c


ዜና ኤርትራ

ኣብ ኣፍሪቃ፣ ንዝነውሐ ዓመታት ኣብ ስልጣን ዝጸንሐ ፕረዚደንት ኢኳቶርያል ጊኒ ናብ ሱዳን ይበጽሕ

Radio Erena: 21 November 2018

Sudan Equatorial

ንኢኳቶርያል ጊኒ ን39 ዓመታት ዝመርሐ ፕረዚደንት ኤዶር ኦብያንግ ንጉዌማ ባሳጎ ናብ ሱዳን በጺሑ።

እቲ ፕረዚደንት ብሰኑይ 19 ሕዳር ናብ ካርቱም ኣብ ዝኣተወሉ ፕረዚደንት ዑመር ሓሰን ኣልበሽር ድሙቕ ወትሃደራዊ ኣቐባብላ ጌርሉ።

መራሕቲ ሃገራት ምዕራብ ኣፍሪቃ ኣብ ሃገራት ምብራቕ ኣፍሪቃ ዑደት ከካይዱ ሳሕቲ'ዩ።

ዕላማ ዑደት ፕረዚደንት ባሳጎ ናብ ሱዳን፣ ዝምድና ክልቲኤን ሃገራት ንምዕባይ ዝዓለመ'ዩ።

ክልቲኦም ፕረዚደንታት፣ንልዕሊ 25 ዓመታት ኣብ ስልጣን ካብ ዝጸንሑ ሽዱሽተ መረሕቲ ሃገራት ኣፍሪቃ'ዮም።

Read more...

መራሕቲ ኢትዮጵያን ጅቡትን ኣብ ጉዳይ ዝምድና ምስ ኤርትራ ዘትዮም

Radio Erena: 20 November 2018

 Abiy and guelehቀዳማይ ሚኒስተር ኢትዮጵያ ኣብይ ኣሕመድን ፕርዚደንት ጅቡቲ እስማዒል ዑመር ገለን፣ ኣብ ጉዳይ ዝምድና ምስ ኤርትራ ዘትዮም።

ምስ መንግስቲ ቅርበት ዘለወን ማዕከናት ዜና ኢትዮጵያ ብዝሃበኦ ሓበሬታ መሰረት፣ ክልቲኦም መራሕቲ፣ ኣብ ልዕሊ ኤርትራ ተነቢሩ ዝጸንሐ እገዳ ንኽልዓል ጻዕርታት ንዝገበራ ሃገራት ኣመስጊኖም።

ክልቲኦም መራሕቲ ኣብ መንጎ ኤርትራን ጅቡቲን ገና መዕለቢ ዘይረኸቡ ጉዳያት መፍትሒ ኣብ ምንዳይ ኣብ ዝብል ነጥቢ'ውን ተመኻኺሮም።

ኣቐዲሙ ክልቲኦም መራሕቲ በብወገኖም ምስ ፕረዚደንት ፈረንሳ ኣብ ዘካየድዎ ዝርርብ፣ ኣብ ተመሳሳሊ ጉዳያት ከምዝተዘራረቡ ይዝከር።

መራሕቲ ኢትዮጵያን ጅቡቲን፣ ብዛዕባ ዝምድና ምስ ኤርትራ ዝዘተዩ፣ ጎኒ ጎኒ'ቲ ኣብ ኣዲስ ኣበባ ዝተኻየደ መበል 11 ፍሉይ ዋዕላ መራሕቲ ሃገራት ሕብረት ኣፍሪቃ'ዩ።

Read more...

ብምክትል ፕረዚደንት ዝምራሕ ላዕለዋይ ልኡኽ ቱርኪ ናብ ሱዳን ይበጽሕ

Radio Erena: 19 November 2018

Turkish VP

ብምክትል ፕረዚደንት ፋውት ኦክታይ ዝመርሖ ላዕለዋይ ልኡኽ መንግስቲ ቱርኪ፣ ኣብ ሱዳን ናይ ሰለስተ መዓልታታት ወግዓዊ ናይ ስራሕ ምብጻሕ ንምክያድ ሎሚ ሰኑይ 19ሕዳር ካርቱም ክኣቱ'ዩ።

ምክትል ፕረዚደንት ቱርኪ ኣብ ሱዳን ኣብ ዝጸንሓሉ ምስ ፕረዚደንት ሱዳን ዑመር ሓሰን ኣልበሽርን ምክትሉ ባክሪ ሓሰን ሳልሕን ብምርኻብ፣ ኣብ መንጎ ክልቲኤን ሃገራት ተጀሚሩ ብዛዕባ ዘሎ ርክባት ክመያየጡ'ዮም።

ብዘይካ'ዚ እቲ ልኡኽ፣ ኣብቲ ኣብ ካርቱም ዝካየድ መበል 15 ሓባራዊ ኮሚሽን ቁጠባ ሱዳንን ቱርኪን ክሳተፍ ምዃኑ ኣገልግሎት ዜና እታ ሃገር፣ ኣናዶሉ ኣፍሊጡ።

ድሕሪ'ቲ ዝሓለፈ ዓመት ዝተኻየደ ወግዓዊ ምብጻሕ ፕረዚደንት ቱርኪ ጣይብ ኤርዶዋን ናብ ሱዳን፣ ክልትኤን ሃገራት ጥቡቕ ወትሃደራውይን ቁጠባውን ዝምድና ንምምስራት ይሰርሓ ከምዘለዋ ዝፍለጥ'ዩ።

Read more...

ኤርትራ፣ እገዳ ምልዓሉ ንኣውፈርቲ ዕደና ከተባብዕ ትጽቢት ይግበረሉ

Radio Erena: 19 November 2018

Mining lifted sanction

ኣብ ልዕሊ ኤርትራ፣ ንትሽዓተ ዓመታት ተነቢሩ ዝጸንሐ እገዳ ምልዓሉ፣ ኣብ ዕደና እታ ሃገር ወፍሪ ክገብራ ንዝደልያ ኩባንያታት ወጻኢ ዘተባብዕ ምዃኑ ተገሊጹ።

ማዕከን ዜና ማይኒንግ ዊክሊ፣ ንኩባንያ ዕደና ዳናካሊ ብምጥቃስ ኣብ ዝዘርግሖ ዜና፣ እቲ እገዳ ምልዓሉ፣ ናይ ወጻኢ ኣውፈርቲ ብምትብባዕ፣ ንቁጠባ ኤርትራ ከመሓይሽ ዘለዎ እምነት ገሊጹ።

ኣውስትራልያ ኣመደበሩ ኩባንያ ዳናካሊ፣ ኣብ ደንካልያ፣ ከባቢ ኮሎሊ ዕደና ፖታሽ ዘካይድ ዘሎ ኮይኑ፣ ኣብ ኤርትራ ዳህሳስን ኩዕታን ካብ ዘካይዱ ዘለዉ ብውሕዱ 16 ናይ ወጻኢ ኩባንያታት ዕደና ሓደ'ዩ።

ባይቶ ጸጥታ፣ ኣብ ልዕሊ ኤርትራ ዝተነብረ እገዳ ምሉእ ብምሉእ ክልዓል ምውሳኑ፣ ንናይ ወጻኢ ናይ ኩባንያታት ከተባብዕ ከምዝኽእል ይግለጽ እኳ እንተሎ፣ ብጉዳይ ምግሃስ ሰብኣዊ መሰላት ኣብ ልዕሊ ኔቭሰን፣ ኣብ ካናዳ ቀሪቡ ዘሎ ክሲ፣ ካልእ ንኣውፈርቲ ዕደና ዘጠራጥር ጉዳይ ምዃኑ'ዩ ዝጥቀስ።

Read more...

ቁጽሪ ኣብ ኢትዮጵያ ዑቕባ ናይ ዝሓቱ ዘለዉ ኤርትራውያን፣ ኣብ ውሽጢ 3 ወርሒ ጥራይ ልዕሊ 10 ሽሕ በጺሑ

Radio Erena: 18 November 2018

mekele2ቁጽሪ ኣብ ኢትዮጵያ ዑቕባ ናይ ዝሓቱ ዘለዉ ኤርትራውያን፣ ክሳብ መፋርቕ ወርሒ ጥቅምቲ ጥራይ ልዕሊ 10 ሽሕ ከምዝበጽሐ፣ ተጸዋዒ ስደተኛታት ገሊጹ።

ዶባት ኤርትራን ኢትዮጵያን ካብ ዝኽፈት ኣብ ውሽጢ ሰለስተ ኣዋርሕ ልዕሊ 15 ሽሕ ኤርትራውያን ናብ ኢትዮጵያ ከምዝሰገሩ ዝሓበረ እቲ መግለጺ፣ ካልኦት ብኣሽሓት ዝቑጸሩ’ውን ናብ ዝተፈላለያ ከተማታት ኢትዮጵያ ብምኻድ ፖለቲካዊ ዑቕባ ከይሓተቱ መነባብሮኦም ጀሚሮም ከምዘለዉ ይሕብር።

ዝበዝሑ ካብቶም ፖለቲካዊ ዑቕባ ዝሓተቱ እውን፣ ኣብ ክንዲ ኣብ መዓስከራት ስደተኛታት ዝዑቆቡ፣ ብስራሕ ነብሶም ክኢሎም ስድራቤቶም ክሕግዙ ብምባል ናብ ከተማታት ይውሕዙ ከምዘለዉ ይግለጽ።

Read more...




Powered by Joomla!®. Designed by: free hosting no ads resell dot me domains Valid XHTML and CSS.