c


ዜና ኤርትራ

ብሪጣንያ፣ ብቅትለት ሰብ ን14 ዓመታት ዝተኣስረ ኤርትራዊ ናብ ዓዱ ከይጥረዝ ይሓትት

Radio Erena: 31 October 2017

london

ብቅትለት ሰብ ን14 ዓመታት ክእሰር ዝተፈርዶ ቶማስ ግርማይ ዝተባህለ ኤርትራዊ ናብ ዓዱ ከይጥረዝ ናብ ቤት ፍርዲ ይግባይ ምባሉ ደይሊ መይል ኣብ ናይ 29 ጥቅምቲ ዜናኡ ሓቢሩ።

ብመሰረት እቲ ናይ ደይሊ መይል ሓበሬታ፣ እቲ ኤርትራዊ፣ ምስ ሓደ ጉጅለ ገበነኛታት ብምዃን ኣብ 2004 ንሓደ ታይላንዳዊ ክኢላ ምድራዝ ሰብነት፣ ብካራ ወጊኡ ከምዝቐተሎ ድሕሪ ምኽሳሱ፣ ቤት ፍርዲ ገበነኛ ኮይኑ ስለዝረኸቦ ን14 ዓመታት ክእሰር'ዩ ፈሪድዎ።

ወዲ 34 ዓመት ቶማስ ግርማይ፣ ኣብ ቤት ማእሰርቲ እንከሎ'ውን ኣቐዲሙ ዝፈጸሞም ተመሳሰልቲ ገበናት ከምዝፈጸመ'ዩ ተኸሲሱ።

Read more...

ቴልኣቪቭ፣ መባእታ ቤት ትምህርቲ ቋንቋ ኣደ ኣቡጊዳ 97 ተማሃሮ ኣመሪቓ

Radio Erena: 30 October 2017

Abugida

ብግዱሳት ኤርትራውያን ኣብ እስራአል፣ ኣብ 2013 ዝተበገሰት መባእታ ቤት ትምህትቲ ቋንቋ ኣደ ኣቡጊዳ፣ ከተምህሮም ዝጸንሐት 97 ቆልዑ ኣመሪቓ።

ኣብዚ ዓመት 107 ቆልዑ ተመዝጊቦም እኳ እንተነበሩ፣ እቶም 10 ብዝተፈላለየ ምኽንያታት ትምህርቶም ከምዘቋረጹ ምስ ሬድዮ ኤረና ቅርበት ዘለዎም ካብታ ከተማ ኣረዲኦም።

እዛ ካብ ናይ ዝኾነ ይኹን ፖለቲካዊ ጸግዒ ናጻ ዝኾነትን ብወለዲ እትእለን እትመሓደርን ቤት ትምህርቲ ኣቡጊዳ፣ ዒላማ፣ ኣብ እስራኤል ንዝርከቡ ኤርትራውያን ቆልዑ ምስ መንነቶም፣ ባህሎም ቋንቋኦም ንምልላይ'ዩ።

Read more...

ሞቛድሾ፣ ኣብ ሓደ ዘመናዊ ሆቴል ብዝተፈጸመ ሽበራዊ መጥቃዕቲ 23 ሰባት ተቐቲሎም

Radio Erena: 30 October 2017

Mogadishu Hotel attack

ኣብ ሶማል፣ ከተማ ሞቛድሾ ኣብ ዝርከብ ዘመናዊ ሆቴል፣ ብቀዳም 28 ጥቅምቲ ብዝተፈጸመ ሽበራዊ መጥቃዕቲ 23 ሰባት ከምዝተቐትሉን 30 ከኣ ከምዝቖሰሉን ሓይልታት ጸጥታ እታ ሃገር ኣረጋጊጾም።

ድሕሪ'ቲ ኣብ መኪና ነታጕ ብምጽዋድ ዝተኻየደ መጥቃዕቲ፣ ሓሙሽተ ብረት ዝዓጠቑ ኣባላት ኣልሸባብ ናብቲ ሆቴል ብምእታው፣ ተዅሲ ከምዝኸፈቱን ንዝተወሰነ ሰዓታት'ውን ነቲ ሆቴል ተቖጻጺሮሞ ከምዘምሰዩን ማዕከናት ዜና ካብታ ሃገር ሓቢሮም።

ኣልሸባብ ኣብቲ ሆቴል መጥቃዕቲ ዘካየደሉ ምኽንያት፣ ሓያሎ ኣባላት ፓርላማን ሰበ ስልጣን መንግስቲን ኣብኡ ስለዝቕመጡ ምዃኑ ዝተፈላለዩ ምንጭታት ይጠቕሱ።

እንተኾነ፣ ኣብቲ መጥቃዕቲ ብዛዕባ ዝተቐትለ ኣባል ፓርላማ ወይ በዓል ስልጣን ዛጊት ኣይተረጋገጸን።

Read more...

ኡጋንዳ፣ ብቅትለት ኤርትራዊ ነጋዳይ ዝተጠርጠሩ ሰለስተ መኮንናት ፖሊስ ተቐይዶም

Radio Erena: 30 October 2017

Uganda Police

ፖሊስ ኡጋንዳ፣ ብቅትለት እቲ ኣብ ታሕሳስ 2016 ሞይቱ ዝተረኽበ ኤርትራዉ ዳኒኤል ወልዱ ዝተጠርጠሩ ሰለስተ መኮንናት ፖሊስ ከምዝቐየደ ዘ ኦብዘርቨር ዝተባህለ ማዕከን ዜና ካብታ ሃገር ሓቢሩ።

ፖሊስ ኡጋንዳ ኣብ መግለጺኡ፣ ኣብ ዝምታን ቅትለትን ኢድ ከምዘለዎም ዝተጠርጠሩ ኣባላት ፖሊስ ንምህዳን ብ27 ጥቅምቲ ኣብ ጂንጃን ከባቢኡን ኣብ ዘካየዶ ስርሒት ሽዱሽተ ኣባላት ፖሊስ ከምዝቐየደ ድሕሪ ምጥቃስ፣ እቶም ኣጋሲርወ፣ ባሮዛን ካተንደን ዝተባህሉ ሰለስተ መኮንናት ምስ ቅትለት ኤርትራዊ ነጋዳይ ብዝተሓሓዝ ምዃኑ ኣነጺሩ።

Read more...

ማሕበረሰብ ዓለም ንጉዳይ ስደት ኤርትራውያንን ሓተትቲ ዑቕባን ግቡእ ኣቓልቦ ከይነፍጎም ጻውዒት ቀሪቡ

Radio Erena: 29 October 2017

 sheyla_eseyasማሕበረሰብ ዓለም ንጉዳይ ስደት ኤርትራውያንን ሓተትቲ ዑቕባን ግቡእ ኣቓልቦ ከይነፍጎም ጻውዒት ቀሪቡ።

ኣብቲ ብሓሙስ ዕለት 26 ጥቅምቲ ዝተኻየደ ኣኼባ ሓፈሻዊ ባይቶ ውድብ ሕቡራት ሃገራት፣ ኣብ ጉዳይ ኤርትራ ተመዚዛ መጽናዕቲ ዘካየደት ሸይላ ኪታሩዝ ኣብ ዘስመዓቶ ቃል፣ ንፖለቲካዊ ጥቕሚ ተባሂሉ ብገለ ሃገራት ዝግበር ዘሎ ምስ መንግስቲ ኤርትራ ዝምድና ናይ ምምሕያሽ ጻዕርታት፣ ንቀንዲ ጉዳይ ስደት ኤርትራውያን ይጎስይ ስለዘሎ፣ ኣቓልቦ ክግበረሉ ጸዊዓ።

ምምስራት ዝምድና ምስ መንግስቲ ኤርትራ ቁጽሪ ናብ ስደት ዘምርሑ ኤርትራውያን ንግዚኡ ከጉድል ይኽእል’ኳ እንተኾነ፣ ሕሱም ምልካዊ ምሕደራ መንግስቲ ኤርትራ ከይተመሓየሸ ግና ዝመጽእ ነባሪ ፍታሕ ክህሉ ከምዘይክእል ብተደጋጋሚ ብተጣበቕቲ ሰብኣዊ መሰላት ክግለጽ ጸኒሑ’ዩ።

Read more...




Powered by Joomla!®. Designed by: free hosting no ads resell dot me domains Valid XHTML and CSS.