c


ዜና ኤርትራ

ምብራቕ ሱዳን፣ ብሓደጋ ሄሊኮፕተር ሓሙሽተ ሰበ ስልጣን ሞይቶም

Radio Erena: 10 December 2018

Sudan helicopter crash

ኣብ ምብራቕ ሱዳን፣ ዞባ ገዳርፍ፣ ብዘጋጠመ ሓደጋ ሄሊኮፕተር፣ ኣመሓዳሪ ናይቲ ዞባ ሙርቓኒ ሳልሕን፣ ኣዘዚ ፖሊስ ናይቲ ዞባን ሚኒስተር ሕርሻን ዝርከብዎም ሓሙሽተ ሰበ ስልጣን ከምዝሞቱ ኣገልግሎት ዜና እታ ሃገር ሓቢሩ።

ጠንቂ'ቲ ብ9 ታሕሳስ ዘጋጠመ ሓደጋ ብንጹር እኳ እንተዘይተገልጸ፣ እታ ሄሊኮፕተር ኣብ ዞባ ገዳርፍ ንምዕላብ ኣብ እትቃረበሉ ዝነበረት እዋን ምስ ነዊሕ ናይ ሓጺን ግንቢት ብምግጫዋ ብዝተፈጥረ ባርዕ ከምዝተሓምሸሸት'ዩ ይጥቐስ።

ተደጋጋሚ ሓደጋ ነፈርቲ ዝርኣየ ሱዳን፣ ኣብዚ ዝሓለፈ ሰለስተ ኣዋርሕ፣ ተመሳሳሊ ሓደጋ ከጋጥም እዚ ንሳልሳይ እዋኑ'ዩ።

ኣብ ዝሓለፈ ወርሒ፣ ኣብ መዓርፎ ነፈርቲ ካርቱም ክልተ ነፈርቲ ብምግጫወን ብውሕዱ ሸሞንተ ሰባት ከምዝቖሰሉ ኣይርሳዕን።

Read more...

ፕረዚደንታት ሱዳንን ጂቡቲን ኣብ ኢትዮጵያ ዑደት የካዪዱ

Radio Erena: 09 December 2018

Abiy Beshir Guelle

ፕረዚደንታት ሱዳንን ጂቡቲን ቀዳማይ ሚኒስተር ኢትዮጵያ ብዝገበረሎም ዕድመ መሰረት፣ ናብ ኢትዮጵያ ኣትዮም።

ፕረዚደንታት ዑመር ኣልበሽርን፣ ኢስማዒል ዑመር ገለን ኣብ ከተማ ጅማ ኣብ ዝኣተዉሉ፣ ኢንዱስትሪያዊ ዞባን ማእከል ሕክምናን ዝኣመሰሉ ትካላት መሪቖም።

እቶም መራሕቲ ጎረባብቲ ሃገራት፣ ነቲ ኢትዮጵያ ቅዋም ዘጽደቐትሉ ከም ሃገራዊ በዓል ዝዝከር መዓልቲ ንምጽምባል እዮም ትማሊ 8 ታሕሳስ ናብታ ሃገር ኣትዮም።

ቀዳማይ ሚኒስተር ኣብይ ኣብ መንጎ ኤርትራን ሱዳንን ዘሎ ምትፍናን ብሰላማዊ ዘተ ንምፍታሕ ንክልቲኦም ወገናት ከቃራርብ ምጽንሑ ዝፍለጥ ኮይኑ፣ ኣብዚ ፕረዚደንት ኣልበሽር ዑደት ዘካዪደሉ ዘሎ ኣጋጣሚ፣ ምስ ፕረዚደንት ኢሰያስ ንምትዕራቖም ፈተነ ከምዝገብር ዲፕሎማስያውያን ምንጭታት ይጠቕሱ።

Read more...

ሱዳንን ኣመሪካን ኣብ ወትሃደራዊ ምትሕግጋዝ ዘትየን

Radio Erena: 07 December 2018

Sudan US generals

ሱዳንን ኣመሪካን ኣብ ወትሃደራዊ ምትሕግጋዝ ዘተኮረ ዘተ ከምዘካየዳ ሚኒስትሪ ምክልኻል ሱዳን ብሰሉስ 4 ታሕሳስ ኣብ ዘውጽኦ መግለጺ ኣፍሊጡ።

ክልትኤን ሃገራት ነዚ ዘተ ዘካየዳ፣ ኣዛዚ ሓባራዊ ሓይሊ ዕማም ኣብ ቀርኒ ኣፍሪቃ ሜጀር ጀነራል ጄምስ ክሬግ፣ ምስ ጠቕላሊ ሓለቓ ስታፍ ሰራዊት ሱዳን ጀነራል ከማል ዓብደል ማሩፍ፣ ኣብ ካርቱም ኣብ ዝተራኸበሉ እዋን'ዩ።

ላዕለዎት ኣዘዝቲ ሰራዊት ሱዳንን ኣመሪካን፣ ኣብ ወትሃደራዊ ምትሕግጋዝ ዘተኮረ ዘተ ዘካይዱ ዘለዉ፣ ንልዕሊ 20 ዓመታት ተበቲኹ ዝጸንሐ ዝምድና ክልትኤን ሃገራት ንምምሕያሻ ጻዕርታት ኣብ ዘካየደሉ ዘሎ ግዜ'ዩ።

ኣመሪካ ኣብ ልዕሊ ሱዳን ኣጽኒዓቶ ዝነበረት እገዳ ገለ ክፋሉ ድሕሪ ምልዓላ፣ ኣብ 2017'ውን ሱዳንን ኣመሪካን ርክብ ላዕለዎት ኣዘዝቲ ሰራዊት ኣካይደን ምንባረን ይዝከር።

Read more...

"ፕረዚደንት ገለ፣ ናብ ኤርትራ ክበጽሕ'ዩ፣" ሚ/ጉ/ ወጻኢ ጅቡቲ

Radio Erena: 07 December 2018

Issais Guelle

ፕረዚደንት ጅቡቲ እስማዒል ዑመር ገለ፣ ኣብዚ ቀረባ ናብ ኤርትራ ክበጽሕ መደብ ከምዘሎ ሚኒስተር ጉዳያት ወጻኢ እታ ሃገር መሓመድ ዓሊ ዮሱፍ ገሊጹ።

ንሱ ነዚ ዝገለጸ፣ ብምኽንያት ኣብ ጅቡቲ ዝካየድ ዘሎ ኣህጉራዊ ናጻ ንግዲ፣ ምስ ኣገልግሎት ዜና ቱርኪ (ኣናዶሉ) ኣብ ዝገበሮ ቃለ መጠይቕ'ዩ።

ይኹን'ምበር መገሻ ፕረዚደንት ገለ ናብ ኤርትራ መዓስ ከምዝካየድ ብንጹር ኣየፍጠን።

ድሕሪ ዑደት ፕረዚደንት ጅቡቲ ናብ ኤርትራ፣ ፕረዚደንት ኢሳይያስ'ውን ናብ ጅቡቲ ክበጽሕ ትጽቢት ኣሎ።

Read more...

እስራኤል፣ ኣብ ልዕሊ ደቂንስትዮ ዝፍጸም ዘቤታዊ ጎነጽ ደው ክብል ዝጽውዕ ሰልፊ ተኻይዱ

Radio Erena: 06 December 2018

israel women demoኣብ እስራኤል ኣብ ልዕሊ ደቂንስትዮ ዝፍጸም ዘሎ ዘቤታዊ ጎነጽ ደው ክብል ዝውጽዕ ሰፊሕ ሰለማዊ ሰልፊ ተኻይዱ።

እቲ 10ታት ኣሽሓት ደቂንስትዮ ዝተሳተፍኦ፣ ብደረጃ ሃገር ተወዲቡ፣ ብሰሉስ 04 ታሕሳስ ኣብዝ ተፈላለየ ከተማታት ዝተኻየደ ሰለማዊ ሰልፊ፣ ጓል 12 ዓመት ኤርትራዊት ቆልዓ ሶልያና ጸጋይ፣ እትርከበን ክልተ ደቂንስትዮ፣ ዝሓለፈ ቅንያት ብተመሳሳሊ ጎነጽ ድሕሪ ምቕታለን'ዩ ዝካየድ ዘሎ።

ኣብ እስራኤል ኣብዛ ዓመት እዚኣ ጥራይ 24 ደቂንስትዮ ብዘቤታዊ ጎነጽን ዓመጽን ህይወተን ከምዝሓለፈ ጸብጻባት ካብታ ሃገር የመልክቱ።

ጸብጻብ ክነሰት ከምዘመልክቶ ድማ ካብ 2011 ኣትሒዙ፣ ኤርትራውያን ዝርከብአን 127 ደቂንስትዮ ግዳያት ዘቤታዊ ጎነጽ ኮይነን።

Read more...




Powered by Joomla!®. Designed by: free hosting no ads resell dot me domains Valid XHTML and CSS.