c


ዜና ኤርትራ

ኤርትራ ናይ እትርከበን ወከልቲ ሃገራት ኣፍሪቃ ኣብ ኣዲስ ኣበባ ኣብ ዝካየድ ዘሎ መበል 22 ዋዕላ ሕብረት ኣፍሪቃ ይሳተፉ ኣለዉ

Radio Erena: January 30, 2014

Girma

መበል 22 ዋዕላ ሕብረት ኣፍሪቃ ሎምን ጽባሕን ክካየድ’ዩ።

ኣብቲ ሓያሎ መራሕሪ ሃገራት ኣፍሪቃን ወከልቶምን ዝሳተፍዎ ዋዕላ፣ ኣብ ጉዳይ ማእከላይ ሪፖብሊክ ኣፍሪቃን ደቡብ ሱዳንን ዘተኮረ ዘተን ምይይጥን ክካየደሉ ምዃኑ ተሓቢሩ።

ኣብቲ ዋዕላ፣ ሸቶታት ሚልዮንዮም ንምዕዋትን ቁጠባ ንምዕባይን ተሞክሮታት ኣብ ክንዲ ምልውዋጥ፣ ፍታሕ ዘይረኸቡ ዛዕባታት ግጭታትን ሓደስቲ ዝተወልዐ ኵናትን ክዝተየሎም’ዮ።

ንኤርትራ ወኪሉ ኣምባሳደር ግርማ ኣስመሮም ኣብቲ ኣብ ኣዲስ ኣበባ ዝካየድ ዋዕላ ክሳተፍ ምዃኑ’ውን ዝረኸብናዮ ሓበሬታ የመልክት።

Read more...

‘ኣብ ዓመተ 2013፣ ኣስታት 10 ሽሕ ኤርትራውያን ብማእከላይ ባሕሪ ናብ ማልታን ኢጣልያን ኣትዮም’ –IOM

Radio Erena: January 30, 2014

IMO

ኣብዛ ዝሓለፈት ዓመት፣ ካብ ሰሜን ኣፍሪቃ ናብ ሃገራት ኤውሮጳ ካብ ዝሰገሩ 45 ሽሕ ስደተኛታት ብብዝሒ ኣብ ካልእይ ደረጃ ዝተሰርዐ ቁጽሪ ናይ ኤርትራውያን ምንባሩ፣ ኣህጉራዊ ማሕበር ስደተኛታት-(IOM) ኣብ ዘውጽኦ መግለጺ ኣፍሊጡ።

ኣብ 2013 ናብ ማልታን ኢጣልያን ብጀላቡ ካብ ዝሰገሩ 45 ሽሕ ስደተኛታት እቶም ኣስታት 12 ሽሕ ሶርያውያን ክኾኑ እንከለዉ፣ እቶም ኣስታት 10 ሽሕ ድማ ኤርትራውያን ምንባሮም እቲ ጸብጻብ የመልክት።

ብሳልሳይ ደረጃ ተሰሪዑ ዘሎ ብዝሒ ናይ ሶማላውያን ኮይኑ ኣስታት 3500 ይበጽሕ።

ብዘይካ’ዚ’ውን እቶም ኣስታት 8 300 ትሕቲ ዕደመ ቆልዑ ምዃኖም ሓደ ሲሶ ካብዚኣቶም ድማ ብዘይኣላዩ በይኖም ብጃልባ ዝተበገሱ ምንባሮም እቲ ሓድሽ ዝተዘርግሐ ጸብጻብ የመልክት።

Read more...

የመን ሒዛቶም ዘላ ሰለስተ ኤርትራውያን ገፈፍቲ ዓሳ ከይለቐቐት፣ ነቶም ተሪፎም ዘለዉ የመናውያን ገፈፍቲ ዓሳ ከምዘይፍንዎም መንግስቲ ኤርትራ ምግላጹ ተሓቢሩ

Radio Erena: January 29, 2014

yefi

የመን ሒዛቶም ዘላ ሰለስተ ኤርራውያን ገፈፍቲ ዓሳ ከይለቐቐት፣ ነቶም ተሪፎም ዘለዉ የመናውያን ገፍፍቲ ዓሳ ከምዘይለቖም መንግስቲ ኤርትራ ምግላጹ ተሓቢሩ።

ኣብዚ ዝሓለፈ ሰሙን መንግስቲ ኤርትራ ሒዝዎም ዝጸንሐ 132 የመናውያን ገፈፍቲ ድሕሪ ምልቓቑ፣ መንግስቲ የመን፣ እቶም ተሪፍዎም ዘለዉ ኣስታት 400 የመናውያን ገፈፍቲ ዓሳ’ውን ክልቐቑ ከምዝሓተተ ብሬድዮ ኤረና ምቕልሑ ይዝከር።

እንተኾነ መንግስቲ የመን ዝሓዞም ኤርትራውያን ገፈፍቲ ዓሳ ከምዘየለዉ’ዩ ዝገልጽ።

Read more...

ባይቶ ሰብኣዊ መሰላት ውድብ ሕቡራት ሃገራት፣ ኤርትራ ናይ እትርከበን ሃገራት ኩነታት ሰብኣዊ መሰላት ንምግምጋም ኣብ ጄኔቫ ኣኼባ የካይድ ኣሎ

Radio Erena: January 29, 2014

UNHRC

ባይቶ ሰብኣዊ መሰላት ውድብ ሕቡራት ሃገራት፣ ኤርትራ ናይ እትርከበን 42 ሃገራት ኩነታት ሰብኣዊ መሰላት ንምግምጋም፣ ኣብ ጄኔቫ ኣኼባ የካይድ ኣሎ።

እቲ ካብ 27 ጥሪ ጀሚሩ ክሳብ 7 ለካቲት ዝካየድ ዘሎ ብ Universal Periodic Review (UPR) ዝፍለጥ ኣኼባ፣ ናይተን ብምግሃስ መሰረታዊ ሰብኣዊ መሰላት ዝኽሰሳ 42 ሃገራት ዓለም፣ ኣብዛ ዝተዛዘመት ዓመት ናይ ዝነበረ ኩነታት ክግምግም'ዩ።

Read more...

ኣብ መዓስከር ስደተኛታት ማይ ዓይኒ ተቓውሞ ወዲብኩም ተባሂሎም ዝተኸሰሱ 10 ኤርትራውያን ኣብ ቤት ፍርዲ ክቀርቡ'ዮም

Radio Erena: January 29, 2014

ARRA 2

ኣብ ኢትዮጵያ መዓስከር ስደተኛታት ማይ ዓይኒ ዝተኻየደ ተቓውሞ ወዲብኩም ተባሂሎም ዝተኸሰሱ፣ 10 ኤርትራውያን ስደተኛታት ጽባሕ ሓሙስ 30 ጥሪ ኣብ ቤት ፍርዲ ክቐርቡ ምዃኖም ምንጭታት ሬድዮ ኤረና ሓቢሮም።

ቅድሚ 10 መዓልቲ፣ ነቶም ኣብ መዓስከር ዓዲ ሓሩሽ፣ ብተመሳሳሊ ሰልፊ ወዲብኩም ተባሂሎም ዝተኸሰሱ ሽዱሽተ ኤርትራውያን ነፍሲ ወከፎም ክልተ ዓመትን ኣርባዕተ ወርሕን ክእሰሩን 2 ሽሕ ብር ድማ ክኸፍሉን ከምዝተበየነሎም ብሬድዮ ኤረና ተቃሊሑ'ዩ።

እቶም ሓደ ሰብ ዝተቐትለሉን ሓያሎ ድማ ዝቖሰልሉን፣ ኣብ መዓስከራት ኢትዮጵያ ንዝተኻየደ ሰለማዊ ሰልፊ ወዲብኩም ተባሂሎም ንኣዋርሕ ኣብ ኣብ ቀይዲ ዝጸንሑ ኤርትራውያን፣ ዘይሕጋዊ ኣኼባን ሰልፍን ብምውዳቦምን ብሰንኩ ድማ ናይ ልዕሊ 125 ሽሕ ብር ዝግመት ንብረት ብዕናዩ'ንዮም ተኸሲሶም፣ ጉዳዮም ናብ ፍርዲ ንምቕራብ ካብ ግዜ ናብ ግዜ ክሰጋገር'ዩ ጸኒሑ።

Read more...




Powered by Joomla!®. Designed by: free hosting no ads resell dot me domains Valid XHTML and CSS.