

Read more...

60 ክኢላታት ሕግን ጠበቓታትን፣ እስራኤል ስደተኛታት ናይ ምስጓግ መደባ ደው ከተብል ጸዊዖም

Radio Erena: 13 April 2018

lawyers israel

ካብ ዝተፈላለያ ሃገራት ዝተወከሉ 60 ክኢላታት ሕግን ጠበቓታትን፣ መንግስቲ እስራኤል ስደተኛታት ናይ ምስጓግ መደብ ደው ከብል ከምዝጸውዑ መርበብ ሓበሬታ ዮርሳሌም ፖስት ሓቢሩ።

እቶም ካብ ኣመሪካ፣ ካናዳን ሃገራት ኤውሮጳን ዝተወከሉ ሰብ ሞያ ሕጊ፣ ኣብ ጥብቅና ጉዳያት ስደተኛታትን ኢምግሬሽንን ዝነጥፉ ኮይኖም፣ ኣብቲ ጻውዒት፣ ኣኽባር ሕጊ እስራኤል ነቲ ዘይሕጋዊ መስርሕ ምስጓግ ስደተኛታት ደው ከብሎ ተላብዮም።

ንሳቶም ኣብቲ ናብ ቤት ጽሕፈት ኣኽባሪ ሕጊ ዝልኣኽዎ ደብዳቤ፣ እስራኤል እትፍጽሞ ዘይሕጋዊ መስርሕ ምስጓግ ስደተኛታት ኣህጉራዊ ውዕላትን ሕግታትን ዝግህስ ምዃኑ ኣዘኻኺሮም።

Read more...

ካብ ሕ/ኢ ዓረብ ናብ ሶማል ብዘይሕጋዊ መንገዲ ክኣቱ ዝፈተነ ኣስታት 10 ሚልዮን ዶላር ተታሒዙ

Radio Erena: 11 April 2018

Mogadsho airport

ካብ ሕቡራት ኢማራት ዓረብ፣ ናብ ሶማል ብዘይሕጋዊ መንገዲ ክኣቱ ዝፈተነ 9.6 ሚልዮን ዶላር፣ ብ8 ሚያዝያ ኣብ መዓርፎ ነፈርቲ ሞቛድሾ ከምዝተታሕዘ ሚኒስተሪ ውሽጣዊ ጉዳያት እታ ሃገር ኣፍሊጡ።

እቲ ብሮያል ዝተባህለት ናይ ብሕቲ መንገዲ ኣየር፣ ኣብ ሳናጡ ተዓሺጉ ብዘይሕጋዊ መንገዲ ናብ ሶማል ክኣቱ ዝተፈተነ ገንዘብ ካብ መን ዝተላእከ ምዃኑ ምጽራይ ይግበረሉ ከምዘሎ እቲ ሚኒስትሪ ብተወሳኺ ገሊጹ።

ኣብ ከተማ ሞቛድሾ ዝርከብ ኤምባሲ ሕቡራት ኢማራት ዓረብ፣ ነቲ ገንዘብ ከሕልፎ ምስ ኣባላት ጸጥታ ናይቲ መዓርፎ ነፈርቲ ንሓያሎ ሰዓታት ከምዝተኸራኸረ እቲ በቲ ሚኒስትሪ ዝቐረበ ጸብጻብ እኳ እንተጠቐሰ፣ እቲ ኤምባሲ ኣብቲ ጉዳይ ኢድ ብዛዕባ ምህላዉ ግና ኣየመልከትን።

Read more...

ፊንላንድ፣ ኣብ ኤርትራ ናይ 2.6 ሚልዮን ዶላር መደባት ትምህርቲ ትምውል

Radio Erena: 11 April 2018

Finland Eritrea

መንግስቲ ፊንላንድ፣ ኣብ ኤርትራ ናይ 2.6 ሚልዮን ዶላር ፕሮጀክታት ትምህርቲ ይምውል ምህላዉ ኣብ ዘውጽኦ መግለጺ ኣፍሊጡ።

እቲ ኣብ ላዕለዎት ኣብያተ ትምህርቲ ዘተኮረ መደባት፣ ኣብ ስልጠና መማህራን፣ ኣመሓደርቲ ላዕለዎት ኣብያተ ትምህርቲ፣ ምትእትታው ዲጂታላዊ ቤት ንብባን ዘመናዊ ማእከል መጽናዕትን ዘጠቓለለ ኮይኑ ምሉእ ብምሉእ ብሚኒስትሪ ጉዳያት ወጻኢ ፊንላንድ ዝተመወለ'ዩ።

እቲ ኣብ 2015 ዝፈለመ ፕሮጀክት ክሳብ መወዳእታ 2018 ክጸንሕ'ዩ።

ኣብ ኣስመራ፣ ከረን፣ ባጽዕ፣ ዓዲ ቀይሕን ማይነፍሕን ንዝረካባ ትካላት ላዕለዋይ ኣብያተ ትምህርቲ ብምትዃር ይሰርሕ ከምዘሎ'ውን እቲ ሓበሬታ ብተወሳኺ ይጠቕስ።

Read more...

ፓሪስ፣ ሚ/ጉ ወጻኢ ስዑዲ ዓረብ ነበር፣ ብውልቁ ዘስርሖ ናይ ወሲብ ፊልምታት ዕድኡ ኣይከፈለን ተባሂሉ ይኽሰስ

Radio Erena: 11 April 2018

Al Faisal

ሚኒስተር ጉዳያት ወጻኢ ስዑዲ ዓረብ ነበር ስዑድ ኣል ፈይሰል፣ ኣብ ፓሪስ ምስ ዝርከብ ትካል ብምዃን ብውልቁ ዘስርሖ ናይ ወሲብ ፊልምታት ( Pornography) ዕድኡ ኣይከፈለን ብዝብል ወግዓዊ ክሲ ከምዝተመስረተሉ ምዕከናት ዜና ፈረንሳ ሓቢረን።

እቲ ካብ 1975 ክሳብ 2015፣ ንኣስታት 40 ዓመታት ሚኒስተር ጉዳያት ወጻኢ ዝነበረ ስዑድ ኣል ፈይሰል፣ ኣብ ስልጣን ኣብ ዝነበረሉ እዋናት፣ ናብ ፓሪስ እናተመላለሰ፣ ምስ ሓንቲ ህብብቲ ፈረንሳዊት ናይ ወሲብ ፊልምታት ተዋሳኢትን ካልእ ሞሮካዊትን ብምዃን ነቲ ፊልም ከምዘዳልዎ ዝነበረ'ዩ ተሓቢሩ።

እንተኾነ ዝነበሮ ውህሉል ዕዳ ከይከፈለ ኣብ 9 ሓምለ 2015 ከምዝሞተ ዝገልጽ እቲ ክሲ፣ መርትዖታቱ ኣብ ምዕራባዊ ክፋል ፓሪስ ናብ ዝርከብ ቤት ፍርዲ ናንተር ኣቕሪቡ ኣሎ።

Read more...




Powered by Joomla!®. Designed by: free hosting no ads resell dot me domains Valid XHTML and CSS.