c


ዜና ኤርትራ

ኤርትራውያን፣ ንምልዓል እገዳ ብዝተፈላለየ ስምዒታት ይገልጽዎ ኣለዉ

Radio Erena: 16 November 2018

Sanction lifted

ባይቶ ጸጥታ ሕቡራት ሃገራት፣ ኣብ ልዕሊ ኤርትራ ንትሽዓተ ዓመታት ኣጽኒዕዎ ዝጸንሐ እገዳ ምልዓሉ፣ ኣብ ወጻኢ ሃገራት ዝነብሩ ኤርትራውያን ብዝተፈላለየ ስምዒታት ይገልጽዎ ኣለዉ።

ደገፍቲ ህግደፍ፣ ንምልዓል እቲ እገዳ፣ ብጓይላን ሆይሆይታን ክገልጽዎ እንከለዉ፣ ደለይቲ ለውጢ ዝኾኑ ወገናት ከኣ፣ እሱራት ከይፍትሑንን ቅዋም ንኸይትግበርን፣ ዝተነብረሉ እገዳን ምስ ኢትዮጵያ ዝነበረ፣ 'ኣይ ሰላን ኣይ ኩናት' ሃዋሁውን ከም መመኽነይታ ክትቐመሉ ንዝጸንሐ መንግስቲ፣ ምኽንያት ዝኸልእ ኣጋጣሚ ስለዝኮነ፣ እቲ መንግስቲ ናብ ዴሞክራስያዊ ስርዓት ክምለስ ዘገድድ ሓድሽ መድረኽ'ዩ እናበሉ ይትንትንዎ።

መንግስቲ ኤርትራ፣ ቅዋም ከይትግበር፣ ሃገራዊ ባይቶ ከይእከብን፣ ሓፈሻዊ ምርጫ ከይካየድን፣ ከም ኣውራ ጠንቕታት ከቕርቦ ዝጸንሐ ምኽንያታ፣ ምስ ኢትዮጵያ ዝጸንሐ ኩነታትን እገዳ ምዃኑ ዝፍለጥ'ዩ።

Read more...

ሱዳን፣ ዋሕዲ ባጤራ ኣብ መነባብሮ ህዝቢ ጸቕጢ ይፈጥር

Radio Erena: 16 November 2018

Sudan cash shortage

ኣብ ሱዳን ኣጋጢሙ ዘሎ ዋሕዲ ባጤራ፣ ኣብ መነባብሮ ህዝቢ ጸቕጢ ፈጢሩ ከምዘሎ ተገሊጹ።

ብሰንኪ ዝቕባበ ሰንከልከል ንዝብል ዘሎ ዕዳጋታት ንምርግጋእ ሓድሽ ናይ 100 ፓውንድ ወረቓቕቲ ዘሕተመ መንግስቲ ሱዳን፣ ካብ ዝሓለፈ ወርሒ ኣትሒዙ፣ ንመጠን ሸርፊ ፓንድ ብኣስታት 50 ሚእታዊት ከምዝዛይድ'ዩ ጌርዎ።

እንተኾነ ዝቕባበ ካብቲ ዝነበሮ እናበኣሰ ስለዝኸደን ህዝቢ ድማ ኣብ ባንክ ዝነበሮ እምነት እናጎደለ ስለዝመጸን፣ ዝነበሮ ውህሉል ገንዘብ ብብዝሒ ክስሕብ'ዩ ተረእዩ።

ብሰንኩ ድማ መንግስቲ ሱዳን፣ ኣብ ባጤራ ቁጽጽር ብምግባር፣ ኣብ ዕዳጋታት ዝዘውር ባጤራ ኣውሒድዎ ከምዘሎ ተንተንቲ ቁጠባ የረድኡ።

Read more...

ባይቶ ጸጥታ፣ ኣብ ልዕሊ ኤርትራ ንትሽዓተ ዓመታት ኣጽኒዕዎ ዝጸንሐ እገዳ ኣልዒልዎ

Radio Erena: 15 November 2018

eri_unscባይቶ ጸጥታ ሕቡራት ሃገራት፣ ኣብ ልዕሊ ኤርትራ ንትሽዓተ ዓመታት ኣጽኒዕዎ ዝጸንሐ እገዳ ትማሊ ሮቡዕ 14 ሕዳር ኣብ ዘካየዶ ኣኼባ ኣልዒልዎ።

ባይቶ ጸጥታ፣ ነቲ እገዳ ዘልዕል ዘሎ ናይ ሓሙሽተ ቀወምትን 10 ዘይቀወምትን ኣባላት እቲ ባይቶ ምሉእ ድጋፍ ብምርካብ'ዩ።

እቲ ባይቶ፣ ኣቐዲሙ ብብሪጣንያ ንዝቐረበ ንድፊ ከምዘለዎ ብምቕባል፣ ኣብ ልዕሊ መንግስቲ ኤርትራ ዝተነብረ ናይ ኣጽዋር እገዳ ይኹን ካልእ ምስ መገሻ ሰበ ስልጣናትን ምድስካል ኣብ ወጻኢ ዝርከብ ንብረትን ብምሉኡ ክእለ ወሲኑ ኣሎ።

ብዘይካ'ዚ፣ እቲ ባይቶ ንዕማም ተቖጻጻሪ ጉጅለ ናብ ናይ ክኢላታት ፓነል (መኣዲ ዘተ) ኣውሪድዎ ኣሎ።

Read more...

ጃፓን ኣብ ጅቡቲ ዝርከብ ወትሃደራዊ መዓስከራ ከተስፍሕ'ያ፣ ህንዲ'ውን ክትጥቀመሉ'ያ

Radio Erena: 16 November 2018

Indo Japan

ጃፓን፣ ካብ 2015 ኣትሒዛ ብ ጅቡቲ ዝሃነጸቶ ወትህድራዊ መዓስከር ከተስፍሕ ምዃና ተገሊጹ።

እዚ ኣብ ጅቡቲ ዝርከብ ወትሃደራዊ መዓስከር ጃፓን፣ ህንዲ'ውን ክትጥቐመሉ ምዃና መርበባት ሓበሬታ ክልትኤን ሃገራት ይገልጻ ኣለዋ።

እዚ ዝግለጽ ዘሎ፣ ኣብ ከተማ ቶክዮ ኣብ ዝተቓንዐ መበል 13 ዋዕላ ጃፓንን ህንድን፣ ቀዳማይ ሚኒስተር ጃፓን ሺንዞ ኣበ ምስ ህንዳዊ መዘንኡ ናረንድራ ሞዲ ብምርኻብ ኣብ ንግዳውን ወትሃደራውያን ጉዳያት ክተሓጋገዙ ድሕሪ ዝበጽሕዎ ስምምዕ'ዩ።

ጃፓን፣ ጎኒ ጎኒ'ቲ ናይ ቻይና ተበግሶ፣ ኣብ ጅቡቲ ወትሃደራዊ መዓስከር ምኽፋታ ዝዝከር ኮይኑ፣ ኣብዚ እዋን'ዚ ድማ ምስ ህንዲ ብምልፋን፣ ኣብቲ መዓስከር ክተሓጋገዛ ተወሳኺ ምይይጥ ኣብ ምክያድ ከምዝርከባ'ዩ ዝንገር።

Read more...

ዞባ ማእከል፣ ኣባላት ህዝባዊ ሰራዊት ታዕሊም ከካይዱ'ዮም

Radio Erena: 15 November 2018

hizbawi serawitኣብ ዞባ ማእከል ዝርከቡ ኣባላት ህዝባዊ ሰራዊት፣ ኣብ ቀዳመ ሰንበት ዘካይድዎ ዝነበሩ ታዕሊም ክቕጽል ትእዛዝ ተመሓላሊፉ ከምዘሎ ተሓቢሩ።

እቲ ብምምሕዳራት ተዘርጊሑ ዘሎ ትእዛዝ፣ ኣብ ትሕቲ ክፍለ ሰራዊት 59 ዝተጠርነፉ ኣባላት ህዝባዊ ሰራዊት ከባቢ ኣስመራ፣ ኣብ ኤክስቦ ዘካይድዎ ዝነበሩ ታዕሊም ክቕጽል ምዃኑ ዘዘኻኽር'ዩ።

እቶም ብስም ዑቕር ሰራዊት ዝፍለጡ ዝነበሩ ድሒሮም ድማ ህዝባዊ ሰራዊት ዝተሰምዩ፣ መብዛሕቶም ልዕሊ ዕድመ ዝኾኑ ኣቦታትን ኣቦሓጎታትን፣ ድሕሪ'ቲ ምስ ኢትዮጵያ ተጀሚሩ ዝተባህለ ሰላም፣ ብረቶም ከረክቡ ምዃኖም'ዩ ክሕበሮም ጸኒሑ።

ይኹን'ምበር ብመሰረት ካብ ኣስመራ ዝረኸብናዮ መረጋገጺ፣ እቶም ኣባላት ህዝባዊ ሰራዊት ካብ ሰንበት 12 ሕዳር ኣትሒዞም ነፍሲ ወከፍ ሰንበት ዝቕጽል ታዕሊም ጀሚሮም ኣለዉ።

Read more...




Powered by Joomla!®. Designed by: free hosting no ads resell dot me domains Valid XHTML and CSS.