c


ዜና ኤርትራ

ኣብ ልዕሊ ትካል ዕደና ኔቭሰን ክሲ ናይ ዝመስረቱ ብዝሒ ኤርትራውያን 57 በጺሑ

Radio Erena: 23 October 2017

Bisha

ኣብ ልዕሊ'ቲ ኣብ ቢሻ ዕደና ዘካይድ ዘሎ ናይ ካናዳ ኩባንያ ኔቭሰን ክሲ ናይ ዝመስረቱ ኤርትራውያን ብዝሒ 57 ከምዝበጽሐ ምስቲ ጉዳይ ቅርበት ዘለዎም ወገናት ገሊጾም።

እቲ ክሲ ኣብ 2014 ብሰለስተ ኤርትራውያን ጥራይ እኳ እንተተመስረተ፣ ድሒሩ ግና፣ ኣብቲ ብኩባንያ ኔቭሰንን መንግስቲ ኤርትራን ዝውነን ፕሮጀክት ዕደና ቢሻ፣ ብደረጃ ሃገራዊ ኣገልግልት ኣብ ናጻ ናይ ጉልበት ምዝመዛ ተዋፊርና ኢና እናበሉ ዝብሉ 10ታት ኤርራውያን ክጽንበርዎ ተራእዮም።

ኣብዚ እዋን'ዚ፣ ካሕሳ ናይቲ ኣብ ናጻ ናይ ጉልበት ምዝመዛ ምውፋሮም ዝሓቱ ኤርትራውያን ከሰስቲ 57 በጺሑ ከምዘሎ ዘነጸሩ እቶም ነዚ ሓበሬታ ዝልኣኹ ወገናት፣ ካልኦት ተመሳሳሊ ክሲ ዘለዎም ኤርትራውያን'ውን ክጽንብበርዎ ከምዝኽእሉ የረድኡ።

Read more...

ኤርትራዊ ኣትለት ፔትሮ ማሞ፣ ሓይሊ ዝህብ መድሃኒት ብምውሳዱ ተኣጊዱ፣ ዝወሰዶ ማዳልያታት ተቐንጢጡ

Radio Erena: 22 October 2017

Mamu

ሻምፕዮን ውድድር ጉያ እግሪ ጎቦ ዓለም፣ ኤርትራዊ ኣትለት ፔትሮ ማሞ፣ ሓይሊ ዝህብ መድሃኒት ኣብ ደሙ ስለዝተረኸበ፣ ንትሽዓተ ኣዋርሕ ካብ ዝኾነ ዓይነት ውድድራት ክእገድ ኣህጉራዊ ማሕበር ፈደረሽን ኣትለቲክስ - IAAF ወሲኑ።

እቲ ኣብ ናይ ርሕቀት ውድድር ጉያ እግሪ ጎቦ ዝቀዳደም ኣትለት፣ ኣብ ዝተኻየደሉ ናይ ደም መርመራ፣ ንኣዝማ ተባሂሉ ኣብ ዝተዳለወ መድሃኒ ዝርከብ ሓይሊ ዝህብ ባእታ ከምዝጸንሖ'ዩ እቲ ናይ IAAF ሓበሬታ ዝገልጽ።

IAAF ኣብ መግለጺኡ ብተወሳኺ፣ እቲ ኤርትራዊ ኣትለትል ካብ 19 መስከረም ኣትሒዙ ንትሽዓተ ኣዋርሕ ኣብ ዝኾነ ይኹን ቅድድም ከይወዳደር ብምእጋድ፣ ካብ 30 ሓምለ ኣትሒዙ ንዝተዓወቶም ክብርታት'ውን ቀንጢጥዎ ኣሎ።

Read more...

ከሰላ፣ ክልተ ኤርትራውያን ስደተኛታት ተቐቲሎም

Radio Erena: 20 October 2017

eritreans kassala

ኣብ ከሰላ፣ ኣብ መንጎ ኣሰጋገርቲ ደቂ ሰብን ሓይልታት ጸጥታን እቲ ዞባ ብዝተኻየደ ግጭት ክልተ ኤርትራውያን ስደተኛታት ከምዝተቐትሉ ሬድዮ ዳባንጋ ሓቢራ።

እታ ሬድዮ ብዘቕረበቶ ጸብጻብ መሰረት፣ ሓይልታት ጸጥታ ሱዳን ዘይሕጋውያን ኣሰጋገርቲ ኣብ ዝሃድንሉ ዝነበሩ እዋን፣ እቲ ግጭት፣ ኤል ሳዋቒ ኣብ ዝተባህለ ከባቢ ብ11 ጥቅምቲ'ዩ ተኻይዱ።

ኣዛዚ ፖሊስ ዞባ ከሰላ ሜጀር ጀነራል ያህያ ኤል ሃዲ ሱሌማን ድሕሪ'ቲ ፍጻሜ ኣብ ዝሃቦ ጋዜጣዊ መግለጺ፣ ኣብቲ ናይ ቶዅሲ ምልውዋጥ ክልተ ኤርትራውያን ስደተኛታት ክቕተሉ እንከለዉ፣ ጅሆ ተታሒዞም ዝነበሩ 20 ካልኦት ግና ናጻ ከምዝወጹ'ዩ ሓቢሩ።

Read more...

ናብ ኢትዮጵያ ናይ ዝውሕዙ ዘለዉ ኤርትራውያን ቁጽሪ ካብ ዝሓለፈ ዓመት ዛዪዱ

Radio Erena: 22 October 2017

adi harushኣህጉራዊ ትካል ስደተኛታት ኣብ ኢትዮጵያ ን15 ሽሕ ኤርትራውያን ስደተኛታት ናብ ዝተፈላለያ መዓስከራት ከምዘጎዓዓዘ ሓቢሩ።

እቲ ኣህጉራዊ ትካል፣ ምስ ተጸዋዒ ስደተኛታት ውድብ ሕቡራት ሃገራትን ምምሕዳር ስደተኛታት መንግስቲ ኢትዮጵያን ብምትሕብባር ነቲ ምጉዕዓዝ ከምዘካየዶ ብዓርቢ ዕለት 20 ጥቅምቲ፣ ጀኔቫ ካብ ዝርከብ ቤት ጽሕፈቱ ኣፍሊጡ።

እቲ ትካል ከምዝሓበሮ፣ ካብ ወርሒ መጋቢት ኣትሒዞም ኣብቲ ብእንዳባ ጉና ዝፍለጥ መጻረዪ መዓስከር ዝኣተዉ ኣስታት 15 ሽሕ ኤርትራውያን ኣብ ትግራይ ናብ ዝርከባ ኣርባዕተ መዓስከራት ስደተኛታት ፋሕ ከምዘበሎም ገሊጹ።

Read more...

ፕረዚደንት ኢሳይያስ፣ ኣልሸባብ ኣብ ምጽራግን ጸጥታን ሶማል ኣብ ምውሓስ መንግስቲ ሶማል ንዘካይዶ ዘሎ ጻዕርታት ከምዝድግፍ ገሊጹ

Radio Erena: 18 October 2017

President Isaias

እቲ ፕረዚደንት ነዚ ዝገለጸ፣ ብምኽንያት እቲ 500 ሰላማውያን ሰባት ግዳያት ዝገበረ ሽበራዊ መጥቃዕቲ፣ ናብ ፕረዚደንት ሶማል መሓመድ ዓብዱላህ ፋርማጆ ኣብ ዝልኣኾ ናይ ሓዘን መልእኽቲ'ዩ።

ፕረዚደንት ኢሳይያስ ኣብቲ ብ17 ጥቅምቲ ዝልኣኾ ደብዳቤ፣ ኣብ ሶማል ዝተፈጸመ መጥቃዕቲ ንመንግስቲ ህዝብን ኤርትራን ከምዘጉሃዮ ብምግላጽ፣ መንግስቲ ሶማል ብመሪሕነት ፕረዚደንት መሓመድ ፋርማጆ ኣብ ዘካይዶ ዘሎ ኣልሸባብን ካልኦት ሓይልታት ሽበራን ናይ ምጽራግን ጸጥታ ናይ ምውሓስን ኣብ ዘካይዶ ዘሎ ጻዕሪ ኣብ ጎኑ ደው ከምዝብል ገሊጹ።

ካብ ዞባዊ ጉዳያት ተነጺሉ ዝርከብ መንግስቲ ኤርትራ ምስ መንግስቲ ሶማል ዝኾነ ዓይነት ዝምድና ከምዘይብሉ ዝፍለጥ'ዩ።

Read more...




Powered by Joomla!®. Designed by: free hosting no ads resell dot me domains Valid XHTML and CSS.