c


ዜና ኤርትራ

ጃፓን ሓይሊ ባሕሪ ጅቡቲ ንምዕባዩ ሓገዝ ከተበርክት ምዃና ኣፍሊጣ

Radio Erena: 23 January 2018

Japan Comman

ጃፓን ንሓይሊ ባሕሪ ጅቡቲ ንምዕባዩ ሓገዝ ከተበርክት ምዃና ኣፍሊጣ።

እታ ሃገር ነዚ ተፍልጥ ዘላ፣ ጎኒ ጎኒ'ቲ ሽፍትነት ባሕሪን ምጭዋይ መራኽን ንምግታእ እትገብሮ ዘላ ጻዕሪ ሓይሊ ባሕሪ ናይተን ኣብ ገማግም ህንዳዊ ውቅያኖስ ንዝርከባ መሻርኽታ ዝኾና ሃገራት'ውን ንምዕባዩ ብዝወሰደቶ ተበግሶ'ዩ።

እንተኾነ ጃፓን ንጅቡቲ እተብርክቶ ወትሃደራዊ ሓገዝ ብኣሃዝ ይኹን ብዓይነት ኣየነጸረትን።

ጃፓን ኣብ ጅቡቲ ወትሃደራዊ መደባት ከምዘለዋ እትገልጽ ዘላ ካብ ቻይና ስግኣት ስለዘለዋ ምዃኑ ተንተንቲ ይገልጹ።

Read more...

ኤርትራውያን ስደተኛታት፣ ርዋንዳን እስራኤልን ዘካይድኦ ዘለዋ ስምምዕ ምምላስ ስደተኛታት ንምኹናን ሰለማዊ ሰልፊ የካይዱ

Radio Erena: 22 January 2018

Har

ኣብ እስራኤል ዝርከቡ ኤርትራውያን ስደተኛታትን ሓተቲ ዑቕባ፣ ነቲ መንግስቲ ርዋንዳ ምስ እራኤል ዘካይዶ ዘሎ ስምምዕ ምምላስ ስደተኛታት ዝኹንን ሰለማዊ ሰልፊ የካይዱ።

እቶም ኣማኢት ኤርትራውያን ሎሚ ሰኑይ 22 ጥሪ ኣብ ከባቢ ቴልኣቪቭ፣ ኣብ ከተማ ሄርጽልያ ኣብ ዝርከብ ኤምባሲ ርዋንዳ ብምትእኽኻብ፣ ኣብ ዝወደብዎ ሰለማዊ ሰልፊ፣ መንግስቲ ርዋንዳ ምእንቲ ገንዘብ ክብል ብዘይድሌቶም ካብ እስራኤል ንዝስጎጉ ስደተኛታት ክቕብል እንተወሲኑ፣ ኣብ ታሪክ ስደተኛታት ኣፍሪቃ ጸሊም ታሪኽ ክገድፍ ምዃኑ የተሓሳስቡ።

Read more...

ግብጽን ደቡብ ሱዳንን ናይ ምትሕግጋዝ ውዕላት ከቲመን

Radio Erena: 22 January 2018

Egypt South Sudan

ግብጽን ደቡብ ሱዳንን ኣብ ሓያሎ ጽላታት ዘተኮረ ናይ ምትሕግጋዝ ስምምዕ ከምዝኸተማ ማዕከናት ዜና ካብ ካይሮ ሓቢረን።

እቲ ዝሓለፈ ሰሙን ዝተኻየደ ስምምዕ፣ ብምክትል ከንቲባ ከተማ ጁባ ፍራንሲስ ሚካኤልን ሓያሎ ሚኒስተራትን ዝተወከለ ላዕለዋይ ልኡኽ መንግስቲ ደቡብ ሱዳን ናብ ግብጺ ብምብጻሕ ምስ ፕረዚደንት ዓብደልፈታሕ ኣል ሲሲን ካልኦት ሰበ ስልጣንን እታ ሃገር ኣብ ዝተዘራረብሉ እዋን'ዩ።

ልኡኽ መንግስቲ ደቡብ ሱዳን ኣብ ናይ ግብጺ ዑደቱ ብፍላይ ምስ ሚኒስተሪታት ምክልኻል፣ ጥዕናን ንግድን ብምርኻብ ኣብዚ መዳያት እዚ ክህሉ ዝኽእል ናይ መትሕግጋዝ መደባት ብሰፊሑ ተመያይጡ።

Read more...

ኢትዮጵያ፣ ኣብ ወልድያ ብዝተወልዐ ግጭት ብውሕዱ ሸውዓተ ሰባት ተቐቲሎም

Radio Erena: 22 January 2018

Woldiaኣብ ኢትዮጵያ፣ ክልል ኣምሓራ፣ ዞባ ወሎን ኣብ እትርከብ ከተማ ወልድያ ኣብ መንጎ ጥምቀት ዘብዕል ዝነበረ ህዝብን ሓይልታት ጸጥታ መንግስትን ብዝተኻየደ ግጭት ብውሕዱ 7 ሰባት ተቐቲሎም።

ኣብቲ ብዓርቢ 19 ጥሪ ዝተወልዐ ግጭት፣ ሓያሎ ካልኦት ክቖስሉ እንከለዉ ብርክት ዝበለ ንብረት ከምዝተቓጸለ ንናይ ዓይኒ መሰኻክር ብምጥቃስ ዝተፈላለያ ማዕከናት ዜና ሓቢረን።

ህዝቢ ከተማ ወልድያ፣ ኣብ እዋን በዓል ጥምቀት ናዕብን ዕግርግርን ከይውላዕ ካብ ምስጋእ ዝተዋፈሩ ሓይልታት ጸጥታ ብኣእማንን ካልእ ነገራትን ከሳጉጎም ድሕሪ ምጅማሩ እቲ ግጭት ከምዝተወልዐ'ዩ ዝግለጽ።

Read more...

ሓያሎ ሰበስልጣን ጸጥታን ፖሊስን መንግስቲ ሱዳን ኣብ ምስግጋር ደቂሰብ ምውፋር ገና ይቕጽሉዎ ከምዘለዉ ተገሊጹ

Radio Erena: 21 January 2018

dob ertra sudanሓያሎ ሰበስልጣን ጸጥታን ፖሊስን መንግስቲ ሱዳን ኣብ ምስግጋር ደቂሰብ ምውፋር ገና ይቕጽሉዎ ከምዘለዉ ተገሊጹ።

ኣብ ምኽባር ሰብኣዊ መሰላት ዝነጥፉ ሱዳናውያን ማሕበራት ኣብ ዝገበሩዎ መጽናዕቲ፣ ኣብ ዞባ ከሰላ ሓላፊ መርመራ ገበን ዝነበረ ኮሎኔል ዓዋድ ሙፍታሕ ዝርከቦም ሓያሎ ኣባላት ጸጥታን ፖሊስን ኣብ ትሕቲ ቀይዲ እኳ እንተኣተዉ፣ እቲ ኣብ ምስግጋር ደቂሰብ ተዘርጊሑ ዘሎ መርበብ ግና፣ ሕጂ’ውን ይቕጽል ከምዘሎ ኣመልኪቶም።

መንግስቲ ሱዳን ካብ ኤርትራ፣ ኢትዮጵያን ሶማልያን ንኤውሮጳ ንምስጋር ዝሕልኑ ስደተኛታት ንምግታእ ምስ ሕብረት ኤውሮጳ ብዝገበሮ ስምምዕ መሰረት ብኣማኢት ሚልዮናት ዩሮ ሓገዝ ከምዝተቐበለ ዝፍለጥ’ዩ።

Read more...




Powered by Joomla!®. Designed by: free hosting no ads resell dot me domains Valid XHTML and CSS.