c


ዜና ኤርትራ

ሜ.ጀነራል ፍሊጶስ ወልደዮሃንስ ሓለቓ ስታፍ ሓ.ም. ኤርትራ ኮይኑ ተመዚዙ፣ ማእከሎት ኣዘዝቲ ሰራዊት ድማ የዕዘምዝሙ

Radio Erena: March 20, 2014

M.General Philipos

ድሕሪ ሞት ሜጀር ጀነራል ገረዝግሄር ዓንደማርያም ውጩ፣ ሜጄር ጀነራል ፊሊጶስ ወልደዮሃንስ ሓለቓ ስታፍ ሓይልታት ምክልኻል ኤርትራ ኮይኑ ምምዛዙ፣ ሓያሎ ማእከሎት ኣዘዝቲ ሰራዊት ምዕዝምዛማት የስምዑ ከምዘለዉ ምንጭታት ሬድዮ ኤረና ሓቢሮም።

ሜጄር ጀነራል ውጩ፣ ብጽኑዕ ሓሚሙ ኣብ ዝነበረሉ፣ ሓለቓ ስታፍ ሓይልታት ምክልኻል ኤርትራ ኮይኑ ምምዛዙ፣ እቲ ወትሃደራዊ ጽፍሒ ብዙሕ ኣገዳስነት ከምዘይጸንሖ ዘነጽር’ዩ ዝበሉ ነቲ ኩነታት ዝተንተንቱ ሓያሎ ኤርትራውያን ድማ፣ ቅድሚ ውጩ’ውን ኣዛዚ ሓይሊ ምድሪ ነበረ ሜጀር ጀነራል ጠዊል ኣብ እዋን ሕማሙ ኣብቲ ጽፍሒ ተመዲቡ ምንባሩ ኣዘኻኺሮም።

Read more...

ስድራቤት ስዉእ ስርሒት ፎርቶ ኮለነል ወዲ ዓሊ ናብ ኖርወይ ተጣይሰን

Radio Erena: March 20, 2014

wedi Ali

ስድራ ቤት ናይቲ ኣብ ስርሒት ፎርቶ 21 ጥሪ 2013 ዝተሰውአ ኮለነል ስዒድ ዓሊ ሕጃይ ብሓገዝ ላዕለዋይ ኮሚሽን ስደተኛታት ውድብ ሕቡራት ሃገራትን መንግስቲ ኢትዮጵያን ናብ ኖርወይ ከምዝተጣየሱ ምንጭታት ሬድዮ ኤረና ካብ ኣዲስ ኣበባ ሓቢሮም።

በዓልቲ ቤቱን ክልተ ደቁን ነቲ ኣብ ፎርቶ ዝተኻየደ ስርሒት ዝተሰውአ ወዲ ዓሊ፣ ናብ ኢትዮጵያ ናብ ስደት ድሕሪ ምምርሐን ኣብ ወጻኢ ሃገራት ዝነብሪኡ ኤርትራውያንን ካልኦት ጉዱሳትን ሞራላውን ገንዘባውን ሓገዝ ክገብሩለን ከምዝጸንሑ ዝፍለጥ’ዩ።

Read more...

ኢጣልያ ልዕሊ 270 ኤርትራውያን ዝርከብዎም ኣስታት 600 ስደተኛታት ኣብ ማእከላይ ባሕሪ ኣድሒና

Radio Erena: March 19, 2014

Immi

ዋሕዚ ኤርትራውያን ዝርከብዎም ስደተኛታት ብመንገዲ ማእከላይ ባሕሪ ናብ ኢጣልያ ኣዝዩ ገኒንሉ ኣብ ዘሎ እዋን፣ ሓይሊ ባሕሪ እታ ሃገር ኣስታት 600 ስደተኛታት ካብ ናይ ምጥሓል ሓደጋ ከምዘድሓነ ኣፍሊጡ።

እቶም ዜጋታት ኤርትራ፣ ሶርያን ፍልስጤምን ዝርከብዎም 62 ትሕቲ ዕድመ ቆልዑን 103 ደቂንስትዮን ዘጠቓለሉ ኣስታት 600 ስደተኛታት ኣብ ክልተ ጀላቡ ተጻዒኖም ኣብ ማእከላይ ባሕሪ እንሳፈፉ’ዮም ብሓይሊ ባሕሪ ኢጣልያ እናተሓገዙ ናብ ገማግም ባሕሪ ተጸጊዒዖም።

Read more...

መንገዲ ኣየር ቱርኪ፣ ኤርትራ ናብ እትርከበን 13 ሃገራት ኣፍሪቃ ናይ መጓዓዝያ በረራታት ክጅምር ምዃኑ ብወግዒ ኣፍሊጡ

Radio Erena: March 19, 2014

turkish

መንገዲ ኣየር ቱርኪ፣ ኤርትራ ናብ እትርከበን 13 ሃገራት ኣፍሪቃ ናይ መጓዓዝያ በረራታት ክጅምር ምዃኑ ብወግዒ ኣፍሊጡ።

ነዚ ዘረጋገጸ ኣካያዲ ስራሕ እቲ መንገዲ ኣየር ተመል ኮቲል ንማዕከናት ዜና ሃገሩ ኣብ ዝሃቦ መግለጺ፣ መንገዲ ኣየር ቱርኪ፣ ኣብ ዓለም እቲ ዝሰፍሐ ዝርግሐ ዘለዎ መንገዲ ኣየር ንምግባሩ ይጽዕሩ ምህላዎም ጠቒሱ።

ከም ሉፍታንዛ ዝኣመሰላ ዓበይቲ መንገዲ ኣየራት ኣተኩሮ ዘይገበራሉ ኣብ ኣፍሪቃኣብ ዝርከባ ንኣሽቱ ከተማታት ከይተረፈ'ውን ናይ መጓዓዝያ በረራታት ንምክያድ ተዳልዩ ከምዘሎ እቲ ኣካይዲ ስራሕ ኣረጋጊጹ።

Read more...

መበል 43 ፕረዚደንት ኣመሪካ ጆርጅ ዳብሊው ቡሽ ኣብ ኢትዮጵያ ናይ ስራሕ ምብጻሕ ይፍጽም ኣሎ

Radio Erena: March 19, 2014

Bush

ፕረዚደንት ኣመሪካ ነበረ ጆርጅ ዳብሊው ቡሽ ኣብ ኢትዮጵያ ዑደት የካይድ ምህላዉ ተገሊጹ።

መበል 43 ፕረዚደንት ሕቡራት መንግስታት ኣመሪካ፣ ጆርጅ ቡሽ ኣብ ኢትዮጵያ ኣብ ዘካይዶ ዘሎ ዑደት ምስ ቀዳማይ ሚኒስተር ኣቶ ደሳለኝ ሃይለመርያምን ካልኦት ሰበ ስልጣን እታ ሃገርን ክዘራረብ ምዃኑ’ውን ተሓቢሩ።

ካብ 2001 ክሳብ 2009 ኣብ ስልጣን ኣብ ዝነበረሉ እዋን፣ ጆርጅ ቡሽ ብግሁድ ምስ መንግስቲ ኢትዮጵያ ዝወገነ’ዩ ክብል መንግስቲ ኤርትራ ደጋጊሙ ከምዝወቐሱ ኣይርሳዕን።

Read more...




Powered by Joomla!®. Designed by: free hosting no ads resell dot me domains Valid XHTML and CSS.