c


ዜና ኤርትራ

ምስ ኤርትራ ኣብ ዘዳውብ ከባቢታት ክልል ትግራይ ተዋፊሩ ዝጸንሐ ሰራዊት ኢትዮጵያ ስሒቡ

Radio Erena: 05 December 2018

 Ethiopian army withdraws from Eritrea borderምስ ኤርትር ኣብ ዘዳውብ ከባቢታት ክልል ትግራይ ተዋፊሩ ዝጸንሐ ሓደ ክፍለሰራዊት ከምዝተሳሕበ ምንጭታት ሬድዮ ኤረና ሓቢሮም።

እቲ ምስ ምሉእ ከበድቲ ኣጽዋሩ፣ ኣብ መንጎ ሸራሮን ሽረ እንዳስላሴን ካብ እትርከብ ከባቢ ዓዲ ዳዕሮ ስሒቡ ዘሎ ሰራዊት ኢትዮጵያ፣ ዝተንቀሳቀሰሉ ዕላማ እኳ እንተዘይተነጸረ፣ ኣብ ካልእ ክልላት እታ ሃገር ብፍላይ ድማ ኣብ ክልላት ሶማልን፣ ቤንሻንጉል ጉምዝን ኦሮሞን ተጎሃሂሩ ንዘሎ ናይ ብሄር ግጭታት ንምርግጋእ ይዋፈር ኣሎ ዝብል ጽንጽንታ ከምዘሎ እቶም ምንጭታት ብተወሳኺ ሓቢሮም።

ኤርትራን ኢትዮጵያን ናብ ሰላም ካብ ዝመለሳ፣ ካብቲ ኣብ ዶባተን ዓስኪሩ ዝጸንሐ ክፍላተ ሰራዊት ኢትዮጵያ ዝስሕብ ዘሎ እዚ ካልኣይ'ዩ።

ይኹን'ምበር ሰራዊት ኢትዮጵያ ካብታ ናይ ኤርትራ ምዃና ብኮሚሽን ዶብ ዝተረጋገጸ፣ ባድመን ከባቢኣን ዛጊት ኣይሰሓበን።

Read more...

ምክትል ሚኒስተር ጉዳያት ወጻኢ ኢጣልያ ኤርትራ ናብ እትርከበን ሃገራት ቀርኒ ኣፍሪቃ ትበጽሕ

Radio Erena: 05 December 2018

Emmanuella Del Re

ብምክትል ሚኒስተር ጉዳያት ወጻኢን ኣህጉራዊ ምትሕግጋዝን ኤማኑኤላ ዴል ረ ዝምራሕ ልኡኽ መንግስቲ ኢጣልያ ኣብ ኤርትራ፣ ኢትዮጵያን ጅቡትን ምብጻሕ የካይድ ኣሎ።

ዕላማ ዑደት 'ቲ በታ ምክልትል ሚኒስተር ዝተመርሐ ልኡኽ፣ መንግስቲ ኢጣልያ ምስ 'ዘን ሃገራት ክገብሮ ብዛዕባ ዝኽእል ምትሕግጋዝ ንምዝታይ ዘተኮረ'ዩ።

ምክትል ሚኒስተር ኤማኑኤል ትማሊ 4 ታሕሳስ ናብ ኣስመራ ዝኣተወትሉ፣ ምስ ሰበ ስልጣን መንግስቲ ኤርትራ ድሕሪ ምዝርራብ ኣብ ዝተፈላለየ ንጥፈታት ተሳቲፋን ዑደት ኣካይዳን።

ብመሰረት ዜና ኣጃንዝያ ኖቫ፣ ንሳ ናብ ኢትዮጵያ ቅድሚ ምብጋሳ፣ ሎሚ 5 ታሕሳስ ኣብ ኤርትራ ምስ ዝነብሩ ማሕበረ ሰብ ኢጣልያን ወነንቲ ኢጣልያውያን ትካላትን ክትዝቲ'ያ።

Read more...

ላዕለዋይ ዲፕሎማሰኛ ኣመሪካ፣ ኣብ ናይ ኤርትራ ዑደቱ፣ ኣብ ኩነታት ሰብኣዊ መሰላትን ጽገናዊ ለውጥታትን ክዘራረብ'ዩ

Radio Erena: 03 December 2018

Tibor Nagy

ኣብ ሰለስተ ሃገራት ምብራቕ ኣፍሪቃ ዑደት ዘካይድ ዘሎ ተሓጋጋዚ ጸሓፊ ጉዳያት ወጻኢ ኣመሪካ ኣብ ጉዳያት ኣፍሪቃ፣ ቲቦር ናጂ፣ ናብ ኤርትራ ኣብ ዝበጽሓሉ ኣብ ኩነታት ሰብኣዊ መሰላትን ጽገናዊ ለውጥታትን ክዘራረብ ምዃኑ ተሓቢሩ።

እቲ ላዕለዋይ ኣመሪካ ዲፕሎማሰኛ፣ ኣብ ኤርትራ ኣብ ዝጸንሓሉ፣ ብዘይካ ኣብዞም ጉዳያት፣ ድሕሪ ምእሳሮም ንልዕሊ 16 ዓመታት ደሃዮም ጠፊኡ ዘሎ ክልተ ኤርትራውያን ሰራሕተኛታት ኤምባሲ ኣመሪካ ነበርን፣ መንግስቲ ኤርትራ ካብ ሰሜን ኮርያ ወትሃደራዊ ንዋት ምዕዳጉን ዝብሉ ኣርእስታት'ዩ ከልዕሎም ትጽቢት ኣሎ።

ንሱ ናብ ኢትይጵያ ድሕሪ ምእታዊ ኣብ ዝሃቦ መግለጺ፣ ምስ ኤርትራ ዝካየድ ርክብ፣ ነቲ ኣብ መንጎ ኣመሪካን ኤርትራን ንሓያል ዓመታት ሻሕኪሩ ዘሎ ዝምድናኣ ከመሓይሽ ተስፋ ኣንቢሩ።

Read more...

ኢትዮጵያ፣ ኣብ ማእከል ጎንደር ብዝተወልዐ ግጭት ኣብ ሰብን ንብረትን ጉድኣት ከምዘውረደ ተገሊጹ

Radio Erena: 05 December 2018

Gondar clashes

ኢትዮጵያ ብናይ ብሄር ግጭታት ኣብ እትሕመሰሉ ዘላ እዋን፣ ኣብ ክልል ኣምሓራ ማእከል ጎንደር፣ ብዝተወልዐ ቶኵሲ ኣብ ሰበን ንብረትን ጉድኣት በጺሑ።

ማዕከናት ዜና ኢትዮጵያ ትማሊ ብዝዘርግሐኦ ሓበሬታ፣ ዕጡቓት ብዝኸፈትዎ ቶዅሲ፣ ሓደ ሰብ ክመውት እንከሎ ሸሞንተ ድማ ቆሲሎም ኣለው።

ብዘይካ'ዚ፣ ሓያሎ ኣባይትን ትካላትን ኣበቲ ግጭት ተቓጺሎም።

ምስቲ ግጭት ብዝተሓሓዝ 49 ሰባት ኣብ ቀይዲ ኣትዮም ከምዘለው ዝሓበራ እተን ማዕከናት ዜና፣ እቲ ናዕቢ ናብ ካልእ ከባቢታት ከይልሕም ሓይልታት ጸጥታ ብዝልዓለ ይሰርሑ ከምዘለዉ ገሊጹ።

Read more...

ኢትዮጵያ፣ ገና ዝቕጽል ዘሎ ናይ ብሄር ግጭታት ህይወት 10ታት ሰባት ኣጥፊኡ

Radio Erena: 03 December 2018

Ethio Ethnic clash

ኣብ ዝተፈላለየ ከባቢታት ኢትዮጵያ፣ ብዝቕጽል ዘሎ ናይ ብሄር ግጭታት ህይወት 10ታት ሰባት ከጥፍእን እንከሎ፣ ሚልዮንንንናት ዝግመት ንብረት ድማ ኣዕንዩ።

በዚ መሰረት፣ ካብ ዝሓለፈ ሰሙን ኣትሒዙ፣ ንብሄራት ቤንሻንጉል ጉምዝን ኦሮሞን ኣብ ዘዋስን ከባቢታት፣ ኣባላት ፖሊስ ዝርከብዎም ብውሕዱ 17 ሰባት ተቐቲሎም።

ድሕሪ'ቲ ዝበዝሑ ተወላዶ ኦሮሞ ዝሞትሉ ግጭት፣ እቲ ኩነታት ካብ ቁጽጽር ክልላዊ መንግስቲ ብምዃኑ፣ ፈደራላዊ መንግስቲ ኢትዮጵያ ናብቲ ቦታ ሰራዊት ኣብ ምውፋር ይርከብ።

ኢትዮጵያ፣ ናይ ብሄር ግጭታት ኣብ ዓድታት ጥራት ዘይኮነ፣ ኣብ ዩኒቨርስታት ከይተረፈ'ውን ይጎሃሃር ከምዘሎ ይፍለጥ።

Read more...




Powered by Joomla!®. Designed by: free hosting no ads resell dot me domains Valid XHTML and CSS.